ليش ما يعطون امتياز حق اول سنه تعيين ؟؟؟؟؟ ودي اعرف المعايير واللي يعافيكم

السلام عليكم

بنات اليوم قعدت مع وحدة توها متعينة شهر 12 اللي طاف

المهم قعدنا نسولف عن الكادر وان وظفوها على معلم هاء وان فرق بينها وبين دال

واقعدت تقول ان رئيسة قسمهم قايله لها مهما سويتي من مراقبه واشراف وتصحيح غير حصصج غير الانشطه والمشاريع والحضور والغياب

ما راح تاخذين امتياز اول سنه!!!

قلت لها يمكن ليش انج يديده!!

جان تقول حتى رئيسة قسمج قالت بعد !!

جان اقول لها حتى انا اللي تعينت شهر 9 !!!

قالت لي ايه

انصدمت جان اقول عيل ليش يطلبون منا نسوي اشياء وكل ما قالو شي قلنا ان شاء الله !!!
وما طب بلسانا كلمة لا!!!

قلت بقلبي دام جذي ماني مسويه شي غير حصصي وسوالف الاشراف والمراقبه والتصحيح غيره ماني مسويه شي دام جذي استيراتيجتها وانا بعد غبيه اللي وريتهم ابداعتي من اول سنه تعيين

بنات ليش ما يعطون امتياز ليش الظلم

و الله حسب المدرسة ..
انا الحمدلله اخذت أول سنه امتياز و كان عطائي في حدود المقبول مو اوفر .. ثاني سنه بمدرسة ثانية قطعت روحي و اشتغلت على حساب نفسي و بيتي و صحتي و ما شفت الامتياز ..

مو شرط حبيبتي …

على حسب المدرسة في مدارس يعطون اول سنه تعيين امتياز
وفي مدارس لعانه جنه بحطون الامتياز من جيبهم
انت اشتغلي بلي يرضي ربج وضميرج وان شاءالله تاخذين الامتياز

انا خذيت في اول سنه امتياز مع انه الكل قالي ماراح يعطونج امتياز بس ماهمني كنت اشتغل بضمير وعقب ثلاث سنين صرت معلمه ج بالاختيار الحمدالله

لرفع

حسب الناظرة يا قلبي
لان مافي شي رسمي يمنع الامتياز عن التعيين الجديد

اب
اب

مو شرررط

هذا عرف بين الديناصورات عدوااات الابداع

واعرف بنات ماشالله امتياز مرتفع من اول سنة تعيين

حسب الناظرة والتوجيه

في توجيه و ناظرات ماتقدر

يا معوده شتقولين بموجهه مو راضيه تعطي معلمه امتياز بحجة انها جديده ،، واهي ثالث سنه لها تعيين ؟؟

انا اكتشفت ان التربيه ماشين على مبدا ان حبتك عيني ما ضامك الدهر ،،

ودايسين على كل القوانين ..

طبقوها علي
مع اني مداومه 100 يوم
و شايله 4 صفوف اولى و طباعة اوراق عمل و تحضير كمبيوتر
و وسايل و بيع مقصف و مناوبات و تقزر علي الشغل الاداري

و يتعمدون ما يعلمونا حقوقنا و شنو لنا و شنو علينا
علشان لا نستفيد من القرارات الي بصالحنا !!

Upp

حبيبتي هذي رئيسة قسمج ماتبي تعطيج
شنو يعني أول سنه مافي امتياز ما أفهم ولا ما اشتغل
كل انسان ياخذ حقه .. بيقنعونا ان القديمه خبره وتشتغل عدل .. كله اعاده ولافي شي يديد
اللي يشتغل يحصل نتيجه تعبه ومجهوده .. بس تتحجج ليش يديده هذا مو عذر مالج شغل فيهم
انا اول سنه امتياز الحمدالله
هذي أولها حبيبتي نقلي احسن لج مهما تتعبين ماراح يبين تعبج
موفقه

تقول اليديده لانها توها تبي تثبت وجودها بس مو قادرة مثلا توصل المعلومه عدل او ما تعرف تدير صف او شخصيتها ضعيفة و و و حجج

يـــعتـــمد على الثـــلاثي المــرح الي يبي يحــط التـقـارير ..

أنــا اول ما تعـــينت كــرفت كـــرف اليــهد و كــنت صــغيره ومــالي حـس .. النــاظره مابغت تحـطلي امتـياز
قــالت توها صـغيره ومـاعندها خبــره . بس الموجهه حــبيــبـتي والله للحين ادعي لها اصــرت و مــاطلعت الا و حاطيلي امتـياز .

اهم ثـــلاثه كل وحده يـــتــناقشــون ويـقررون بــيــنهم مو شـرط كلمة المشـرفه تمـشي يمكن الموجهه والنـاظره يـتـفـقون على امتيـازج