مشكلتي حلوها لي { تعديل الاشراف : لون بشرتي اسمر غامج ابي حل }

مساء الخير شلونكم بنات
مشكلتي مو مع زوج او مع زواج بس ماعرفت وين احط موضوعي قلت احطه هني والبنات ينقلونه
بنات انا مشكلتي شكلي ويهي ولوني معقدني هالشي راضية باللي ربي عطاني بس متعقدة وفهموني عدل ولا تقولون في طنازة ومن هالسوالف صج حاشتني كابة وضايق خلقي يعني ابي حل ومساعدة منكم
بنات انا اهلي كلهم بيض بس انا عريت مادري على منو ولوني اسمر مو اسمر حنطي لا اسمر قامج شوي …ملامحي مافيها شي عيوني كبار وخشمي طويل وشعري ناعم وشفايفي عادي بس اللي يشوفني يقول لي جذية متعقدة من هالشي شسوي ما نفع معاي كريمات ومع حالاتي النفسية بشرتي تعبت وايد وايد وكل يوم ابجي وعيوني ورموا

لون مرام يهبل
والسمر ملح
خلج واثقه من نفسج

والله تعبانة انا جلكسي من وين اييب الثقة؟

احمدي ربج حبيبتي

شفيها مرام انا اذكر آخر مره شفتها بمجله شحلاتها وشملحها الحين عاد ماادري

انتي راح تكونين ضحية هالتفكير لا تكونين سطحيه
بقولج شي ان شاءالله يرفع من معنوياتج قلبي
وحده من قرايبنا سمممره حييييل بس ثقتها بنفسها وشخصيتها الحلوه وطيبتها
خلتنا مانشوف هالشي بالعكس تهههبل ولونها ما أثر عليها
خلقة الله ومسويتلها ستايل روعه لايق عليها
عدسات فاتحه وخطة اي لاينر مميزه وشعر اشقر ناعم وحمر فاتحه ماشاءالله
وازيدج من الشعر بيت زوجها ابيييييض اقسم بالله ابيض اشقر
ويموت عليها
حبيبي بالمختصر

روحج هي اللي تطغى عليج
ان كانت حلوه انتي احلى

احمدي ربنا انج وتخلي انج عميه!!والدنيا سوده
لا تعطين هالشي اكبر من حجمه والله حتى ماتتسمى مشكله

وبقولج شي اختي سمممره ودمها خفيف وعسل
رفيجاتي يموتون عليها ورفيجاتها يشوفونها شي
تدرين ليـــــــــــــــــــــــــــــش؟؟
لأنها مابينت لأحد ضعفها واصلا ماحست ان هالشي ضعف هذي خلقة الله سبحانه

والله بس دخلت عشان اقولج ان هالدنيا ماتسوى كلنا راحلين
والاهم انج ماتكدرين خاطرج عشان لونج غامج!!

اتمنى حبيبتي اني ماأكون ازعجتج بس والله من اخت لاختها

واخيرا الشكوى لغير الله مذله…………..وسهام الليل لاتخطئ((ادعي ربج ان يهديج وييسرلج امورج في كل شي يفرج همج))

والسلام عليكم…………….

كلام الاخت صحيح
الروح الحلوة اهي الي تحلي الانسان
وايد في سمر امسكو مناصب وعندهم شهادات
شوفي بيانسيه المغنيه الاجنبيه
الناس متحطمين فيها
الكل يقلدها
شوفيها وتاكدي
وعندج اخت مرام
ما شاء الله اغمج من مرام
واحلى منها
ولا ابشرج في ناس تبي تسمر جسمها
والله كشخي
وعيشي حياتج
اسمر ابيض الكل ماكله الدود
ابتسمي للدنيا تبتسم لج

عارفة هالكلام حبيبتي بس مدة وارجع اتضايق المصيبة اني انا اشوف نفسي مو حلوة
بالنسبةحق مرام وتقولين شحلوها هذا مكياج واضاءات وسوالف مصورين وتصوير
ما في احد لي الحين شافني حلوة
ولا في احد لي الحين قال لي حلوة
ودايم اسمع اني سمرة وهالشي يضايقني

والله عبالى عندج سااالفه
حمدى ربج عالعاافيه وشنو يعنى سمره
اهم شىء يكون اللون موحد عاد تالى مو
مهم سمره ولا بيضة كلهاا خلقت ربج

ابي احد يحسسني اني حلوة يمكن اللي معطيني هلاحساس اني ابي اعجب ريال ابي هالشعور محتاجتة مو عيب ولا حرام صح؟

حبيبتي ام خالد هذي مشكلة نفسية ومتعبتني حتى بدوامي مالي خلق نفسي ادري تختلف عندي وايد كبيرة وعندج تافهه صح كلامج بس لو مو محتاجةماعدة وحاس انه مشكلتي خانقتني ما كتبت موضوع صدقيني

اختي بالعكس هذي ملاحه ويمكن انتي احلى من مرام
حاولي تغيريين استايلج ورحي سوي تقشير بالكرستال ترى فضييييييع ويغير بالوجه 180 درجه ومع شوي قصه وصبغه حلوه وعدسات راح تهبلييين

مشكورةمرايم

امبييه تصدقيين عبالي انتي اختي لانه اهيا بعد اسمها شوووق واحنا كلنا بييض بس اهييا سمره وكله نضغطها نقولها عبده وتزعل

بس انا اشووف هالشي عادي ومايزعل ..

السمار ملح وقبله ولون معظم الكويتين يعني شي عادي اختي
اهم شي الترتيب والنظافه والقلب الابيض واللسان الحلو
وحلو انج تصيرين مميزه يعايلتكم واذا احد حاول يطفرج قولي : اذا طلع الاسمر الابيض بيخبي حالو_03ba:_03ba:

حبيبتي مرام سمرة مو عبدة يمكن من كثر مايقولولج عبدة انتي حسبالج انج عبدة حبيبتي وثقي بنفسج لونج الناس تتمناه وطول الصيق متنقعين بالبحر بس علشان اللون وانتي ماتبينة ومتعقدةّّّّّّّّّّّّّّ!!!!!!!!!!

انا الحمد لله
سمره
وزوجي حبيبي ابيض
فصايرين جاي حليب
ويا عمري ترا السمار نص الجمال
وشوفي وقت الصيف اشكثر بنات يروحون المسيله علشان يصيرون نفس لونا
بس احنا صبغتنا منا وفينا
وحطي في بالج ان الاصلي لا يقلد
ويا حلو السمار
والله عمري بحياتي ما كنت اتمنى اصير بيضه مع احترامي للبيض
بس لوني شمسي من الله