معاناة الأخصائية الأجتماعية

السلام عليكم ورحمة الله وبركاته شلونكم بنات بسألكم عن الأخصائية سمعت ان لها كادر من فترة وماصرفوه ماتدرون شصار
الحمدللله على كل حال بس مايصير مالها كادر وهي جامعية معاشها 470 ووالبدلوم لهم كادر ماشالله يوصل اعلى من معاشنا الله يباركلهم ,,بس احنا بعد من حقنا كادر اللي تعرف اي معلومة تقولي لان اذا مالها يمكن احول مدرسة الاثنين تعب بليز اللي تعرف لاتبخل بالمعلومات

حبيبتى اذا شهادتج خدمه اجتماعيه ما يصير تصيرين مدرسه . لان انا اخصائيه اجتماعيه وقدمت على التدريس لا ويبت واسطه بعد , ولمن رحت وزارة التربيه رفضوا قالوا لو شهادتج علم نفس او علم اجتماع نقبل فيج مدرسه بس خدمه اجتماعيه لا لا لا . واذا على الكادر ان شاء الله يصرفونه .

مشكورة ام احمد على الرد صاجه,بس يصير اتوظف بالجامعة وكادر 200 بس انا بصراحه احب مهنتي بس اللي مضايقني الراتب يعني وين نروح نكلمهم عن الراتب منو نخاطب مافي احد يتكلم عننا

شدعوة بنات ولا وحده عندها معلومات بلييييييييييز ردو

انا اخصائية اجتماعية
والاخصائية مظلومه في كل مكان
شهادة جامعية وتخصص خدمة اجتماعيه مالها كادر
في اي مكان كادر يكون على حسب المكان اللي متوظفين فيه
ولكن كاخصائية اجتماعيه كتخصص مافي كادر

حبيبتي اخذي دوره واشتغلي بخاص

ليالي الحب دورة شنو؟
ويحسبولنه معاشنه عالبكالريوس ولا الدوره؟

هلا لورا
على حسب الشركه الي تقدمين عليها واكيد بيكون راتبج على انج بكالريوس والدوره بتعتبر كخبره
وبعدين الخاص يبون خبره اكثر من الشهاده يعني لمن تقدمين بشوفون خبرتج وعلى اساسها يحددون معاشج واكيييد بكووون اعلى من الحكومه وفوقها بعد دعم العماله 400 حق الجامعيين
وفكري فيها والله يوفقج

شلون بكالريووس و400 مايصير 😐 اي مكان اتروحين اول ماتتعينين 400بكالريووس وبعدها اتيي الزياده

مشكورين حبايبي اي والله معاشي اول ما تعينت 470الحمدلله والشكر ,,والله احباط بس نحتسب الأجر عند الله ,,,أمانه بنات اللي تعرف شي عن الكادر تقولنا

انا اخصائيه ومن زمان كنت بطرح هذا الموضو ع احنا مهنتنا مهنة الظلم وعدم التقدير والمعلومات الكيده الي سمعتها من التوجيه انه مافي انا مابي احبطج لكن هذا الي صار والاهمال جاي من الكل وبالذات من التوجيه الي موقاعد ياخذ بايدنا ويطالب مثل ما سوت جمعية المعلمين والله يعين

حبيبتي لورا فيه زيادة وانا متاكدة منها وهي اول شي قالو 160 بعدين قالو 130 المهم انها 100 وشي هذا الاكيد وهذا القرار من بداية السنه مطلعينه بالجرايد اذكر شهر يناير ما قريتوه؟؟؟؟؟؟؟؟ بس شنو المشكلة ما وافقوا عليه الوزارة الا شهر 6 اللي طاف والمفروض يمشي شهر 9 بس ديوان الخدمة المدنية موقفه الزيادة ليييييييييييييييش ما ادري؟؟؟؟؟؟؟؟؟؟؟؟؟؟؟؟!!!!!!!!!!!!!! وهاذي الاخبار من رفيجتي اخصائية اجتماعية وعضو في لجنة الكادر اللي بالمنطقة.

الله يسمع منج

صج صج انتوا مظلووووووومين والمفروض مايعاملونكم كموظفين عاديين نفس الي بالوزارات لان انتوا تتعاملون طلبة وتعب الطلبة سألوني عنه فما بالج ان انتوا الهوشات والحالات الخاصة كلها عندكم

صج تتعبون

وهم اخصائيين الشؤون الاجتماعية

بس انتوا لان مدرسة فالجو بروحة قصة

الله كريم

ياحلوج تحبييين مهنتج ……….أبشرج راح تكرهينها وتكرهين اليوم اللي دشيت فبه التربية وحتى اليوم تااي دشيتي فية الجامعة آنا ندمانة كثر شعر راسي على هالتخصص بكالريوس خبرة8سنوات الدرجة الثالثة معاشي معاش الدبلوم الخامسة و3علاوات 55 دك لا ويوم فكرت انتقل مايصير عندنا نقص والوزيرة مستدعية المتقاعدييين زين شوفوا ليييش النقص بقيت اروح الداخلية حطووني على المؤسسات الاصلاحية ( السجن )والله مسخرة