مساااااعده بنتي والحفاظه

السلام عليكم

انا بنتي عمرها سنتين ونص وما ادري متى اشيل عنها الحفاظ وماعرف شلون اعلمها علي الباث رووم تكفون فيدووني

انتي علميها انج كل نص ساعه الى ساعه تودينها الحمام حتى لو ما قالت لج , وكل فتره وفتره وخاصتا لي شفتيها ماكله او شاربه عقبها سأليها تبين تروحين الحمام

وبعدين تعلمينها انها تقولج ابي اروح الحمام

وطبعا لازم التشجيع والكل يشجع ويقول انتي صرتي كبيره ويصفقون ومن هل سوالف اللي تشجع الطفل

اي اشتري لها قصريه او البديه الصغير حق اليهال وقوليلها هذا لج عشان تروحين الحمام لانج كبرتي ومن هل كلام

وبس فتره بسيطه وتشوفينها بتقط الحفاظه ان شاء الله

ياقلبي لازم كل عشر دقايق تودينها الحمام حتى لو مافيها شي بس تتعلم تروح الحمام والحمام بيصير بالنسبة لج مثل الزيارة الدائمة الله يعينج بس علميها شلون تغسل نفسها عدل بسم الله عليها مرة الحين ولاتهاوشينها لما توصخ عمرها عادي ترى تعاند معاج شجعيها واصبري معاها وإن شاء الله ما تطول معاج بس صراحة فررررررررررررق عن البامبرز

بنات انا بنتي عمرها 3 سنين ومن كان عمرها 2 سنتين وان اعلمها وموراضية تتعلم ذبحتني اوديها الحمام واقعد معاها واشجعها واقولها يلا عشان اعطيج هدية وفعلا اذا سوت شي بالحمام اعطيها لي طلعت وساعات اشتري لها واقولها هذا عشان رحتي الحمام بس معانده اكثر المرات ما تسوي بالحمام لي طلعتها مايصير خمس دقايق او اقل الا مسويتها على نفسها تعبت منها شسوي

الف شكر للي ردو علي

بس مو جنه تعب كل ساع اوديها الحمام لووول

بنت بطنها شدي حيلج وجزا الوالدين الجنه انا ولدي العود الحمدلله نظف وبديت معاه على عمر السنتين ونص ، وتعاونت انا وخدامتي كل ربع ساعه ادخله وشوي شوي صارت كل نص ساعه بعدين ساعه الا ربع بعدين اهو بروحه بدى يقول لان سبحان الله المثانة تبدى تتعود على اشارات المخ ان مايبول الا بالحمام، بالاضافة الى اني عزج الله
( الكاكا ) كنت من قبلها بشهور معودته ان يسويها بالحمام.

أم حيدر شلون علمتيه من شهور يسويها عزكم الله بالحمام ؟؟

انا عودة بنتي الكاكا بالحمام بس مشكلتي لما تتبول عزكم الله ماتسيطر