|
|
السلام عليكم حبايــبي صار لي فتره ادش زياره للمنتدى وناويه اكتب السالفه من جم يوم بس ماحصلت فرصه 
.gif "Eh S(2)")
بقولكم بالتفصيل عشان تفهمون اكثر علي انا كلمتكم قبل عن خطبتي الاولى ولا صار نصيب وانشالله كان خيره المهم تقدملي من 3 اسابيع واحد من ناس احنا حييل معاهم حتى بالسفر بلبنان نطلع مع بعض وجذي وابوي يعرف ابوه وامه من جنسيه عربيه وتحديدا عشان تفهمون الموضوع عدل (لبنانيه) بس ابوه كويتي وماقولكم احنا متفتحين وجذي لا والله عادي والحمدالله اهلي ناس كل الناس تشهد علينا بالاخلاق المهم انا اعرف ان الولد كله يروح لبنان حتى بالويك اند! يعني اي اجازه على طوول طيران بيروت واهو موظف وراتبه حلو واحس قد المسؤوليه ومحتررم ماشفت عليه شي ينرفض يعني! خطبني
ووافقت وملجنا بعدها ب 5 ايام اهو صحيح حسيته متفتح تفكيره واييد يعني تفكيره مو كويتي لبناني
يعني كل شي عادي عنده وهذا بين بعد الملجه بعد ماقعدنا مع بعض وسوالف وجذي لهني ماشفت شي غلط بس لاحظت بنت خالته حيييل معاه واهي معاه بالدوام والي عرفته انه تروح وتيي معاه مع ان عندها سياره! ويطلعون غدا وريوق مع بعض ولا قاليي انا اكتشف من صوره بالتليفون لاحطهم
لان يدري هل شي يضايقنيي وماحب اقول عنها اي شيي ايننن علي وكله تدز له مسجاات وتدق علييه تسال عنه كل يووم وتتدخل بلي بينا يعني تحب تستفسررر والمسجات على فكره مسجات حب! وماتقوله غير ياحبي ياحياتي واهو هم نفس الشي بس يقول شفيها اهي رفيجتي عادي يعني فرندز كل مقوله شي يقول رفيجتي لاحظووو مايقول بنت خالتي!!! واكثر من مره تهاوشنا وفكرت اهده واقوله خلاص ماننفع حق بعض ويردني بكلامه يقولي والله احبج ماستغني عنج والله انج اهم وحده ومادري شنووو واهي الي تدق ماقدر اقولها لاتدق!! اقولها خلاص احنا ملجنا وانا مارضى هل شي لازم تتفهم وخل تستحي على ويها عااد !! طوفنا واييد ترا!! حركات مسخره الي تسويها وعصببت وقلت حجي وايد واهو كان ابيتنا ياي جان يعصببب ويطلع وحقرني ماصار يرد !! كل هذا عشانها يقول ماعاش من يغلط عليها الي يغلط عليها جنه يغلط علي ! وعرفت انه يقولها شيصير بينااا بالضبط لان يوم يا بعد يوميييين ولاحظو كل هذا عشانها الاخ جان ابطل السالفه مره ثانيه انا عندي هذا زواج لازم اصير صريحه ماعرف اجامل واساير واحبه ومادري شنو لا كل شي لازم يتم صح انا جذي افكر لازم يعرف الغلط ويبعد عنها ويصير رسمي .gif "Eh S(14)")
المهم بعد مايا وبطلنا السالفه مره 2 جان يعصب وقال بدش الحمام ونسا تليفونه جان اخذه بسرعه وقلت بشوف اهي درت عن شي و لا لا جان اشوف مسج منه لها يقولهااا خفي شوي مسجاتج ويدلعها باسمها ترا بتسوين حرب ويقولها على شكل غشمره واهي دازتله ماذكر كله بس شي عن مايفرقنا وحره العذال ومادري شنوووو!! يعني لزقه باختصااار واحس انها تحبه واهي على فكره مو حلوووه!! ومسج ثاني تقوله ياحياتي انت شكلك تعبان اليوم بالدواام فديتك وفديت التعبانين ومادري شنووو اااااااه بس احس بذبحها اهي تدري اني مابيهاااا فقامت تحاول تخرب بينااا لان تحس اني باخذه منها واذا دقت عليه اكيد تشيشه علي اكثررررر لان الي فهمته يقولون حق بعض كل شيييي محتاره مادري شسوي يحس الي يسويه عااادي يمكن عشان مثل ماقلتلكم ماخذ طبع اهل امه لان اهو جررررررررريء بعد حتى كلامه معاي !!! امي تقول اذا هل شي تحسينه بيسويلج مشاكل بعدين هدييييه وابعدي عن عوار الراس
وابوي يقول انتي اخترتيه وتبينه ماتبينه الحين هديه قبل العررس انا احببببه واهو بعد يحبني ويقول ماحبيت ولا حسيت وحده بتفهمني كثررررج واهي غير وانتي غيرر وخايفه يطلعلي بعدين بسالفه رفيجاااات غير ويقول عادي فرندز اذا سكت عن بنت خالته كلامهم بين بيعض غززززل وحب يعني مو معقوله يكلمني نفس مايكلمها!!!! قولولي شسوووووي هل انفصل عنه ولا شسووووي!!!! على فكره احنا انفصلنا عن بعض فتره عشانها بعددددد يعني اهي شي اكبير عنده!
اهو حيل متعلق فيهاااا ماتوقع بيهدها حتى لو قالي بهدها لانه اتم بنت خالته وبيشوفهااا
اذا انتي مو قادره تستحملين هالشي وانا اعذرك بصراحه معاك حق بس قولي له اللي بخاطرك
واذا هو شاريك بيسوي اللي تبينه
اما اذا رفض ساعتها انتي حليها بينك وبين نفسك يا اما تتقبلين هالشي او من البدايه ابتعدي
استخيري اكثر من مره
والله يكتب لك اللي فيه الخير
بس انا لو مكانج ما اشك في نيته بس واضح انه متعلق فيها حتى لو انها مثل اخته في باله بس يمكن ما تحسبه هالحساب
ومثل ما قلتي هي بنت خاله يعني بتضل بينج وبينه طول العمر خصوصا انها بنت خالته مو بنت عمه او عمته ( وهني تفرق وايد )
لان بنت خالته يعني من جهة امه والام عاطفيه واكيد بتوقف مع بنت اختها مهما صار وما تدرين شنو يصير
امم وحطي في بالج شغله انه الحين اهو يقول لج عن كل شي بس ما تدرين عقب الزواج وادا كثرت المشاكل بيتم يقول لج كل شي ولا يخش عليح ؟ وادا خش عليج يمكن تشغل كيد النسا
بس نصيحتي لج انج تستخيرين وتعزمين الانفصال وادا كان فيه خيره لج الله بيسهله لج وادا الخيره انج تقعدين معاه الله بيعوق الانفصال
والله يعوضج باللي احسن منه ان شاء الله ويعينج في دنياج واخرتج يارب
كلمي احد كبير من اهله عشااان يفهمه ويعقله لا تقوول اهو متفتح وعادي لا حبيبتي مهما كااان يتم ريااال
وفكري اكثر من مره قبل تسوين اي شي
وحاولي تعلقينه فيج اكثر انتي الحين زوجته علقيه فيج والله راح يخليهاا من نفسه
عسئ يبعدهااا عنه ان شاء الله
اخاف باجر لو يصير بينا مشكله تستغل هل شييي انا ماشكيت بنيته لانه صريح معاي وكل شي يقوله بحسن نيه بس نيتها غيررر
مسجاتها تقول جذي بعدد
اشتبيييين قطييعه الريااال اتزوج استحي علي ويهج و شلون امها و ابوها راضيين جذي اتحاجيه حتي لو ولد خالتها ويع !
ماادري شقوولج بس اهو بالبداية تدرين امه لبنانية و متفتح حييييل عنده شي عااااادي يعنييي و عمره ما راح يشوفه غلط
مالج الا الدعاااء و سكبي و لا تهتميييين و طااف اذا كنتي تبينه و حقريهه او الانفصاال لانج بتتعبين معااه
اهيي مو بس تحاجيه يطلعوون مع بعضض وكلام حب على ابو انهم ربع!!! مادشت براسي واذا يا طاري اسمها تضايق وتم يراضيني
ويساحلنييي ><
يعني إذا صار الزواج والبنت تكلمه ومراسلات وحب
شنو وضعك
بعدين لازم يصير توافق اجتماعي بينكم
كيف يرضى بنت خالته تكشف عنده وتكلمه
حبيبتي مادام بداية الطريق استخييري
والله يوفقك
لقى راحته عندها لا تتطلقين عشانها خلج ذكيه
دلعيه صادقيه لاتتحجين عنها بالمره لان مهما يكون ترى تتم من اهله
وانتي صج زوجته بس جديده عليه توج
حاولي تكلمينه دايما خليه يحس انه قريب منج اكثر منها خليه يتعود علييج اكثر وبعدين اهوه من كيفه بينساها
كل ماحسيتي انه بيطلع معاها قوليله خنطلع وطلعي معاه عشان ينساها واهيه تفج
صراحه صعبه السالفه
وشنو متعلق فيها كلها بنت خالته
وشنو عمري وحياتي وين قاعدين لو يقولها لامه واخته طبيعي تغارين
اولا فهميه قوليله اما انا او اهي انا ما ارضاها لنفسي بالله باجر لي تزوجتني هم بتقولي نفسها عمري وحياتي شالفايده اذا مو طالعه من قلبك تقولها لي ولغيري
استخيري دامج علي البر للحين ,,, والخيره فيما اختاره الله
وعسي الله يهديـــه
كلامج حكييم بس توه هل شي يبين
احبه واهو يحبنييي ويبينييي وانا عنده امنيه وتحقتت على قولته وكل شي اوكي بس هل عله الي معاه
بنت_أخت_خالتي
دلعته صاادقته بس مايشكيليي بس لهااةاهو جذي يقول ماحب اشكي لاحد بس طلعت اهي تدري عن كل شي بحكم انهم بالدوووام بعد
احس مرات بنبط لما اشوفهم متصووورين مع بعض قلتله لاتقولها شيي ماحب تطلع سوالفنا لهاا ليش اللقافه لان خايفه تشيشه اذا شكاني وجذي من مسجها بين العذال ومادري شنو بطه يبطهااا ><
ايييه قلتله هل حجي قلتلج كنت صريحه وايد احسن بس يقول انا جذي عاطفي مع الناس احب اكلمهم جذي شفيها ليش مكبره السالفه!
انتي تدورين مشاكل ومادري شنوو ! حتى انا ماحس فيها اذا دلعني يقولها نفس الشي اهي يمكن عادي عندها بحكم عاداتهم مثل ماذكرت
بس لاحظت انها عاندتت وجنها تتحدى بعد مادرت اني مو راضيه!
حبيبتي خليه حق بنت خالته وايد عليه
اشتبين فيه .. حطي فبالج باجر بتصير شريجتج .. يمكن مو بالورق بس افعال وتصرفات الريال مو مضبوطه واهو مستانس على حركاتها وفوق هذا يقولج ما عاش اللي يزعلها
ماحطلج قيمه ولا اعتبار تقولين يبيني .. ؟ اذا صج يبيج ليش مايوقفها عند حدها بدال مايصارخ عليج بسبة منو..؟ وحده اشكره باديتها حرب معاج
امج وابوج كلامهم صح . باجر بتعضين اصابعج ندم
شلوون تشوفين المسجاات وساكته يمممه انا والله اكسر الجهااز فوق راسه وراسهاااا
استخيري والله يعينك ويصبرك