منو عيالهاووين ستيبس بالقصور؟

شــلووونكم بنات؟ بعدالتدوير والحوسة قررت ان شاءالله أروح يوم الأحد أسجل عيالي بالنادي الصيفي لحضانة عيال الديرة لأنها أكثر وحدة شرحة ويديدة وهم يقسمون الياهل على حسب مستواه يعني عندهم صف حق عمر بنتي 3سنوات واذا شافو مستواها زين يودونها صف التميز، يعني حسب كل ياهل وذكاءة ومستواه فعجبني هالشي وستاف الابلات كويتيات والحضانة شرحة ومسوين مفاجآت للصيف وبعد أسعارهم حلوة للصيف 45دينار، فقلت خل أجربهم هالشهر.. بس هم ودي اللي مجربتها ماتبخل علي وتطمني لأن بنتي أول مرة أوديها مكان بعيد عني وبدخلها بالصيف مع اختها الاكبر منها عشان السنة الياية تتعود حق الحضانة،، فمنو مجربها بنات ؟؟ عفية لاتبخلون علينا ..

وسؤال ثاني عن حضانة نيوستيب اللي أعرفة عندهم كذا فرع وواحد منهم بمبارك الكبير، لكن بالمنتدى قريت وحدة كاتبة ان نيوستيب بالقصور يم الجمعية2 صوب مدارس عايشةالشريف وادريس الادريس؟؟صح ولا لأ؟ منو تفيدني جزاها الله خير

الســـــــلام …

شلونج ,, شخبارج ….

حبيت ارد على سؤالج انا حضانة نيو ستبس مااعرف عنها شي

أما حضانة عيال الديرة انا دخلت ولدي صراااحه حضانه ولا اروع ماشفت ولا راح اشوووف نفسها

والله اخوي وولد عمي ولد خالتي مسجلين فيها لانها حلوة ورخيصه ..

والنادي احلى والله لان منها يستفيدون ومنها رحلات كل اسبوع …

وانا اقولج دخلي بنتج وانتي مرتاحه …

والله شفت انج محتاره وقلت مادام اني اعرف الحضانه ارد عليج ..!!!

مع الف سلامه ..

أحلى نجودة مشــــــــــــــــكووووورة حبيبتي وجزاك الله خير انتي الوحيده اللي عبرتيني
انزين شنو المميز عندهم؟ وبشنو يتميزون عن باقي الحضانات؟ وشلون أبلاتهم حليوين ولاشديدين عاليهال؟ أنا ودي أدخلها بس قاعدة أحاتي لأني توني أسمع عن الحضانة ولا أعرف أحد أسئلة .. جزاك الله خيييير حبيبتي

… شلون مااعبرج غلطاان اللي مايعبرج ,,,,,

هههههههههههههههههههههه ,,, ايه والله ابلاتهم حلووووين اخذيها نصيحه مني ..

انتي تعااالي شوفيها وشوفي الاداره مديرتها على ما اظن اسمها ام جراااح كويتيه ..

والله زينه والاداااره حلوة والنادي فيه عصر وفيه صبح ..

هذااا تليفونهم اذا حابه تستفسرين : 5421875 – 7269801

والله يوفقج انشالله وانا متأكده انج بترتاحين معاااها وتشكريني ..:nbvppw:

مشكووووورة ياقلبي أنا فعلا مريتها ومريت كل حضانة سمعت عنها بالمنطقة وهي اكثر حضانه عجبتني وارتحت لها بس حبيت يكون في أحد مجربها أسئله عنها.. وماقصرتي تسلمين حبيبتي

انا بنتي صار لها اكثر من سنة فيها
الحضانة روووووووعة
بنتي تحفظ آيات وأناشيد والوان وارقام بسرعة
وعندهم رحلات كثيييييرة
بس بصراحة ولا مرة خليتها تروح
انا ما اقدر اخلي بنتي تروح اي مكان بدوني ما اثق بأحد
لأن جربتها مرة مع اختها الاكبر والابلة خلتها تروح الحمام بروحها يعني لا سمج الله صار شي
فكل شي امدحه لج بالحضانة الا سالفة الرحلات ماااااا احبها ولا اوافق عليها
اما الابلات يهبلوووون والمديرة تهبل بس اتحسين شوي يحبون البيزة يمكن يبون الربح لكن كل شي ثاني تماام
ورئيسة الخدم عارفة اتهبل بنتي تموت عليها

اما ستيبس موجودة قريب من مطافي القرين مو القصور
واااضح مكانها صوب حصة الحنيف تقريبا
المهم اهي بالقرين قريب من فرع الرملاوي

السلام بنات ..
وين حضانه عيال اليره؟؟

هااااااي…

شلونج اختي حبوبه …

الحضانه بمبارك الكبير ق 8 الشارع 11

هي عند شارع القوس تكون واااضحه …

هذا التليفون : 5421875

مع الف سلامه حبيبتي …

حبيبتي أحلى نجودة انتي يديدة بالمنتدى وكل مشاركاتج تمدحين هالحضانة مادري ليش حسيت انتي بالحضانة…

وقلتي( تعالي)! عموما اذا كنتي من الحضانة وحابة تفيدين الاخوات جزاك الله خير، بس ياريت تنقلين الصورة كاملة حبيبتي عشان الكل يستفيد

وبالنسبة لحضانة ستيب أنا اعرف ان فرعهم بمبارك الكبير

هم انا حسيت جذي.. بس أحسن بعد عشان اللي حابة تستفسر عن أي شي بالحضانة تستفيد أكثر.. مشكورين حبايبي أحلى نجودة وdoll2008

وهم انا اعرف ان نيوستيب بمبارك الكبير بس بتأكد

لازم الابلة بالرحلات تكون حريصة عاليهال لأن هذي مسؤولية وغلط تخليهم بروحهم يروحون الحمام صح كلامك يعني لاسمح الله لويصير شي منو المسؤول؟؟

والظاهر راح أحول على نيوستيب لأنها أقرب لي وأنا مريت فرع مشرف كان مستواهم زين واللي عجبني الكاميرات وهالشغلة موموجودة بحضانة عيال الديرة.. مشكورة حبيبتي عالمعلومات وأعتمدت نيوستيب

حبيبتي ودي بنتج وانتي مغمضه عيونج ..

الحضانه رووووووووووعه بمعنى الكلمه وانا سبف وتكلمت عنها

وبنتي بمجموعة التميز الحين وسوولهم حفل تخرج ماشاءالله روووعه ..

من معامله وتحفيظ واسلوب راقي ..

اي شي حابه تستفسرين عنه انا بالخدمه لاني هم احتمال اسجل بنتي بالروضه عندهم ..

اما بالنسبه لنيو ستيب اهي بمبارك الكبير قطعه 3 هم حلوه بس غاليه شوي ..

من ناحية الاسلوب كذلك راقي والحاضانه من داخل حلوه واذكر بنتي بجت اول مارحت اشوف الحضانه مارضت تطلع لوووول

بس صارت الخيره بحضانة عيال الديره وكلهم خير وبركه ..

على فكره بالنسبه للرحلات والحمام عزج الله ..

انا كنت متخوفه من هالشغله بس تعودت بنتي على الرحلات ودايما اسأل الابلات وبنتي اهم شي دايما تقول الابله توديني الحماملاحظي حتى مو الخدم على طول يعني ماشاءالله ما اعتقد يخلون الياهل على كيفه اهم صغار من الاساس شلون يعرفون يروحون بروحهم هذي نقطه ..

النقطه الثانيه انا دائمة الاتصال مع الحضانة وكثيرة الاسئله لوووووول ..

حتى اذا مرض بعيد الشر عنكم او حسوا انه الياهل مريض ومصخن على طول يتصلون ويعطون الام او الابو خبر ..

وعندهم ادويه بعد

عموما الخيار الاول والاخير لج وعسى الله يوفق بنتج ..

مشكوره حبيبتي نجوده ماقصرتي..

… الـــسلااااااااااااام …

بصرااااحه .. مستغربه من كلامج .. (( أمــــه 2024 )) … إذا إنتي مسجله بنتج من سنه … ويخلووونها تروح الحمام بروووحها …(( على قووولتج )) شلوون مخليتهااا سنه !!

بصراااحه قعدت أحااااتي من كلامج !! لان ولدي مسجلته بالحضانه (( مجموعه الهدى )) لكن ماشالله عليه يفهم و دااايم يقووولي عارفه و أبله هنادي يودووني الحمام !! و مثل ماقاااالت (( دمعه حزينه )) يتااابعوونا بالتليفونات لما يكون عليهم حراره … ويعطوونهم المضاااد الحيوي بوقته ….