من حق ابو الزوج يسوي كذا؟؟؟؟

السلام عليكم …

حبيت اخذ رايكم لو ابو زوجك متزوج وحدة صغيرة وعنده منها اولاد وبنات صغار ب7 و9 و14 و3 وربي فاتحها عليه وعنده خير من حقه انه يسجل بيوته واملاكه باسمهم بس ولا ؟ ولا تشوفين ان عيالك لهم حق بالفلوس مثلهم؟ خاصه انه زوجته من بلد ثاني عربيه يعني ؟

لو دريتي انه ابو زوجك يسوي كذا بدون علم اولاده الكبار شنو تسويين ؟؟؟؟؟

اعلم ريلي يكلمة لا ما اسكت عن حق ريلي و عن حق عيالي

اقول حق زوجي …
لكن بالاول والاخير هذى فلوسه وحر فيها بس لازم يعدل بحياته

هو صج حر بفلوسه بس مو معناها يحرم عياله من حقهم بس ما أدري إذا إنت لج حق إدافعين ولا ما لج شغل هذا راجع حقه هو وعياله

واالله يا قلبي انا ما اشوف لنا حق بفلوس اهالينا …

هذى الفلووس اهم تعبوا فيها وشقوا

بيعطونا بنفس راضيه خير علي خير ..

ما يبووون يعطونا مهم ملزومين صراحه

شنو حقج وحق عيااالج .. حقج وحق عيالج تاخذينه من ريلج ابو عيالج يتعب ويوكلكم ويشربكم

والابو العود مالكم شغل بفلوووسه يا قلبي ان شاءالله يحرقهم اهو حر فيهم …

والحرمه عمرها ما تدخل نفسها بأمور الخاصه بعايله الزوووج عشان ما تسمع كلام ما يسرها ..

ما دامه حي كيفه

ويمكن خايف يموت وما يعطونهم اخوانهم الكبار شي …

العدل بين الابناء واجب

اخبر زوجي يكلم اخوانه وبعدها يكلمونه عشان يعدل بينهم احسن من بعدين هالزوجه تكوش على الدنيا وتقط المسكين بعد ماتستغني

لاحولا ولاقوه الابالله حتى بذي تدخلون
فلوسه هو الي شقى فيها يعطي مايعطي
يحرقهم هو حر جمعي بين الاهل لاتفرقين
لاتكونين سبب مشاكل اتقو الله

الكلام سهل وكلنا نعرف نصف كلام بس لو وحدة من اللي يقولون حلاله وكيفة وهالكلام حطت نفسها مكانهم كان ماتت من القهر ليش هم عياله والثانيين عيال البطة السوده

ولو الواحد ماله حق بفلوس ابوه له حق بفلوس من؟؟؟؟؟

شنو بتورثونه واهو حي …ما لكم شغل ولا لكم حق اتدخلون بفلوسه وحياته …وخلي نفسج مكانه وجايين عيالج يحاسبونج …متاكده انج ما راح تلرضين …

مادري الريال كيفه بعدين شلون انتي دريتي و عياله ما يدرون!!

مو حلوه تطلع منج .. لا تصيرين انتي سبب هواشهم انتي اللي بتطلعين بالشينه اذا اهما دروا و بيتصرفون كيفهم بس انا اشوف انتي مالج شغل بالسالفه

عدل كلامها

لازم يعدل بين عياله
الله يهداه