ماهي مشكلة زوجي الجنسية ؟

السلام عليكم ورحمة الله وبركاته

انا متزوجة من فترة قصيرة خمس اشهر ولكن زوجي لا يقوم بممارسة الجماع معي الا كل اسبوعين مره
مع اني اهتم بنفسي وبنظافني الشخصية وشكلي جميل

ولكننا لا نتحدث مع بعض كثيرا وانا لا احبه ولا اعلم ان هو يحبني او لا ولا نجلس مع بعض الا اربع ساعات او اقل في اليوم الواحد
ولكن احس في جفاف كبير من طرفه

فانا لم اتخيل ان حياتي سوف تكون به>ا الشكل
كل 14 يوم او اكثر مره
واحيانا بالشهر مره

هل تعرفون ناس في بداية زواجهم يعانون مثلي ؟ وزوجهم مثل حالة زوجي ؟

ومن شنو يعاني زوجي ما مشكلتى

والله مادري شقولج حبيبتي

الله يعينج ان شاء الله ويهديكم لبعض

اتوقع الاسباب الحقيقية تعرفينها منه شخصيا

5 شهور اتوقع الحين ممكن تكونين صريحه معه

بطريقة اخرى

يعني

تسألينه

1-شنو تحب البس لك؟؟

2-شنو ودك اغيّر شي من طبعي؟

3-ودي اسعدك اكثر تحب شي معين او تصرف يلازمني معاك

وهكذا اسأليه اسئلة ذربة تستشفي من وراها

مزاجه و موده

للرفع
ان شاء الله البنات يفيدوووووووووووووونج

يعني لو غيرت في شكلي بيتغير تعامله من الناحية الجنسية معاي

كل رجل له اسلوب ونمط معين بالحياه اصابعج مو سوى….

وانتى حاولى تتقربين منه اكثر مو على ابو انى عروس مااطيح الميانه معاه لا حبيبتى خلج قريبه منه اكثررر

وعلى طول سولفى معاه عشان لانه يمكن عنده مشكله ومو داريه عنها انتى…فحاولى تشيلين الحواجز بينكم

والله يألف بين قلوبكم آآآمييين

اي البنات معاهم حق
كلمي زوجج يمكن ستايلج مايعجبه ولا في باله ستايل معين بس مستحي يقولج
انتي بادري احسن

لا لاتسألينه لانج ماتكلمين معاه على قولتج اول شي حاولي تكونين صديقه له تعودي تشاركينه كل شي

رجال عن رجال يفرق اعرف وحدة بس اول يوم وبعد كل دورة واهي توها عروس

اهتمي بنفسج وصارحيه وموفقه

شوفي حبيبتي انا اعرف وحده قريبه مني مره نفس حالتك تقريبا في بدايه زواحها

وبما انا تربطني علاقه قرابه قويه بيني وبين زوجها فهمت شنو القصه

اللي اهي ان زوجها يعاني من ضغوط ماديه سببها الزواج المغالى فيه صرف كل اللي عنده لا وتسلف بعد

وصار مهموم ومضغوط بس بعد سنتين الله فرجها عليه تقول الحين تغير وصار احسن من ايام العرس

انتي شوفي شللي شاغل باله يمكن عنده ضغوط ماديه اونفسيه لازم تهونينن عليه وان شالله الامور تتغير

بالضبط مثل قصة وحده أعرفها و كانوا بالشهر مره بس ألحينه الحمدلله أحسن

على وصفج ممممممممممم أتوقع لو تمشين على ايدج مو ريولج مافي فايده .…………. اذا انتي نظيفه وماعندج مشكله تبقى المشكله عنده ………الرجل الطبيعي يتزوج عشان يعف نفسه الطبيييعي كعروس عالأقل مرتين باليوم مو بالشهر لاتستعجلين الحمل وشوفي سالفته بالأول والله يسعدج .

الله يصبرج و يعينج بس مثل ماقالو البنات صارحيه

ليش ماتغيرين تسوين له مفآجءات اتوقع طاحت الميانه بينكم بس ليش ماتحبينه؟؟ يمكن اهو حاس انج ما تحبينه ومن جذي متكدر حآولي تأخذين وتعطين معاه بالكلام بهدوء وأدب اقل شئ تلقين اجآبات لأسئلتج … الله يوفقكم

الله يعينكم .. و يهديه