السلام عليكم ورحمة الله وبركاته
اشلونكم خواتي بغيت اسأل لوحده غاليه على وعزيزه ولها فضل على اتمنى اساعدها بس ما عرف شي عن هالموضوع انه اتذكر يوم كنت ادرس بلبنان عطاني مكتب الامير جابر الله يرحمه ويغمد روحه الجنه كل سنه 1000 دينار والله كانت تنفعني قلتلها واتصلت عليهمالحين ما نزله على قولتها اي شي وقالو احنا وقفنا صارلنا سنتين ووسجلت بالتعليم العالي وليمن تراجعهم يقولون ناطرين الميزانيه اسمعت اهل زوجها يتكلمون عن المبرات انهم معطيه واحد من اهل زوجها بس ما تقدر تسألهم لانهم مايدرون عن دراستها بطلب من زوجها دايما يقولها اذا خليتيهم يدرون قبل لا اتخلصيل حرام وطلاق ما اوديج امتحاناتج المهم انه اليوم ابي اسالكم انتو خواتنا وايد ماراح تبخلون على خواتكم الكويتيات باللي ينفعهم وعساه يكون بميزان حسناتكم سواءا رديتو او مارديتو عسى الله يعطيم الاجر واللي ما اعرف الرجاء الدعاء لاختنا الكويتيه يتيسيرحالها وتيسير امورها وهدايه زوجها لها وكله في ميزان حسناتكم اي صج نسيت شي قريت بالنت عن مشروع مساعدة طالب العلم بالاوقاف هل هو للكويتيين ايصير تشترك فيه ؟اتمنى التفاعل خواتي ولكم الاجر
السلام عليكم ورحمة الله وبركاته 
خل تقدم بكذا مكان… عندج بيت الزكاة واللجان الخيرية
تدز بيانات دراستها وتفاصيل الرسوم وهم يساعدونها بمبالغ متفاوته من 200 إلى 500
عشماويه حبيبتي ماقصرتي والله ويزاج الله خير انتي والخوات اللي دشو الموضوع وما اكتبو بس اتعرفين شنو اللجان اللي يعطون مثلا لجنه التراث الاسلامي يعطون ولا لأ؟وبيت الزكاة الله يسامحهم يذلون الواحد ياالله يعطونه جم بيزه
الله يسهّل أمورهآ ..
والله ماعندي علمـ بس للدعوهـ تأثيررر بلا شكْ ..
والله حبيبتي ما أدري… أخوي قدمناله عند بيت الزكاه وعند شركةة اليوسفي وما قصروا
بسأل لج وأرد لج خبر
اي والله حبيبتي ياليت اعرف اقولها وين اتروح بالضبط لان زوجها مو راضي يروح مكان يقول ما اروح اطر من احد بس اهي مجبووووووووره لان حالت زوجها الماديه متعسره ونص معاشه قرض والنص الثاني اجار بيت ومعاش خدامه وماجله لليهال والله صج الله يعينها احنا نشوف نفسنا ونقول مافي وحده بالكويت جذيه بس سبحان الله في وايد ناس جذيه احنا لازم نحمد ربنا على النعمه اللي فضلنا ربنا فيها وندعيلهم بتيسير الحال
اي صج بغيت اعرف اليوسفي مو ملوت الاجهزه الكهربائيه اشلون يعطون اعانات للطلبه
في مبره مساعدة طالب العلم يمولونها التجار والخيريين ومايردون احد بس مواعيدهم مرتين بالسنه لتقديم الطلبات مره شهر فبراير ومره سبتمبر فخل تنطر وتكلمهم شهر 9 وتكون اوراقها جاهزه رقمهم دورته مالقيته بنقالي لكن تقدرين تاخذينه من80808وعندج الديوان الاميري مايردون احد بس لجنتهم تطول خل تودي اوراقها لهم والله يوفق الجميع
مبرة سعاد الصباح و مبرة عبدالعزيز البابطين و مبرة العجمان .. بس للأسف ماعندي تفاصيلهم لكن سامعه عنهم
في مبره مساعدة طالب العلم يمولونها التجار والخيريين ومايردون احد بس مواعيدهم مرتين بالسنه لتقديم الطلبات مره شهر فبراير ومره سبتمبر فخل تنطر وتكلمهم شهر 9 وتكون اوراقها جاهزه رقمهم دورته مالقيته بنقالي لكن تقدرين تاخذينه من80808وعندج الديوان الاميري مايردون احد بس لجنتهم تطول خل تودي اوراقها لهم والله يوفق الجميع[/
مشكوره حبيبتي ممكن اسم المبره علشان لما تتصل اتكون عارفه شنو تطلب والديوان الاميري راحتلهم قالو اموقفين من سنتين بس الله كريم ان شاء الله
[مبرة سعاد الصباح و مبرة عبدالعزيز البابطين و مبرة العجمان .. بس للأسف ماعندي تفاصيلهم لكن سامعه عنهم[
مشكوووووووره عبيبتي عساج عالقوه ما قصرتي راح احاول ادور ارقامهم
والله حتي أنا ابى ممكن تساعدونا حق أخوي بعد …
للرفع
رففففع
ساعدونا جزاكم الله خير …………
للرفع