مااقدر انسى كلمته لي؟ ابي حل

صباح الخير خواتي

بتكلم معاكم بموضوع واتمنى توجهوني وتنصحوني وتساعدوني بردودكم الطيبه

انا متزوجه لي 6 شهور و زوجي الحمدلله يحبني ومرتاحين مع بعض بس من شهر ملاحظه ان زوجي تغير علي صاير يطلع من البيت كثير ودايم مع ربعه بالديوانيه وهو الحمدلله مايدخن ولا حتى شيشه بس يطلع معهم يلعب بلوت ويرجع..
واعرف كل ربعه ناس محترمين وطيبين بس امس قال كلمه والين اليوم وانا افكر فيها
يقول انا احس بملل قلت ملل من شنو قال مدري ملل من كل شي
طبعاً انا يابنات موظفه ودوامي شفتات يعني اوقات ارجع البيت الساعه 9 بالليل ويكون اهو رايح لدوامه واوقات يكون هو فالبيت وانا طالعه دوامي يعني اوقاتنا صايره غلط وملخبطه بس مو ذنبي هذا شغلي
وبالعكس انا مو اشتغل حق نفسي وبس لا انا اشتغل واساعده على الحياه الصعبه
هو وظيفته حليوه بس راتبه مو ذاك الزود ..
عشان كذا انا وياه نساعد بعض بأجار الشقه وبالديون اللي عليه
والله يابنات اني احبه وأدور راحته وسعادته ولما يصادف الاوف حقي مع اوفه اجلس معه او نطلع نغير جو بس انا خايفه من كلمته اللي قالها امس
وحتى نومه صار قليل وعسر بلموت ينام طول الوقت جالس ويفكر او يسولف بجواله عالواتسب

ياربي انا مو مقصره معه بشي وش الحل ؟؟
اطنش كلمته وانسى؟ ولا ارجع اتكلم معه ؟
مع اني افكر اخر الشهر احجز لنا شاليه وأفآجأه ؟ << شرايكم؟؟

انا حساسه وافكر كثير مدري هو متملل مني او من دوامه او من شي معين ؟
احترت كثير ابيه يرجع نفس اول ماتزوجنا

اي لازم تسئلينه من شنو متملل وتقعدين معاه واذا يبي يطلع معا ربعه لا تعارضينه خصوصا هالايام لانه محتاج يغير جو وجهزي كل اللي يحتاجه قبل دوامج الله يسخره لج

حبيبتي ادا تقدري اتاخدي اجازة من شغلش واتونسي انتين وياه بس بعد لازم تسأليه الله يوفقش

عادي ماكو شي احسه زهقان من روتين الحياة اليومي و هذا الشي يحوش الرياييل اكثر منا
لا تحاتين مافييه الا العافية ان شا الله
اهما طبيعتهم غير عنا اذا بالهم مشغول ينغلقون على عمرهم مو مثلنا ننفتح عالناس و نطلب المساعدة من بعض
فارتاحي حياتي مافيه شي
اايدج بفكرة الشاليه كسري الروتين و جددي

صح الي قلتييييه الشاليه فكره حلووووه وتغيرون جو
وبعد انتي مو مقصره تقولين تطلعون ويا بعض وقت ال of بس لاتناقشينه عشان قالج ملل تروحين ونقاش وقعده ؟!لا والله كلمممته عاديه جذي الرياجل تجيهم فتره يحسون بملل من الروووتين لا اكثر صدقيني لاتفكرين بشي ثاني وانسي هالكلمه جدا عاديه
الله يوفقج ويريح بالج
وادعي لي بعد ههههههه

♥<3 هـَْـُلاٌٍے وًَ غـٌَلاَّے <3♥ حبووبه

حياتي لاتضايقين عادي لابد ٱ‏​نـِْ♡̨̐. تصير مثل هالمواقف بينكم
وانصحج انج تغيرين نظام دوامج من شفتات إلى صباحي
وحسسيه انج موجوده دايم ،، اذا كان دوامج صباحي احسن ،، تكونين بالبيت بالكثير الساعه 3 ،،
وعسى ربي يسخرره لج 😘😘😘

الله يسخره له لج وترتاحون مع بعض

ماعندي شي اضيفه ع البنات

موفقه

الملل …..> قصده الروتين
مافي شي جديد مو منج لا من الحياة بكبرها
الحل كسر هالروتين
مثلا سفره لعمره
البحرين
شاليه
بين كل فتره والثانيه
وطبيعة عملكم ترا صعبه خاصة انتي
والله يوفقكم يارب ويخليكم لبعض

الله يهدي سركم

ااااااااااااااب

الزواج حلو بس ملل زهقه غلقه مصاريف وتكاليف وكل يوم نفس الشكل مجابلين بعض ترى صج زهقه وااي الله يعينكم

انا اهلي امل منهم يبيله صج ناس عشريه

اب اب

Up
Up

لا تحطين في بالج كلمة و طلعت مو مقصودة ..

و حلوة فكرة الشااااالية ..

الملل في العلاقة الزوجيه شي طبيعي حاول تكسرينه
بسفرة او طلعة الشاليه او اي شي ثاني مثل ليله بالفندق
يعني لو مرة بالاسبوع فضي روحج له
يكون لكم بروحكم يعني ليله خاصة لج وله
ومع الوقت راح يتعود على شغلج
وراح تتكيفون مع نمط حياتكم