موظفات بنك بوبيان او البنك الدولي

السلام عليكم

شلونكم بنات ؟ و مبارك عليكم الشهر ,,

بنات انا توني متخرجة و ابي اقدم على بنك بوبيان او البنك الدولي فأبي منك معلومات عنهم ,, يعني شلون طريقة عملهم ,, و هل هم فاصلين الحريم عن الرجال ,, يعني معلومات تفيدني و جزاكم الله خير ,, و الله ما عندي اللا انتو خليجية

و مشكوورين

وعليكم السلام حبيبتي علينا وعليج ان شاءالله … حياج الله في كويتيات …

انا ماعرف كثير افيدج فيه لكن قبل لا اتوظف كنت ميته ابي اتوظف في بوبيان … ولما رحت كذا مرة بقدم ماشفتهم فاصلين الحريم عن الرجال… بس بالرئيسي شفتهم جذي نفس مكاتب مفصوله عن بعض

قالوا لي يبون لهم واسطة قوية حتى لو عندي تخصص يبونه وهالشي طبيعي كل البنات او اغلبهم يحبون شغل البنك..

وقالوا لي انه تعب وكراف بس وناسه …. وقالوا لي بعد انه شغلهم شفتين صبح وعصر … والرئيسي احسن من الافرع جنه لانه مافي عصر والله نسيت من زمان كنت احوس معاهم وافكر فيهم ..

انا ليلحين ودي بس ماقبلوني وسعيت بوظيفتي وتوظفت لو يحصلي بنك مو بعيد من بيتنا ماقول لأ…

اي … وقالوا لي عن المقابلات واسئلة المقابلات تلاقين موضوع بنوته حليوة نفسج اسمها روز كاتبه موضوع عريييييييق عمييييق بمقابلات البنوك يفيدج…

ولا تزعلين احنا خواتج واحنا نفيدج بإذن الله اختي .. وحياج الله مرة ثانية

هلا حبيبتي

اذا تبين بنك مفصول الريايل عن الحريم ..عندج بنك التمويل

حتى اذا رحتي راجعين تشوفينهم بقسم غير

و بالتوفيق خليجية

اذا لج نية تقديم على بنك … جهزي الواسطه اول

الله يوفقج

مشكورين خواتي و ما قصرتو ,, بس ما فدتوني بعد ,, و انا سمعت ان بنك بوبيان و البنك الدولي اسلاميين و مفصوليين
حياتي السمع غير الشوف

روحي يا عمري وشوفي بنفسج

اذا عجبتج الاجواء قدمي Why Not

اما بالنسبة للواسطة

وين الاعضاء ومقارهم النسائية عن اعيال الكويت اللي قاعدين تحت رحمة الله

لجووووووووووووووونا بالانتخابات الحين ما كو لا حس ولا خبر

وينهم

لي الحين انطركم يا بناااااااااات خليجية
upupupupupupupupupupupup
بنك بوبيان الدور الارضي نصه بنات ونصه شباب بس مومعناته منفصل بينهم طوفه لا مكشوف بس المكاتب بروح

اما البنك الدولي ماعمري دشيته اما بوبيان انا متأكده من كلامي لاني قبل كنت مقدمه عليه

البنك الدولي عند برج أحمد.
وأكيد الدولي احسن وافضل من كل النواحي. واغلب موظفينهم اجانب. لانه البنك اساسا اجنبي
البنك الدولي مقابل دروازة عبدالرزاق..وهو بنك اسلامي فاصلين الموظفين عن الموظفات..اخوي يشتغل بالرئيسي واايد عاجبه المكان والرؤساء وبعدين رواتبهم اعلا من كل البنوك هذا غير البونس..انصحج فيه
اقتباس:
المشاركة الأصلية كتبت بواسطة ريومةالمزيونة خليجية
البنك الدولي مقابل دروازة عبدالرزاق..وهو بنك اسلامي فاصلين الموظفين عن الموظفات..اخوي يشتغل بالرئيسي واايد عاجبه المكان والرؤساء وبعدين رواتبهم اعلا من كل البنوك هذا غير البونس..انصحج فيه

عفية سأليلي اخوج … انا معلمه جامعية تخصص عربي اجماعيات ومعاي شهادة الـicdl … يتوقع يقبلوني عندهم ناطرتج حبوبة

لا واسطه ولا شي عيال خالتي علوم اداريه اشتغلاو بوبيان عادي وخلط البنك

1 Comment

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.