متي التقاعد

سؤالي واضح من العنوان متي نتقاعد؟؟؟؟ومتي تقاعد مدرسات رياض الأطفال متي والله زهقت

وكم يصير راتب المتقاعدات!!!

يالله يأبلات إلي عندها فكره تفيدنا

لازم يجتمع فيج شيين مع بعض عشان تتقاعدين
تكونين مكمله 15 سنه خدمه وعمرج 40 سنه
يعنى لو مكمله 15 وعمرج ما وصل 40 ما تتقاعدين تنطرين ليمن تكملين الشرط الثاني
او اذا عمرج 40 وما كملتى 15 سنه هم تنطرين
وضحت الفكره
بالنسبه للمعاش حسب درجتج اللى وصلتى لها
يعنى اذا وصلتى الدرجه الاولى بيكون بحدود 500 د ينار
يعنى راح نص الراتب

لا غلطاااااانة
يكون حول السبعمية دينار
حسب ما سمعت
المتقاعدين الحين معاشاتهم احسن
عالعموم تقدرين تستفسرين من التأمينات
بس ما يقولون لج الا لما تطقين باب الاربعين
قبلها ما يعبرونج
سألتهم و قالوا روحي و ردي لما تكملين اربعين سنة

الي اعرفه سنوات خبره ولازم تكملين الاربعين

الأخت عهود الحب

والاخت أنفاسي

مشكورااااااات علي التوضيح بجد ماقصرتو والله يعطيكم ألف عافيه يارب

مثل ماقالوا البنات 15 سنه خبره+عمرج 40
والراتب يوصل تقريبا600 دينار بالنسبه للي موظفه 15 سنه
وسمعت انه اذا كملتي 20 سنه ينزلج الراتب كامل

بس ليش تسالين؟؟؟
ترى التقاعد يشيب الراس اكثر من هم الدوام

أسأل أبي الراحه وأبشوف عيالي
والله جربت بالعطله أشبع نوم أراقب خادمتي وأشوف طلبات عيالي
تصدقين عاد أنا ماتهمني قعدة الصبح
بس دوام الرياض غثي بغثي خصوصا عندنا بالجهراء حيل مجاكر وبذخ
وكراااااف وكرهت الشغل بالروضه
أفكر أحول أداريه بس المعاش لافكرت فيه أغير راي
علشاااان جذي اسأل

لووووول ياحليلج والله فيج الخير
تدرين
خالتي نفس حالتج اتحن عالتقاعد وتنطره على احر من الجمر وتقاعدت لما كملت الشروط ومعاشها وااايد زين فوق ال600ديناار وماكو اقساط
وتقاعدت الحين تبجي دموعهاا دم تقول لو ارد اشتغل بدون فلوس راضيه
عيالها كبرو وكل واحد لاهي بدنيته
انتي روحي مكان يديد غيري روضتج ترى اكوو رياااض بالجهرا والله نايمين بالعسل ….

ياحلو سوالفج يالغاليه
مروووووووورج يالغاليه أسعدني
مايصير أتقاااااعد
ولما يكبرون عيالي أرجع هههههههههههههههههههههههه
حدي مليقه

قمة التحدي
جربي سنة او اقل رعاية اسرة
ترى يحق لج
او امومة
افصلي الفيش شهور وبعدين شوفي
لج نفس تردينه يشتغل ولا تعجبج قعدة البيت

سؤال :
جم خدمتج ؟؟؟؟؟؟؟؟؟؟؟؟ احس للحين ماكملتي 15 !

هلا فيج ياعهود الحب مشالله عليج أحسج فاهمه بأمور الأداره والاجازات
مومثلي موعارفه كوعي من بوعي
لاوالله يالغاليه ماكملت 15 سنه كملت بس 10 سنوات
أكيد بقلبج ياعهود الحب تضحكييييييين وتقولين ياكبر الشرهه

بالعكس لاتاخذين فكره أني كسلانه بالعكس والله ماحب الغياب ومربيه في فصلي وحيل مجتهده
ونازلتي الاعمال الممتازه وماعمري أخذت اجازة أمومه

بس والله يالغاليه السنه هذا موبالعتها

أول شي روضتنا كراف وكلهم شاطرات يعني مهما تسوين جنج ماتسوين شي

ثاني شي أنا حامل وحيل الحمال متعبني وهاد حيلي وبين فتره وفتره أدوخ

فحدي كارهه الدوام وحيل بس افكر أطلع من اللدوام

شرايج يصير أخذ أجازه وشلون طريقة الأجازه ويمكن أدارتي توافق ولا لا!

والله مدري شسوي كل ماقرب الدوام مثل الجهال يجيني ماغص من الخوف

انا من شفت التحلطم وانا حسيت انه انتي اقل من 15 سنة
شوفي حبيبتي
مدام انتي حامل انسي شي اسمه روضة
و فكري بحملج وبالولادة والراحة
وبعد ما تولدين بالسلامة اخذي اجازة امومة شهرين وتقدرين تمددينها بعدين
جذي انتي ريحتي شوي و خذيتي وقتج بالتفكير
وتقدرين تحسين بالتجديد بحياتج

بالنسبة للمغص كلنا مو بالعين الدوام
بس عاااااااادي اهي مع الوقت تتعودين وتنسين شعور المغثة
سوالف و ضحك وريوق و هواش واكشن تحسين كسر روتين
حتى صراخ الاطفال يحسسج بالتغيير

شحقه معورة قلبج
توج للحين لما تكملين 15 بعدها اسألي عن التقاعد
انتي بنظر التأمينات بيبي يحبي للحينج بأول المشوار

لوووووووووول
لما يكبرون عيالج تردين لووووول
حلوه فكرتج
شووفي حبيبتي أنا ويا عهود الحب حجيها صح
والله من يبدي الدواام تنسين عمرج حجي وغشمره وسوالف وصبري نفسج هاليومين ومن تولديين ارتااحي و اخذي اموومه والله بيتغير مزاجج وبتحبين الدوام واتشوفين الدنيا لونهاا وردي لااا وبعد بقلوب حب لووووول

بنضر التأمينات بيبي يامعيييييين !!!
وبعد توني أحبي

يألله متي نوصل ل15 سنه
عموما
كلامج100%
وكلامج عين العقل
تدرين شلون

شكلي هالسنه هذي بنام

واذا طلبو شي مني بسوي روحي مااشوق

وبعطي الروضه طاف

مع أني عارفه عمري مااعرف أطنش

يأشتغل بضمير ياأقعد بالبيت

حبيبتي عهود الحب

أذيتج ببربرتي وتحلطمي

مشكوره وكلامج بصراحه ذهب