|
|
بنات منو عنده فكره عن الاخصائى للرجيم
اللى فى المغاتير ومنو جرب حبوبه
ياليت تفيدونى وبعد بعرف الاسم المحل ورايكم بعد فيه
يعنى اجربه والله اشرايكم
كافي مع الريجيم تسوي نص ساعة باليوم
زين حق المؤخرة والارداف
تم تغيير العنوان بواسطة المشرفه
الرجاء الاطلاع على قوانين القسم
شوفي تجربة بنت عبدالغني شربت
حبيت اوضحلج انى انا كتابه سؤال وليسة موضوع كى تنقلينه
وللافاده وللعلم انه منتداكم المميز والجميل لايوجد به للاسف محرك بحث
للمواضيع المكرره
وان وجد لديكم ارجو الافاده وشاكرتلج حيل
انا ما نقلت موضوعج مجرد اني غيرت العنوان لانه كان مبهم وهذا يخالف قوانين القسم
وانا عدلته لسهولة البحث وعلشان البنات يفهمون مطلبيج من العنوان ويساعدونج بالردود
وبالنسبه للتسميه فاي سؤال او مقال او اي شي تكتبينه يسمى" موضوع جديد"
اما بالنسبه لسؤالج عن المواضيع المكرره
فيوجد بالمنتدى قسم خاص للمواضيع المكرره
وحياج الله
بنت خالتي معاها وحده بالدوام نزلت عندهم 25 كيلو .. وانا شفت البنت بعد ما نزلت .. بصراحه ليما الحين متينه بنظري (يعني مثل منى شداد الحين) وجسمها مترهل لأنها ما كانت تمشي مع الريجيم (على كلامها) !!
بصراحه انا اشتركت معاهم وانا متحمسه والحمدلله إرادتي (ماشاء الله) قوية ومن النوع الملتزم بالريجيم حيل … ونزلت عندهم ليما الحين 4 كيلو ونص !!!!!! …. مع اني سويت ريجيم مع غيرهم (طالب الشمري والسالمية كلينك) .. وبنفس المدة نزلت اكثر من 5 كيلو !!!
مميزاتهم بوجهة نظري:
1- شجعوني على المشي وحبيته .. وصرت امشي باليوم 40 دقيقة تقريبا .
2- عندهم جهاز يقيس كل شي فيج (الوزن / نسبة السوائل/ نسبة الشحوم ووين تتجمع أكثر شي.. واشياء ثانية وايد).. طبعا كل زيارة تمرين على هالجهاز .. وتبدأ المقارنة بينها وبين الزيارة السابقة (كم نزلتي/ووشنو نزلتي/كم نسبة الشحوم/كم نسبة السوائل …الخ)
3- كل اشتراك يفرق عن الاشتراك الثاني (شهر/شهرونص/شهرين …الخ) .. طبعا يفرق بالسعر .. وبالأشياء اللي تاخذينها منهم (فيتامينات/كاكاو/عصير بودر/سكر ريجيم/…. الخ) انا اشتراكي شهر ونص عطوني فوق هذا كله .. كريم نيفيا للسيلولايت+كريم نيفيا للشد .
4- خلال شهر اذا ما نزلتي 7 كيلو .. يجدوون لج اسبوعياً على حسابهم ليما تنزلين السبعة !
5- وزني أحيانا يوقف .. بس نسبة الشحوم أو السوائل تكون نازلة … شلون مادري !!
بس عيوبهم من وجهة نظري كالتالي :
1- يشرطون عليج المشي بداية من نص ساعه .. ويزيدونها إلى ساعة يومياً .. وهالشي ما أقدر عليه لأنه ماعندي وقت ولا أقدر امشي على الجهاز أكثر من 40 دقيقة (وانا قلته لهم) !!!!
2- ذبحني الإمسااااااااااااااااك .. لأنه ريجيمهم يعتمد على البروتينات (يعني مافيه فاكهة والخضرة بنسب قليلة) .. جربت شاي رويال الملين (هم قالوا لي عنه) وذبحني بطني باللويه والعواااار … وجربت ادوية ثانية (هم وصفوها لي) .. صار عندي اضطراب (مره امساك ومره اسهال) … وليما الحين أعاني 
3- انا حدي ملووووووووووووووووووله .. وهذا الشي اللي خلاني ما أثبت على دكتور واحد .. وفوق هذا هم مللوني زود من الريوق اللي نفس كل يوم (يعني مافي اختيارات بالمرة) .. كل يوم جبن وبيض أو لبنة وبيض أو مرتديلا وبيض أو مرتديلا وجبن وكله بدون خبز أو شابورة …… مليت !!!
4- غالي مقارنة مع غيرهم .. العام انا بديت مع السالمية كلينك من شهر 2 إلى شهر 6 ودفعت 20 دينار فتح ملف+وكل زيارة ادفع 5 .. وزيارتين بالشهر ….. نزلت 13 كيلو ودفعت تقريبا 80 دينار …. هذيلا الشهر بروحه 95 دينار !! .. وانا اخترت اللي شهر ونص ودفعت 120 دينار (خبااااااال) !!!!!!
5- مقارنة مع ريجيماتي السابقة .. كل مره ريجيم غير ونظام غير … غير انهم يعطون يوم مفتوح أو اكثر بعد إذا نازله وايد …. هذيلا ضد الأيام المفتوحه لأنها تخرب شغلهم (أي شي) !!!!
انا بديت معاهم ووزني 69.5 وآخر وزن لي (الاسبوع اللي طاف) كان 64.5 .. يعني ما وصلت السبعة كيلو .. واليوم عندي موعد معاهم وبشوف وزني .. واعطيج خبر (مع اني قسته بالبيت ووصل 63 .. بس يمكن يفرق عنهم 
ختاماً … أتمنى اكون افدتج وافدت غيرج … سامحيني على الإطالة
.gif "Eh S(8)")
السلام عليكم حبيبتي انا اليوم رحت لهم وبديت معاهم والله يستر ادعولي
انا الحين وزني 93 والاسبوع الجاي ابشركم اني نزلت كم كيلو
قوووووووووولوووووو امين
.gif "Eh S(16)")
انا اشتركت شهرين نزلت 7 كيلو ..
بس النتائج بعدين ياحلوين والله ان الدورة نزلت علي قبل اسبوعين من موعدها ؟؟؟؟
يقول نفسيا تعبانة ودكتورة النسا تقولي انت سليمة ؟؟
وشعري بس افصخ حجابي أو اغسله او أمشطه يحت بكثره والله حتى زوجي لاحظ ارضية الحمام (وانتو بكرامة) وارضية الغرفة كلها شعري والله اني قربت اصلع …. بعدها الهبوط قام يييني حتى لما اكون ماكلة … والله انهم ودوني الطبيب على الكرسي من كثر اني ما قدرت اوقف على ريلي … المهم كل هذا بعد الريجيم مع المركز وكنت اكل حبوبهم اللي يقولون طبيعية يبيعونها ب18أو عشرين وعلى النت ب3دنانير ؟؟؟؟ لا والبشرة اختربت بعد ما كانت تهبل ورديت كل اللي ضعفته بعد تقريبا ثلاث شهور مع ان اكلي عادي .
المهم انا بلغت … اللهم فاشهد .
احسن شي انتي خففي وامشي يوميا .
الفروانية : 4773060
الفروانية : 4773090
السالمية: 4443703
الخط الساخن : 9226339