|
|
دخلوا..
بغيت من المميزات وصاحبات الأفكار أفكار حلوة وتشجيعية لطالبات المرحلة الثانوية عشان يهتمون بصفهم وبسلوكهم مع المعلمات ومافي مانع من المسابقات
أبي أفكار حلوة يستانسون منها هالفئة العمرية ويحبون مدرستهم وصفهم منها وأكيد يتشجعون عشان يعرفون الجديد
علمأً بأني مشرفة على هالصف ..
ودمتم
ناطرة الردود..
و طالبة الثنوية مو ياهل و صدقيني ماراح تحترم الي مايحترمها ،، ~
و انشالله البنات يفيدونج
رفـــــــــــــــــــع
يعني خلي وقت مستقطع وسولفي معاهم عن هواياتهم
واللي عندها هواية رسم او كتابة شعر او عزف الخ
برزيها
شلون ؟!؟
انا اقولج
الرسامة : ترسم لوحة وتعلقينها لها اما في مدخل المدرسة او في الفصل
الشاعرة : تلقي القصيدة اما في الطابور او بالفصل امام الطالبات ومافي مانع من وجود الناظرة
الرياضية : عقدي اتفاق مع معلمة التربية البدنية ترتب معاها فقرة رياضية وتعرضها جدام زميلاتها
هذي بعض الامثلة وقيسي عليها باجي الهوايات 
كل اسبوعين اختاري اميرة الفصل او مس كلاس miss class 
والاميرة هذي او مس كلاس تختارونها على اساس حضورها اليومي يعني نسبة الغياب تدخل بالتقييم
وعلى اساس مشاركاتها مع معلماتها يعني تشوفين معلمة كل مادة راح ترشح منو
وعلى اساس ايضا تعاونها مع زميلاتها بالفصل وهذا ايضا ممكن تاخذينه من معلمات الفصل
تلبسينها وشاح مس كلاس وتكتبين الفصل عليه وتكرمينها بالطابور او بالفصل على حسب اللي تشوفينه
اتمنى الفكرة تعجبج
وتحياتي لج والله يوفقج انتي واللي مثلج
اهلين حبيبتي
انا معلمة ابتدائي بس فكرت لج
جيبي لوحة فلين كبيره
وعلقي عليها ورود او قلوب او نجوم او جواهر
على عدد طالبات الصف
وكتبي اسامي البنات داخل الشكل اللي اخترتيه
وخلي بجانب الشكل فراغ وحطي بالفراغ كلمات معبره
وتعرفين الستكيرات البيضاء الصغيره ….كتبي عليها ملاحظه وحطيها عند اسم البنت
يعني مثال …..كتبي
ذوق بترتيب الدفتر
نشاط واجتهاد
حضور ومداومة
ادب واحترام
سرعة بديهة
واذا بنات تبين يهتمون بنفسهم اكثر
ضرورة الاهتمام
لابد من اخذ الحذر
الرسوب وارد
انتبهي انتي في خطر
عرفتي هذه عبارات حلوة ومشجعه
وكل وحده تحب تشوف شنو قدام اسمها
وانتي وابداعج في تصميم اللوحه
اتمنى اكون افدتج
أفكااااااار روعة واااايد
بالتوفيق