|
السلام عليكم
شلونكم , ان شاء الله تمآم . .
ابي احط تقويم اسنـان ..
و كل ما سألنا عن عيادة ناس تمدح و ناس تسب احتررررت ..
رفيجاتي , وحده مركبة بالحكومة لعووزوهـآ كل يوم يطردونها ..
ولمـا قرروا خلاص يسوون لها قالها الدكتور حرام تسوين تقويم بعدين اسنانج ترد مثل قبل لو كبرتي :/
و ما سسواا لهـا ..
و الثانية مسويته بالجزيره , تقول لنـا كلا هنود .. و توووه مفتوح و تو الناس ما هبوا فييه فـ رخيص و سوت عندهم بـ 800
مع ان اسنانها يعني فوق و تحت حييل متخربطين ..
انا انصدمت ان 800 , و في بنات مسوينا بالميدان " فرع الفروانية " بـ 1800 و اسنانهم اقل تخربط منها :/
و الحكمة وحده هم مسويه عندهم بـ 1000 بس مع وآسطَه .. و لما سألنـا عنهم يقولون انهم حرامية و نصابين ..
و الحين امدحوا لنـا الميدان فرع الجهرـاء " مع واسطه " . .
لكن الخوف من الدكتور
فـ بغيت اسأل منو مسوين بعيادة الميدان بالجهراء و الدكتور زيين هنـاك ولا لاء . .
و لـَو تعَرفوون عيادة زيين و اسعـارها منـآسبـة قولوا لي , ولا اغامر و روح نشوف عيادة الميدان بالجهراء ..
اللي بالخفجي يركبونه بـ 500 لكن الحديد مال التقويم يكون قديم =)
فـ عشان جذي رخيص .. " على حسب ما سمعة "
وانا مسوية تجميل لافا مو تقويم بالميدان عجبني شغلهم …بـ 1150
الدكتور كويتي اسمه خالد الكندري والكل يمدحه
بسأل و بشوف ..
بس مافي احد جرب يركب تقويم بـ الميدان فرع الجهراء :/ ؟
وفي دكتور بعــد مصـــري بس نسيت اسمــه
انا الحين لابسه بروح المــيدان وارد اقــولج
لاحد يشوفك عندهم دكتوره ..
لو في احد جرب فرع الميدان بالجهراء , ياليت لو تقول لي =(
بس انا اللحين مع الفوزان كلينك بالمهلب
أب
سويته ب1000
خذو دفعه اولى 300
وكل شهر 60
اتذكر خالتي تلعوزت يوم سوت ضرسها هناك
شوفي حبي لا تسمعين كلام الناس..انا وحده سويت تقويمي بالحكومه..وماطولت..لاني اساسا سويت التسوس والتنظيفات بالميدان وعقب رحت المستوصف وعطاني تحويل..والله ما اتذكر بس ماطولت سالفه شهر شهرين الا انا مركبه تقويمي
وكلفني حول ال70..لان انا بس ضروسي اللي فوق متخربطه
وسالفه الضروس ترد..همن قال لي دكتوري راح ترد لان انتي ما تحتاجين التقويم حيييييييييل..بس لما تلتزمين بالمؤقت راح يفرقون..على قولته اكثر الحجي ع المؤقت
واخواني 2 بالحكومه بعد..واحد بدا قبل رمضان..بس ماكان يروح بالموعد..يعني يقول له الدكتور تعال لي عقب يومين كان يطنش عشان رمضان وجذي..وبعدين نظام يديد الدكتور نفسه اللي يبدي فيك.اهو لازم يسوي لك الحشوه الدائمه
الثاني لا بسرعه مشى..اللهم الخبل يوم وصل للتخصصي ودخل على الدكتور العود على قولته..طنش فيه يمكن شهرين ويوم رد له..وعطاه موعد للدكتور اللي راح يسوي له..ودخل عليه وجذي..اخذ رقم ابوي الدكتور وقال له خلاص انا ادق عليكم..احنا كنا خايفين ان يطول وجذي
بس اسبوع ودق وقال يلا موعد قياسات
واليوم راح معاي واخذ قياسات التقويم..وطلع عليه ب104..لانه فوق وتحت
ما ادري اذا فهمتي شي من هذرتي..ماعليه السهر ومايسوي
بس ترى الدكاتره الهنود احسن شي للتقويم..انا ما ادري ارتحت للحكومه..واعيد ان المواعيد مو نفس قبل..احسن بوااااااايد..وعليج انتي يعني لما تلتزمين بمواعيد المستوصف وتروحين اول ب اول راح تخلصين بسرعه..اخذي رقم المستوصف ودقي بيوم موعدج وقولي متى وقت دكتوري..وروحي له..جذي يسوون اخواني..واستخيري ودقي على العيادات وسأليها..الميدان حلوو سويت ضروسي من حشوات وغيرها عندهم..ودخلت على دكتور التقويم وقال لي تحتاجين فوق وتحت..بس يوم رحت الحكومه قال لي بس تحتاجين فوق!!!!!!!!!!!!!
رفيجتي حطت بعياده خاصه وقالت له انا عروس..قال لا وعد تضبط الاسنان قبل العرس..واهيا تزوجت وخلصت والتقويم فيها
انا لا قال لي سنه و6 شهور..وصج سنه و6 شهور..بس الحين ذبحني كل ما اروح يقول لا خليه بعد شوي ليش مستعيله
سووووووووووري اذا طولت عليج
فتحنا ملف بـ فرع الجهراء ..
بس انصصصدمت لما قالي ماكؤؤ خلع اسنان :O
و اللي بفرع الفروانية قايل لي لازم نخلع 4 اسنان :O
و اللي بالجهراء قالي ما يحتاج انتي تكبرين و الفك يكبر و لي سكرتي حلجج صاير سيدة ماكوو ارتفاع :O
يعني ماله داعي خلع
و اسنانج صغيره و تبي حشوات :/
تمنيت اني ما استعجلت و فتحت ملف عندهم
cup-cacke
رفيجاتي 2 بـ الحكومـة ..
مركبلهم بس فوق 😐
وحده يقول لها بعد 4 شهور نركب تحت ..
ووحده مركب لها بالأقصاد بس اثنين جدام وضرس ماكوو و اثنين ورآ 😐
يقول لها لما نشوف النتيجة نركبة كامل :/
ووحده اسنانها كلها فراغات ..
و الثانية لازم اردون لـ ورا ..
فـ عشآن جذي ما ارحتحت لـ شغلهم :/ ..