|
|
السلاام عليكم ورحمه الله وبركاته
هل للزوجــه دوور في خيانه زوجها لهـا..؟
بغض النظر عن المشاكل الزوجيــه يعني كل اثنيين يختلفوون وتصير 
المايك لكم .. 
اهو سبب رئيسي
بوجهه نظري لااا ماللزوجه دور بخيانه زوجهاا
لانه يمكن تعوود على هالشي من قبل الزواج
يمكن قلبه غافل عن الخوف من الله وان هالشي دين عليك
يمكن ربعه يساعدوون على هالشي
يعني مو معقوله واحد مثلا زوجته جيكرة يروح يغازل ويخوون
وتبقى وجهه نظر
الي لهم دور بالخيانه الزوجيه 3
الزوجه : لمن تكون مقصره على زوجها لمن تكون هامله رووحها وشكلها .. لمن تكون هامله بيتها ومو موفرتله الاكتفااء من كل النواحي .. ولمن تكثر مشاكلها ومطالبها يدور الراحه عند غيرها …
الزوج : لمن يكون بالاصل عيونه زااايغه ومايملي عينه شي … واهوا بطبيعته خوان وعلاقه ماتكفيه لمن يقلد ربعه بالمغازل واللعب .. ولمن يكون مايخاف الله بافعاله ولا يخالف الله بزوجته …
البنت : البنت الي مو متزوجه والحين بعد متزوجات يخونون لمن المرا تدري ان الريال متزوج تكلمه ليييييييييش!!! ماتفكر بمشاعر مرته !!!!! لوو كل بنت ماترضا على البنت الثانيه الرياييل مايخونون … لو هذي ماترضا تكلم المتزوج وهذي ماترضا الريال ماراح يلقا من ايكلمه بس المرا اهيا سبب بتعاسة المرا
هذي وجهة نظري
واضيف الشيطان شاطر سواء الزوج اللي خان او الزوجة
الزوجة لما تكون نكدية ورفلة ومهمله نفسها وعيالها هني يكون سبب للخيانة
الزوج لما تزيغ عينه على اللي رايح واللي جاي ويكون طايح بربع يزينون له هالشي وبعدالزوج عن دينه لان لوتقي مايخون يبينلها خطاها وان ماتسنعت يتزوج بالحلال
رائي متل ما قالت Gourges
محد يتحمل أي مسؤولية إذا أحد الطرفين بالزواج اختار إنه يروح للحرام.
لما راح صحابي حق الرسول صلى الله عليه و سلم و قال له أنا زنيت ما قال له الرسول شنو ظروفك؟ و لا قال له شلون مرتك معاك. ما اسئله إلا: آأحصنت؟ قال إي فخذاه الرسول صلى الله عليه و سلم و أقام عليه الحد.
و نفس الشي لما راحت له الصحابيه و قالت له أنا زنيت و حامل, نطرها ليما ولدت و بعدها ردت و أقام عليها الحد.
كفايه يا بنات, مو كل شي يسويه زوجج تحطينه على ظهرج. مو كافي المجتمع مو قاعد يرحمج و يحط كل شي فوق ظهرج من غير أخذ بدين و لا بقيم؟
لا تخلين المجمتع يشككج بنفسج و يخليج تحسين إنج سبب كل الزنا و البلاوي اللي قاعده تصير, و اللي محد يتحمل مسؤوليتها جدام الله سبحانه و تعالى إلا اللي ارتكبها.
بس الله يهدي هالبناات ويخلونا بحالنـا