مطيوووووره عالعرس وعوبه؟؟؟ للطماشه

السلام عليكم …
ياللله حيهم ,,
شلونكم,! طيبيين وبأحسن حال ان شاءالله..

نبي كل وحده تقول لنا شلون خطبتها خالتها..ام ريلها عن طريج حــــــــــــــــــــــــــــــب بينج وبينه؟؟ ؟؟!
والا شافوج بمكان وحبووووووج ؟؟؟
والا عن طريج خطابه!!؟؟: ما ادري احس الخطابه جني قاطه عمري
وطايحه بجبد اهلي وبجبد نفسي والا انا غلطانه؟؟
ولما امج قالت لج عن اللي خاطبينج شنو كان ردج؟؟ مطيوووره عالعرس وعوبه
شنو جملتج بالتحديد خل نستفيد ونتعلم منكم لان هالاجابه تحيرني وايد اخاف اقول لها موااااافقه وتقول ماتستحين واخاف اقول لا وامي تصدق >>> من حزب الطماشه
<<لكم

الولد رفيج أخوي
والأم تعرف أمي
وأبوي يعرف أبوه

فكسرت خاطرهم شمعنى انا ما اعرف أحد بالعايلة ؟؟؟؟؟
فعرفوني على ولدهم واخطبوني له
لوووووول

ولما اهلي أسألوني موافقة ؟؟
قلت لهم انجرب الزواج اشورانا
هههههه

والله ما انسى ردي ،، كان هذا ردي بالضبط ( نجرب الزواج اشورانا )

يسعدني أني اول وحده ارد بالنسبه لي أنا زوجي هو اللي اختارني قال حق امه ابي اخطب فلانه امه رحبت بالفكره قالت زين مااخترت وكلمت خالتي أمي وزارتنا بالبيت وخطبوني أمي بالليل فاتحتني بالموضوع سكت وقلت يصير خير سبحان الله متفكرا وايد بالموضوع وكان شي مخليني ماافكر ماادري شنو نمت ثاني يوم صليت استخاره حسيت براحه وبعدها بكم يوم سألتني أمي قلت اللي تشوفونه وبس جو اريايل وصارت الخطبه الرسميه

ولد خالتى

مي هههههههه حلو ردج نجربه,,,

ااااه ذكرتينى قبل يعنى انا موقديمه حيل تزوجت قبل 5 سنين امه شافتنى بعرس وانجنت على وقالت هذا الزين اللى ادوره كانت خالتى اتحب تكشخ عند رفيجاتها وما تاخذ اى وحده والحمدلله صار النصيب

دلع العيون الله يوفقج معاه ماشاءالله ركااده الاستخاره هم بعد مطلوووبه.. دهن العود الله يسعدج مع ولد خالتج.. اسعدني مروركم..

حـــــــــــــــــــــــــــــــــــــــــــب طبعا ويحلوها من ايام
وتعرفت على اهله كوز اخته رفيجتي
وياو بيتنا يخطبوني وكانو مستااااانسين علي لووول
والكل (اهلي + واهله) قالو ان احنا متناسبين الحمدلله

بــــس

اممم رفيجت خالتي ام ريلي رشحتني لها ..

لا ما كنت مطيورة بس عوبه لان واايد تقدمولي قبله وانا اتشرط ابي ومابي …

اول ما امي قالتلي قتلها نشوف ونحكم اخاف مثل العاهات اللي قبله

اول ما نزلت قلت بقلبي لااااااااااااااااااااااااااااااااااااااااااااااااا ااااااااااااااااااااا دخل قائمه البلاك لست وصعدت قلت حق امي هذي ان دقت مره ثانيه قوليلها ما نبي

لان ما كان عاجبني ههههههههه ولا تخيلته ريلي بالمرررره

ويوم سالتني عن ردي قتلها مادري كيفكم شوي الا ملجتي الاسبوع اللي وراه وتم الزواج على خيير والحمدلله على كل حااال

اعذب انسانه يدوووووم زينج
والله يوفقج

انا ما اطوف عرس الا واحظره وهم بعد مزيونه الحمدلله بس ما ادري وينه نصيبي الظاهر يشاااااااخر بسابع نومه :,(

اممم
للحين مو متزوجه بس في خطبه

لمه امي جت كلمتني وقالت انه الولد يبيني
وااااااااااااااااااااااي مدري من وين جاني الحياا
وقلت لاااا مااابي<<<نصااابه
خخخخخخخخخخخخخخ
هو يقربلي

وبس للحين ماصار شي ننطر التخرج

Looly88 ياقلبي الله يسعدج معاه ..
لذة السكر سبحان الله المكتوب ماعنه مهروب >>جذي تنقال!! مسيجين مادرى انج عووبه وام شروط .. اللله يسعدكم

ميمي,, ههههههههههه عيل ماتبين!! الله يتمم عليج ويوفقج..

انا اخاف اسوي مثلج واقول مااا ابي ويصدقووووون خو البنات تارسين الديره …

لا دريبالج لا تسوينهاا خخخخخخخخخخخ
انتي لامج اي وبدلع هههههههههه يعني مابي لووووووووووووول
بس والله موووووووقف بااااااايخ
ماتعرفين شنو تردين انا داخله الموضوع بشوف الردوود

شااافوني بملجة اخووووي

وياليتهم ماشافوني لوعوا جبدي نشبوااا بحلجي لين وافقت