هالنوع من الرياييل شلون تتعاملين معاه؟؟ ابي مساعده ضروري

في انسان زميلي بالشغل .. بالبدايه اعجب فيني .. وعبر عن اعجابه بشكل محترم
ووضح لي ان يبي علاقه اكثر بمعنى علاقة حب و انا تمنيتها تتكلل بحب ثم ارتباط وزواج
مثل كل الناس

المهم ان من بداية العلاقه حظي كان سيء.. صار سوء فهم كبير.. ( ماراح اشرحه )
لكن حاولت اصلح الموقف معاه تقدرون تقولون كنت غلطانه بس بشكل عفوي
ماكان لي قصد .. اني اطلع سر من اسراره

المهم قام وزعل علي شهرين مايحاجيني .. انا احترقت اعصابي ولما فقدته حسيت اني
حبيته

وكان احساس الذنب يقطعني بعدين غير رقم تلفونه .. وانقطعت الاخبار

صرت اطرش له ايميلات .. لاني اعرف ايميله .. ورسائل واعتذر .. واشرح موقفي
مو عشان كنت بموقف ضعيف لا والله بس عشان افهمه ان الشي صار بحسن نيه

انا مابي ادخلكم بالسالفه بس ابي توضحون لي النقطه

انا غيابه علي طال .. اعترفت له اني احبه .. واني مو قادره اشيله من بالي واني حاولت
وفشلت .. وحاولت اتركه جم مره هم فشلت .. علما اني مو خفيفه بطبعي بس هالمره
لاني حاسه بتأنيب ضمييير صرت جني خفيفه وقاطه روحي عليه بس هذا لان صمته
عذبني وطااااااااال

المهم بعد فتره .. شهرين .. وطول هالشهرين كنت اتقرب منه واتودد له باهداءات .. ليما قالي شعر قهرني وكتب فيه ( تبي تشوف اشجع رجل بحياتك شوفني وانا راحل على كثر مغليك )
انقطعنا بعدها شهر .. وبعدين طرشت له مسجات بالايميل وقالي ماقدرت ابطلها
تقدرين تطرشينها على رقمي وسائط .. قلت له اوكى

وبعدين طرشتهم له .. قلت السلاام عليكم .. مارد علي … وطرشت المسجات وسألت لو وصلوا او لا؟ هم مارد علي

بعدين انا نمت لما صحيت 6 الصبح لقيت منه مسج واصلتني الفير .. كاتب فيها قاعده ؟؟

انا لما صحيت اخترعت ان ليش يسألني قاعده ؟ وانا توقعت ان علاقتنا بنظره انتهت
المهم كتبت له كنت نايمه ومارد علي … وسافر

بعدها رجع .. وطرشت له مسجات دعابه وتقبلها مني بسعة صدر .. وقعد يضحك معاي فيها
واليوم الثاني طرشت له وقام سحب علي لوووول مارد علي كلش

بعدين انا خليته 3 ايام وطرش لي رساله يسأل يقول شلونج ؟ شخبارج؟ شنو مسويه ان شاء الله تماما ؟؟

رديت عليه بثقل ماعطيته اهميه ولاطيرته بالسما مثل كل مره .. قلت انا بخير انت شلونك؟

هم سحب علي بعدها تخيلوا؟؟؟؟؟؟ انا قلت مو من باب ذوق اني احقره

واحسه هاليومين يتنطرني اتصل .. لان غاب عني يوم وخفت ان صاير له شي واتصلت وكتبت له سوري لو وقتي مو مناسب بس كنت بطمن عليك

من بعدها اهوا صار يتغيب ومايي الدوام يبيني اتشاغل عليه !!! فكرت ان يبيني اتصل
حلفت كلش ماتصل عليه

ليما اليوم استفزيته ان صار مغرور ومن هالحجي بس بطريقه ذكيه بطريقه دعابات
هم مارد علي .. لمدة ساعه والا بعدين اتفاجأ لما رجعت غرفتي ان متصل علي !!

طبعا اول مره بحياته يسويها ويتصل

بس انا حسيتها حيله .. ان يبيني اتصل هم عشان يسحب علي؟؟؟؟؟؟
واتصلت من باب الذوق مو من باب التلصق فيه جان الاقي تلفونه مشغول
كتبت له انا اتصلت بس خطك مشغول تيك كير باي

الحين انا بنات كتبت لكم مو عشان الاقي ردود ماتحملها ؟ ولا الاقي ناس تحب تتهجم ابي ردود ناس عاجله تدليني طريجي .. وهل اهوا يسوي معاي جذي لان يفكر بالمثل اللي يقول حب البنت تسيبك .. سيب البنت تحبك ؟؟ او هل اهوا شخص لعوب؟ مع العلم ماكان جذي قبل لايحصل بينا سوء فهم؟؟

وهل عشان عرف اني احبه واموت فيه ودلعته وايد قام يتغلا علي ويثقل؟؟ بس ثقله صار مصاخه انا مابي تلوموني ادري اني زودتها ومصختها …….. بس شنو الحل؟؟

هل اعلقه مثل مايعلقني؟؟ اطنشه .. انزين هل اطنشه كل مره؟؟ …… ؟

علما لما كنا نتغشمر .. قلت له شيل الحلو من اييدي تعبت فقالي انا ابي اتعبج اكثر شلون؟
وقعد يضحك معاي ! فهل هذا تفسيره ان حاقد علي وكارهني

او هل يحبني ؟ ويتثيقل ويتغلا لان صج مليت من هالطبع !! ومفكرني احب الريال الثقيل
صج ان الثقل حلو بس لو زااااااد يصير بروووووود الحين احس صابني احباط

ابي تعطوني نقاط ذكيه شلون اقدر اتعامل معاه خاصه ان اهوا واحد ضمن اني احبه واموت فيه واحب ادلعه دايما مثل البيبي؟

يالله شوروا علي ولاتبخلون علي بالكلام الحلو .. كلام اخت كبيره لاختها الصغيره

وبليز اللي تبي تجرح لاتكتب بالموضوع اي تعليق مع خالص رجائي وحبي

تحياتي لكم

انتظر ردودكم وتفاعلكم بفارغ الصبر

ابي حللللللللللل لان عقددددني ومايبيني احقره .. ولما اهتم فيه مايبي يعطيني اهتمام!
بليز اللي مجربه هالنوع سواء حبيبها او زوجها تساعدني

علما ان عندي مزايا : حسن المعامله – الطيبه- ذكاء فطري احيانا- حسن نيه ونقاء سريره

عيوبي: عاطفيه جداااااااااااا – مندفعه لما احس اني غلطانه بس لما اكون مو غلطانه كنترول عندي عالي … مزاجيه يوم مفرفشه ويوم طاقني احباط … من عيوبي اعترف بكل شي
حتى أدق نقاط ضعفي ( بنسبه للحبيب ) لووول يعني كتاب مفتوح

وماخاف من شي يعني .. طبعي جذي وماقدر اغيره .. لكن حبيت اكتبهم عشان تحلون عقدتي

احبكم خواااتي … ويمكن توفقون راسين بالحلال

اللي يحبج يطق باب البيت..

انا قلتلج وانتي كيفج..

مو تيين بعد يومين تقولين قلبي احترق

مشكووره حياتي لاتحاتين ماراح اسوي شي غلط

بس انا هدفي من الموضوع شلون اتعامل مع واحد يتثيقل زياده عن اللزوم

اذا حسيتي اي شي بتسوينه بيرفضه

خليه براحته مايشوف شر صدقيني اذا عزيزة على قلبه مايهون عليه مده طويله عرفتي

والله يجمعكم ان كان خير لج

تبين الصج

انا لو مكانج اكشت فيه من زماااااااااااااان وبضمير عدل

واضح انه عندج ذكاء فطري
الله يهديج
وين خوفج من ربج
كرامتج
سمعه اهلج

نصيحة هذا واحد يلعب

اتركيه وخلج بنفسج ووظيفتج

اكثر مانسمع بعلاقات الموظفين بس يطلع من المكتب يقطج ورا ظهره

اعرف وحدة مسكينة هي وزوجها بنفس الوظيفة

تخيلي زوجها يخونها مع وحدة معاهم بالدوام وهذيك تدري ان فلانة زوجة فلان وتكلمه وتطلع معاه

وهي مسكينة الزوجة ياغافلين لكم الله

لا حب ولا خرابيط هاذي مشاعر متلخبطة

باجر تضحكين على روحج

عشان اكون صريحه معاج انا احب شخص مثل الشخص الي حبتيه بضبط
اقصد مثل الطبع علاقة حب 3 سنوات لو بشرح لج شلون دامت علاقتناااا
بتستغربين مرتبطين حيييل بعض عيشني ايام واليالي صعبه حييييل
كان مستحيل يتوقع ان ممكن يي يوم وابعد عنه يعني كان واثق ان مهما غاب برجع بيلقاني
لمن خلص وصلت لمرحله مااقدر اتحمل ألم اكثر من هيك
قعدت مع نفسسسي وشلت قلبي على صوووب وقعدت شي اتفاهم مع نفسي بالعقققل
اكتشفت اني طولتهااا واااايد المفروض مثل مااهو يحب ان احد يهتم فيه ويداريه انا بعد احب
واكبر تضحيه اهيا علاقتناااا بصفتي بنت .. وقررت قرار ان ابعد وفجاه واتغير 180 درجه
وصار هالشي كاني 3 شهور ماسمع فيها صوتي كل يرسل لي ايميلات واقعد يوم يومين وارررررد
واحط الف عذر وعذر مثله بضبط وصلته لنفس المرحله الي وصلني لهااااا
والحمدالله بهال 3 شهور تعودت اعيش من دونه .. وعرفت ان الي يحب ياخذ الي يحبه
والي مايحب يترك بنات ناااس بحالهم مااقولج اني كرهته لا للحين اموت فيه بس تعلمت احب نفسي قبل
احسسن حل شربيه من نفس الكاس الي شربج منه .. العبي نفس اللعبه الي يلعبها لهي نفسس بأي شي
اطلعي روحي تعالي خليه يشوف ان انتي مو وراه ابـــد لا تقولين مااااقدر الان انتي الي قانعه نفسج بهالشي
حطي ورقه وكتبي عليها ( عشان تعرفين الي يحبج تركيه واذا رجع فهو يحبج ) خليها دوم قبال عينج
ومع هذا لاتخضعين والله لو شاريج بيي يطق الباب وبخلي علاقة حبكم جدام كل الناااس مو بسسسسر
لاتعانين ولاتتعبين ولا تضيعين وقتج وتفكيرج على ناااس تتلذذ بتعذيبج بس الانج تحبينهم
والله يكون بالعون

يمكن متزووووووج

بعد عمري بسمع منج هالنصيحه وبحطها على راسي..

غيري رقمج مثل ماسوا فيج وإذا يبيج صج وحبج يجيج زي الكلب
وطرشيله مسج غيرت رقمي وأتحداك تصيدني ههههههههههههههههههههه
لا يبه أتغشمر ..
وطقي الثقل وخلي العاطفة عنج ترى بتجيب العيد فيج وقوليلة مابيني وبينج
شي زماله لا أكثر ..
وإذا حبيتني بيت أهلي موجود ومهما سوالج وقال لاتعطينه وجه
وبيني وبينج الرجال مايحب الوحدة لزقة وتخر كل شي يعني يحبها
غاااااااااااااااااامضة مثل ماسوا فيج وعطاج طاف وصار غامض وحرق أعصابج عطيه طافين
وإحرقي أعصاب أعصابة ..
مثال :
الجاهل إذا لزق بأمه 24 ساعة وغثها موتعصب وتزهق الأم
وهو كزالك الرجل مع الحبيبة أو الزوجة ..
إثقلي وأنا إختج ..
وآسفة عالإسلوب الأكثر من رائع ..

وبزيد شى على كلامها من كلامج فهمت يلعب على الحبلين ترا الريال مهوب خالى يعنى مو بس انتى بحياته
الريال لو حب وحده صج يلصق فيها لصقه

ونسيت اقولج اذا شفتي ان ماكو فايده فيه وبيأثر على حياتج

انتقلي وغيري مكانج ريحي بالج

والله اتمنالج الخير مابي احد يجرحج

انا بحاول اكشت فيه اذا ماشفت منه بادره واضحه

لووول مشكوره .. تدرين عاد واانا اكتبها توقعت تنقال لي يعني العرب لازم يتنططون
بالكلام والا مايعرفون يعلقون بتعليق طيب

الحمدلله كل انسان عنده جانب خير وجانب شر وربي سبحانه يعلم بالنيات

واشكرج على اهتمامج ترى كل الديره متزوجين على حب .. واللي يبي الشر يروح له
وانا ولله الحمد نيتي الله ادرى فيها

مشكوره