|
|
قوه كروشات
شلونكم؟
بنات عندي مشكله عويصه و غثيثه و لايعه جبدي منها 
ببجري صارت و الحين بعد ،، من دشيت الرابع تقريبا بدا عندي عوار ممتد من جتفي لي ظهري لي وركي و فخذي و ساقي و كعب ريلي .. فاهمين علي صح
اهو مبين عرج كاااامل من فوق لي تحت
هذا الي يسمونه عرج النسا ؟؟ ما اعرفه انا بس من العوار حسيته اهو لانه الم متصل و اذا ضغطت على وركي احس بالالم مثل الخيط من جتفي لي كعب ريلي
الحين انا باخر السابع ولا تشوفون العوار شي فظيع
والله ما اقدر امشي ولا اقوم جني عيوووز لازم اسند و شوي شوي
انا عندي ولد صغير و ما عندي خدامه و ولدي عبثي كل شوي كاسر شي او روحث حمام او سباحه وييييع والله معاناه احس روحي تطلع
غير النوم شقووووولكم عن وقت النوم اموت بمكاني
تكفون الي تعرف هذا شنو و شنو علاجه لا تبخل علي
الدكتوره عطتني دهان بس مفعوله بو دقايق و يرد العوار
شسوي ؟؟
و بالمره الي تعرف رداده زينه حق هالسوالف تقولي علشان اذا ولدت …
انا على الله و عليكم
ان شاءالله غيري يفيدج
اببببببب
رفع لعيوووووونج
انا اعااني نفس اعراااض بس مو حاااامل
بصررراحه عذذاب اه اذ جاااني اكره حيياااااتي بس مااعرف اذ عرق النسا اولا
غاثني احيانا ودي لو اسحب هالعرج و اطلعه و ارتاح <<<< تعبير اجرامي
ابي حل ؟؟*
اب
اب
بـــــس مـــا تـــشــــــوفـــيــــن شــــــــر ان شــــــــــآء اللــــــه
اب
بس اقدر افيدج بشغله اهيه ردادة بصراحة تهبل شوي عليها انا جربتهاا
هذا رقمهاا
ام يوسف 97131496
نفس اللي جاني بحملي الاخير بغيت اموت من العواروماخليت دكتور مارحت له
وقالولي هذا عرج نسا الحمل يعني يجيج بالحمل ويروح عقب الولادة او يخف حيل
وقالولي ماله علاج فترة الحمل ليما تولدين تقدرين تعالجينه
انا الحين الحمدلله ولدت وخف معاي 80 بالمية
احس مرات بالم خفيف وكهربا خفيفة
الله يعينج ليما تولدين ويهون عليج
لي درجة رجلي اتعلق احس لو اخذت خطوه بعد راح اطيح
ما اعتقد له علاج بفتره الحمل الا انه يبيلج رااحه اشوووي
انا من يخلص الحمل ما احس فيه بس بفتره الحمل يصير فيني
الله يعين
الي تعرف بعد ردادات عفيه تفيدني
انا فيني عرق النسا جاني بجري واستمر وياي اول شي قالو موارجه عادي وعقب ماولدت زاد لدرجه اني احدب موقادره ورجلي بس اضبها بضببات من قوة الالم ولماقالولي عن دكتور شاطر بمستشفى بسلام استشاري طلب مني اشاعة رنين مغناطيسي سويته علا الظهر وبين وياي ان في عرق نسا ودسك بسيط وعطاني مسكنات ارتحت عليها ولله الحمد وبولادتي الثانيه رجعلي ثاني مره الله لايوريج احس العوار يجي بجبدي موقادره احدده بالورك والا الساق والا الكعب تعبت وعقب الولاده رجعت له وعطاني المسكنات والحمدالله علا كل حال
المطلوب منج انج تروحين تسوين رنين علا الظهر اخذيه من حكومه بلاش ابرك من الخاص اميه وفوق خسروني وانا بديرتي صج مايرحمون ودشي استشاري اعصاب وعظام هذوله لهم شغل بحالتج وهني يبين وياج صح اذا عرق نسا ولا لا*