يابنات شخبار الجامعه الخليجيه؟
معترف فيها والا لا؟؟ ماستر مو بكالريوس
نبي خبر اكيد 
حبيبتي اهيا معترف فيها المحاسبة بالبكالوريوس و كذا تخصص بس ،،، واذا عالماستر و التخصصات الثانية راجعي التعليم العالي بالبعثات العربية يعلمونج و اذا عرفت شي بقولج
مشكورة حبيبتي على الرد
واذا على التعليم العالي رحتلهم كذا مرة وخطابي عندهم من ديوان الخدمه وللحين ماردوا خبر
لا تنطرين منهم شي خلصي شغلج ووديلهم الموافقة او القبول من الجامعة وغيرة لانج اذا بتنطرين ماتحصلييين شي الا بطلعة الروح ،،، صدقيني اذا انا عندهم بالوزارة يلوعون جبدي على اسئلة بس!!!!!
لوووول عاد اانا اليوم رايحة لهم الله ياخزهم اللي في مبنى 4 ، يسكرون الباب من الساعة 12 الظهر !!
وانا مستازنة من دوامي من 11:30 و وصلت 12:30!!
بس حاطين اوراق الاعتراف اليديدة قرار صادر في 18/2/2008 .. حظج 
اي تخصص تبين ؟
انا مو لوع جبدي الا مبنى 4 وبالاخص السمراء اللي ماتعطيش لا ابيض ولا اسود
شادونا صج؟ ابي تخصص مناهج وطرق تدريس
وانا بعد ابي اعرف معترف فيها بكالوريوس التربية
للرفع
انا والله اللي اعرفه انه تخصص واحد اهو المعترف فيه وهو القانون الاداري
اما باجي التخصصات سمعت انه بيسوون اجتماع عشان يقروورن الاعتراف فيها
عاد مادري اذا اعترفوا بباجي التخصصات ولا لا
بنات اللي تعرف تساعدنا بليز
تزف الجامعة الخليجية البشرى لطلبتها في دولة الكويت وبقية دول مجلس التعاون الخليجي باعتماد كافة اختصاصاتها بمختلف المستويات (بكالوريوس وماجستير ودكتوراه). وقد أصدر مجلس التعليم العالي في مملكة البحرين إفادة بذلك وبدأ مكتب المستشار الثقافي في سفارة دولة الكويت بتصديق رسائل القبول التي تصدرها الجامعة للطلبة الكويتيين. وبهذه المناسبة تشكر الجامعة الخليجية طلبتها وذويهم الذين واظبوا على الدوام في الجامعة وساندوها منذ البداية
بنات هذا الخبر من موقع الجامعه على الانترنت
الاعتراف من البحرين مافيه مشكله
اهم شي هنيه الكويت لازم تعترف فيها
بنات انا اليوم رحت بغيت تخصص هندسة مدنية قالت لي مو معترفين الا بتخصص هندسة كمبيوتر بسسسسسسس
اختي ،،،،،،، التعليم العالي بالكويت ياحليلهم ،، مو معترفين غير في ماجستير القانون مثل ماقالت الأخت اللي فوق
جربي الأهليه ،، انا جني سمعت انه معترفين فيها لأني ناويه أكمل ماجستير فيها
وبالتوفيق ،،،،،،
اختي انا قبل امس رايحة المعرض .. والتعليم العالي كانوا هناك ..
وزوجي سألهم عن بكلريوس هندسة ميكانيكية اذا معترفون فيها و الا لا .. قالولنا اهي معترف فيها .. حتى راوونا ورقة بس قالت الموظفة ما اقدر اعطيكم الورقة الحين ..
روحي التعليم العالي بعد جم يوم و سأليهم ..
بنات لا تسألون الموظفات الصغار ترى ما يدرون وين الله قاطهم
كل وحدة تعطيج حجوه
انا اول امس رفيجتي مطرشتلي مسج ان اعترفو فيهم كلهم .. لكن لما تتصلين بالتعليم العالي يرقصونج ما ادري شالسالفه