بنات
يالله مشاركاتكم
من وين تشترون ملابس البيت اليوميه حق عيالكم
؟؟؟؟؟
انا ببتدي
واقول
من محل ماكس
لان احلى محل للملابس الرخيصه بالنسبه لي
لاتقولون الجوهره والمعلم
ويييعععععع الصراحه جم لبسه وقطي بالزباله عن تجربه
وحتى سنتربوينت غالي وموحلو
مره شريت منه جم بيجامه حق ولدي وبنتي طلعت ب 60 دينار
جم لبسه وشكله صار يلوع الجبد
اليوم رحت ماكس
خميت تيشيرتات وليغنزات حق بنتي طلعت ب 12 دينار
التيشيرتات على دينار وربع – دينار ونص – لي دينارين
والليغنز دينار وربع
وشحلاتهم
ماكو على ماكس
ماتقولين ملابس بيت
والله انا البجايم من مذركير احب اشكالهم بس بالغسيل يلوعون الجبد و هم اشتري البجايم من مجمع النقره الجنوبي تحت بالسرداب و بالبيت الحين يلبس شورتات و تيشرتات من من اتش ان ام او بينتون او بوسيني او مذركير يعني شغلات عاديه و عمليه حق البيت
انا البيت اخذ من اتش اند ام التيشير على دينارين و3 بس كد ومايفشلونج وعملين وهم اخذ من ردتاغ وماكس وسنتر بوينت
من يسوي مذركير تنزيلات خمطت
واشتي من سنتر بوينت وفاشن مل كل شي يعجبني اخذه ههههه
مذركير نكست
الله يديم الرخص و ماكس روعه
انا احب غاب بضاعته ماتتغير ولبس البيت مهم يكون من مكان زين لان مابي كل يوم اروح اشتري ابي شي يستحمل الكد
البجايم من فاشن مل ورد تاغ
من فاشن مل اشتري بدل الطلعة ملوتهم على 3.900 حلوين حق البيت وشكلهم مرتب ويتمون عيالي انيقين في البيت خاصة اني ساكنة في بيت عمي وهم من ماكس وردتاغ وسنتر بوينت اشتري ملابس الطلعه ملوتهم
للييت اشتري من فاشن مل لان عيالي يحبون طلعه الحوش طوول اليوم
اما للطلعه اكثر شي من بوسيني لان مقاساتهم مضبوطه و خاماتهم روعه
اما واهم اصغر من سنتين احب اكثر شي مذركير وافتر على كل المحلات وآخذ اللي يعجبني
اش اند ام -بوسني-جوردانو
من سنتر بوينت بصراحه سعرهم فيهم ومد ومد ,., ومذركير حلوين بجايمهم ..
انا من نكست البجامتين ب 10 ونص
صج غالين بس عاد اخذي بجامه كشخه وحلوه وتكد ..
ودبنهامز بعد واااااااااي حدهم ازقرت والبجامه الوحده على 7 وربع وفي ب 8
مشكورين على المرور
انا حق ولدي الصغير اشتريله البجايم من نكست ومذركير واش اند ام وماماز اند باباز
لان الياهل بوشهور مايستهلك الملابس ويهريهم مثل العيال الكبار تدرون يلعبون بالحوش والالوان فماتلحقين عل غسيل هدومهم
اما الصغير مايستهلك فاشتريله من المحلات الزينه