مركز الزهير الطبي محتآآره بلييز ساعدوني !!

السلام عليكم ورحمة الله وبركاته

بنات بليييز وربي محتاره حيل أبي شووركم ،، أبي نصيحتكم ،، بلييز لاحد يبخل علي ..!!

بدآيتأ أنا اصغر وحده بالعايله اخر العنقود ،، لما كان عمرى 16 في ضرس عورنى حييل وأنا بالمدرسه المهم طلعنى أبوى من المدرسه ورحنا الطبيب ،، جان يقوم الدكتور حسبي الله عليه ويشيل الضرس مو التعبان لا الصاحي اللي يمه ،، رديت البيت ولا الألم نفسه أهوآ ما تغير وأرجع اليوم الثاني للطبيب إلا يشوفنى دكتور ثاني جان يسوي لي تنظيف ويحط لى حشوه ..

المهم قبل سنتين حطيت تقويم أسنان بمستشفي العدان ،، تخيلوآ بنات عقب ماخلصت التقويم وشاله قال لى الدكتور الهندي تبين نسوي لج زراعه ولا جسر جان تقول أمى لا حط لها جسر ( بنات أمى طبعها حييييل مهتمه فينى لأنى أصغر وحده بعض قرآرآتي أمى تساعدنى فيها ) المهم رحت لدكتور التركيبات وقام يشرح حق أمى أنه لازم يبرد الضرس اللي قبل الفرآغ واللي عقب الفرآغ ولازم يقطع العصب عشان ما تتحسس أسناني ،، المهم أمي رفضت أن الدكتور يبرد اسنانى ويقطع العصب ،، قالت خلاص سو لها زراعه ،، تخيلوآ بنات رد الدكتور الهندي مره ثانيه وحط لى تقويم ثابت لأن الجذور الأسنان باللثه متقاربين يم بعض فلازم أول يباعدهم عقب يسوي الزراعه ،، الحاصل ان عقب ما ركبت التقويم الثابت مره ثانيه و صار لى شهرين شافت أمي بالتلفزيون شلون يسوون الزرآعه ،، تخيلوآ بنات كنت نايمه إلا أمى فديتها جايتنى وتقعدنى وأهيا حدها مخترعه ،، إلا تقول لى طلبتج يابنيتى لا تردينى قلت لها أمري يما لا تطلبين قالت لا تسوين زرآعة ضرس ،، قلت أبشري خلاص ،، إلا تقول لى يابنتى يشقون لثتج ويحطون داخلها مسمار وأنا خآآيفه علييج ..

بنات تو قبل جم يوم قريت أعلان بجريدة الوطن ان مركز الزهير الطبي عندهم زراعة اسنان فوريه بأحدث نظام اوربي دون شق اللثه ،، بنآآت أنا محتاره حييل ،، تكفوون منو معالجه عند هالمركز ولا منو تعرف أحد معالج عند هالمركز أكوون شاكره لها ..

على فكره بنآآت أنا عآآدي ماعندي مانع أقعد جذي بالعكس رضا الله من رضا الوآلدين ،، لكن بنات أنا عمرى 22 والعمر جدامي ،، والضرس الناقص مكانه بالفك الفوقي جنب الناب الأيمن على طوول ،، وش تنصحوونى فيه بليز محتاجه نصيحتكم ؟؟

ادري طولت عليج بس حبيت اقولج الي عندي وان شاء الله افدتج

اقتباس:

المشاركة الأصلية كتبت بواسطة شموخ نثيه اول شي الله يعينج بس ترا الشي راجع لج لان انتي الي راح ترتاحين او تحسين بالالم بس وجهة نظري الكل يقول الزراعة زينه ومافيها اي ضرر (بس اذا كان الدكتور شاطر) ومرات مو شرط على حسب طبيعة جسمك ممكن مايتقبل لان الزراعة يحفرون مكان الضرس ويخلونه فترة علشان يتسكر ويركبونه لج(ماعرف الطريقة عدل لان انا ماحبيتها ) وماابي اخرعج واحد من اهلي سوا زراعة وبعد سنه حلجة التهب عليه وبلاوي صارت من الزراعة * والجسر التركيب الي يبرد الضرسين انا احسن عندي لان لما يبرد ويركب الضرس ترا ماتحسين ويكون الشكل طبيعي (بس تاكدي اي نوع يركب لج ) انا بصراحة افتريت اكثر من عيادة وللامانة سالت واستشرت وايد بنات وحتى بنات المنتدى ماقصروا وانا كنت اعالج بشرتي عند نفس العيادة بعيادة بيلا كلينك واخيرا ركبت (جسر زيركون ) برد لي الضرسين وشكله واااااااااااايد طبيعي و مو مبين ادري طولت عليج بس حبيت اقولج الي عندي وان شاء الله افدتج

شمووخ نثيه

لبآآ قلبج والله عسى الله يكثر من أمثالج ،، أبشرج البارحه كنت رآيحه عيادة بوشهري أعالج عند الدكتور أسماعيل حجازى عشآآن الربوو ( عسي الله يوفقه ويرزقه من حيث لا يحتسب ) المهم عقب ماخلصت رحت لقسم الأسنان طبعا أكيد أنا وأميمتى ،، المهم قال حق أمى حرآآم يا يمآ بنتج صغيره والعمر جدآمهآ باجر ورآهآ زوآج حرآم تقعد جذي ،، المهم قال أحسن شي زرآعه خصوصا أن الفرآغ عندى أنا مو كبيير ،، وقال لها إذا اللثه ما تقبلت المسمار أهيا نفسها ترفضه ومن نفسه يطيح ومكانه يلتئم عآآدي ،، وآآآي لا تشووفين أمى حييييل أقتنعت ورب البيت مو جنها اللى من شوي رآآفظه ..

عمومآ أنا قريت تجآآرب البنات في عيادة بيلا كلينك وحيييل أرتحت لهم وأقتنعت فيهم ،، بإذن الله بروح لهم وبضبط أسنآآني ميه بالميه

أكرر شكري مره ثانيه لج شمووخ نثيه