هدايا المواليد ؟؟ كل وحدة بليز اتشارك صج ودي اعرف شتييب

قوة بنات .. ما شاالله الاستقبالات ما اتخلص … و يبيلها ميزانية و افكار مميزة

يعني ياريت كل وحدة تقول من وين تشتري الهاديا

طبعا الهاديا

كاكاو

ملابس

ذهب

و اذا في غيرة تعطينه خبرة

اذا الوحدة بتشتري بدلة سنعة و راحت لحظة من فضلك السعر مبالغ فيه ..

و الكاكاو ويييه نار صاير واصل الكيلو 40 ..

و الذهب الصراحة ما عرفله …

ياريت كل وحدة تقول من وين و التكلفة

تسلمووون

والله انا العاده أعطي فلوس وأفك نفسي أشتري علبة ككاو من لاكادو شكلها ذرب (عندهم علب حلوه على شكل هديه) ويلفون الفوس بشريطه ويحطونه داخل العلبه مع الككاو وأوديه هديه وسعر العلبه 10 دنانير وأحط فيها 20 دينار بالداخل مع الككاو0

وتقدرين تشترين من مذركير (طقم مواليد) وتقولين لهم هديه ويلفونها لج0

انا ماحب لا اشتري كاكاو ولا ورد

دايما اشتري بدل سنعة وماركة او ذهب او فلوس

أكثــــر شئ أهديه للوالدات فلوس…

اكثر شي كاكاو ومعاه فلوس

etha greeba ashterelha badla marka 7ag elbaby because bakon a3aref thoqha wetha b3eda sara7a kakaw l2eni ma7eb elward tge6en flosich 3alaih o yeg3ad yomain o yenga6

انا عن نفسي اذا بنيه اعطي ذهب واذا صبي بدله

يعطيكم العافية حبايبي ما قصرتووووووا

اي انا نفس الشي

بس ياريت اتقولون المحلات و التكلفة

انا وامي نعطي فلوس امغلفه ابوكس راقي مع مجسم كاكاو مثلا من محل اعرفه عنده كاكاو نفس كاكاو خباز صاحبته كويتيه و عندها اشياء حلوه بأسعار حيل مناسبه مره شريت شجره من 75 حبه كاكاو kd 35 وحطيت معاها ورد طبيعي 15 دينار عندها كاكاو على 6, 8 ,15, ينباع نفس اشكالهم اغلى بوايد بالعلب ومزقرت. ت:7176277 العنوان : خيطان مجمع زينه.

*اذا ابي بس كاكاو بالكيلو اخذ من المره نفسها وانا اشتري علب من الزهور الشرقيه بحولي واعبيهم.

*ساعات انا احب اسوي كاكاو امزقرت hand made اروح الزهور الشرقيه بحولي اشتري منه الأغراض واشتغل فيهم (خاص للأقرباء جدا).

البدلات:
اذا ماركه..اطلب من النت ماركه رالف لورين لبس أطفال حده كلاس 3 قطع يطلعون 60 دينار, جاكادي و في محل تحت حده كيوت في (ليلى جالاري) بعد, بنتون (الرايه) البدله على 10 دنانير تقريبا , مذركير 12 , اويلالي (الرايه) ,gap تشترين اشياء وايد سعر مناسب ببطلونه اب افنيوز, نكست.

تقدرين تشترين عطور خاصه للبيبي:1- بربريز
2- موسكينو (عطر ولدي المفضل) ايي مع الكولكشن موجود في فافافوم الست سعره 16 kd.
3- في عطر حق البنات من كلارنس اي ست 14 kd. و أيي معاه عطر حق الأم بس ما ادري بجم عطر الأم.

1- حق الأم ست من الشايع سطور 16 kd. او من فافافوم بس توبه المره اليايه بشتري من سوق السلاح او جمعيه الشاميه يقولون وايد ارخص.

2- دراعه راقيه , طقم ارواب من الطاهر.

3- مسيمو دوتي (المرينا) ست العطر 10 kd

الذهب :
من حولي شارع الذهب.. احب داماس

الورد :
زهور جراسيا – السالميه مجمع خالد زيد الخالد – شارع بغداد .اينن
ت: 5650971 5651073

محل الورد اللي يم جوكلت بار امووووت على ستايله.

واااااااااااي زوقة والله كفيتي و وفيتي والله ما قصرتي حبيبتي ..

مشششكووووووووورة :*

أختي قمة النعومة والأنوثة تعطين هالناس وتخبين عمرج ولي صار عندج مناسبة محد ايي ولا يذكر أو ما يكلفون نفسهم بشي انتي وايد سنعة ما شاالله عليج آنا كنت أعطي بس صار لي جم موقف خلاني ما أخب عمري سويتلي كروت عند محلات الي يطبعون كروت العروس بس طبعا الحجم الصغير( تصميم خاص) وطابعة داخل اسمي ومبروك وأحط في فلوس بلا عوار راس وأخلي الخبه بس عشان أقرب الناس
ومشكوووووووورة علي المعلومات حبيبتي

صح كلام اختي ليدي مشمش

—————

احسن شي فلووس – أو بدل بس تكون مقاس كبير يعني من3 لي 6 أو أكبر … لان الياهل بأول ثلاث اشهر كله امهدينه و ما يبين عليه كثر ما اتكشخينه باللبس بس لازم تحسبين حق اليهال لما يكون بعمر 6 شهور راح يكون بالصيف ولا بالشتا يعني مو تشترين له بدلة شتوية حق عمر 6 شهور و لما يصير عمره 6 يكون بعز الصيف و ما يستفيد منها

و بصراحة ما انصح انج تشترين بدلات غالية لليهال ترا ما يسوى … اشتري بدله من ماذركير ولا سنتر بوينت عندهم شغلات حلوة

والهدية أولا و أخيراً تعتمد على ميزانيتج … تبين هدية بخمس دنانير مو مشكلة اعطيج أماكن حلوة و رخيصة تبين هدية بخمسين دينار هم مو مشكلة تقدرين تشترين وايد شغلات بهالمبلغ

يعطيكم العافية حبيبتي

انا ما عرف اعطي فلوس .. ولا مرة جربت … و اذا بتعطون جم بتحطون ؟؟؟

اكيد ابي شي زين و سعرة مو رخيص فشلة بهادي الناس و هذا تقدير مو حلوة ايييب شي رخيص

والله كذا مرة من لحظة من فضلك بدلات

او كاكاو كافريل او نوهاوس

بس هالفترة زايدين فابي شي معقول و حلو

تسلمين قلبي هذا من ذوقج…بس الصراحه انااهدي الناس مثل ما يهدوني واحسن بشوي..والصراحه تعبنا من الهديا استقطاع شهري من معاشاتنا بس هذا واجب ومثل ما ايوجبونا الناس لازم انوجبهم وأحسن بعد, وايد حلوه فكره تصميم كروت خاصه يعطيج العافيه عليها شكلي بسوي نفسج حق امي اريحلها, اما حقي ما اقدر احب اتفنتق بالكروت كل مره احب غير, والصراحه انا بعد خبتي من بدلات وفلوس وكاكو حق اقرب الناس بس احنا العايله كبيره ما شاء الله, العفو قلبي وانتي مشكوره وايد بعد.

لفلوس انا مثل ما هدوني اهديهم وتفرق عندج من 20 دينار الى 100 او أكثر على حسب, احنا هدايا الزواج اتكون اكثر من الولاده.

ترى لحظه من فضلك ايغالي بالأسعار وايد..تقدرين تطلبين من النت في مواقع وايد اتبيع اشياء حلوه واسعارها واااو وماكو من الشغله بالكويت, وتقدرين تستفيدين من التنزيلات بعد,احب كاكو نوهاوس وقوديفا يم يم