منو جربت الطلق الصناعي ؟ خايفه

وعليكم السلام

اختي انا توني والده من 8 اياام وبطلق صناعي ،، اختي والله انا حددددي خوافه ومن كثر ما اسمع ان الطلق الصنااعي يخرع خفت ومتردده فيه بس اللي شفته عكس جذي يعني مايستااهل كل هالخرعه اهو صج يتعب ويطول انا كنت اطلق تقريباً من 2 الظهر وماولدت الا 2 بالليل بس الحمدالله السهاله من الله ويصير تاخذين ابره الظهر بالطلق بس اتا ماخذيتها ، وحتى الولاده والله ماتخرع وللعلم انا بچر اول بيبي لي..

حبيبتي لا تحاااتيين وتوكلي ع الله وصدقيني من تششوفين البيبي تنسين كل التعب

والله يهووون عليج يااارب..

ماشاء الله ريحتوني وايد
الله يسهل علينا وعليكم يارب

هلااا حبيبتي لا تحااتين انا جربت الطلق الصناااعي بس عووار يحتمل يعني عاادي ونااس وايد يهولووون اهوو صج يطوول واقل شي 6 سااعااات عشاان يفتح الرحم للعلم انا جربته يووم طيحت البيبي والحين انا علي ولاده والله يسهل علينااا ويخفف عناا وعن الابره انا ما انصح فيهااا

شربي حليب بالزعفران وكثري الزعفران يلين عنق اللحم عشان ماتطولين بالطلق الصناعي

وكثري تمر وعسل طبيعي

وترا الجماع يعتبر مثل الطلق الصناعي واذا خلصتو انسدحي لاتقومين ولاتغسلين من تحت الا عقب ساعه لان ماي الريال مكوناته مثل تحميله الطلق سبحان الله

وعسى الله يسهل عليج وتقومين بالسلامه

اقول
توكلي على الله وخل يحطون لج طلق صناعي وتولدين طبيعي ولا قيصريه لا سمح الله
انا جربته باول ولاده لي صج متعب بس ولا القيصريه تبهدلت عقبها
عكس يوم ولدت طبيعي اريح

صبري توج طايفه 5 ايام

واخرتها بيحطولج طلق صناعي

انا جربته ب 3 ولادات عادي

ما يعور بس يطول تقريبا 12 ساعه

عاااادي ياقلبي انا كل ولاداتي بطلق صناعي
كله تعب طبيعي ولا صناعي
اهم شي شوفة البيبي

الله يهون عليج وتولدين ولاده طبيعيه

هلا حبيبتي الله يقومج بالسلامه

انا والله بولاداتي الثنتين مجربته وعواره جداً عادي مثل ماقالوا خواتي

تقدرين تتحملينه ….. الله يهون عليج يارب ويقومج بالسلامه

توكلي على الله و ترا الطلق الصناعي ما يخوف ولا شي انا توني والدة و للحين بالاربعين و خذيت طلقين مو واحد اول شي حطوه لي بالادرب بس عنق الرحم ما فتح و بعدين حطو لي تحاميل و الحمدلله ما طولت حطوه لي الساعة ٦ الصبح و طلعت من غرفة الولادة الساعة١١ يعني تقريبا بدت الولادة الساعة ٨ و الحمدلله طلق صناعي ولا قيصري و ترا الالم نفس الطلق الطبيعي بس اسرع اشوي و محتمل

ما عليج

كل وحدة غير عن الثانية سواء بالطلق الصناعي أو الطبيعي التساهيل من رب العالمين

شوفي البنات إيللي مجربين الطلق الصناعي يقولولج سهالات وأنا جربته أقولج مت وحييت أربعين مرة لما ولدت

وايد تعبت فيه بس مو معناته كل وحده حطولها طلق صناعي تتعب لا انشالله تولدين بسهاله وبالسلامة ولا تفكرين وتوسوسين بالعكس ياما ولدوا طلق صناعي بسهالات

الله يهون عليج وتولدين بالسلامة

انا ماجربته بس دشيت لان الموضوع هم يهمني لان ماودي اولد قيصرية ابي طبيعي
بنات يصير اروح المستشفى ومافيني ولادة واطلب يولدوني بطلق صناعي؟