|
|
مساء الورد والنور والعسل
يا احلى تجمع فى الدنيا
بعد عمرى بغيت اعرف للى راحوا وعالجوا على حسابهم برا الكويت يا ترى يستاهل ان الوحدة تتكلف وتسافر اقصد المستوى مختلف عن هنيه بلكويت وايد؟ طيب وين عالجتى ؟باى ديرة وجم كلفج كل شى من الى يعنى من التذاكر الذهاب الى تذاكر العودة وجم تكاليفج بالضبط ونجحت العملية او لا؟ وين احلى ديرة تنصحون الوحدة تروحلها للى نسبة النجاح فيها اكبر ؟ دول اجنبية او عربية؟شرايكم بالاردن؟ جم كلفتكم ؟ وين رحتوا جم تكاليفكم بالضبط وشكثر يسوونلج العملية يعنى يسوونها بشهر واحد ولا على اكثر من شهر؟ طبعا الحين العلاج بلخارج حسب ما سمعت ما يودوون حق اوروبا بس يودون الاردن والسعودية مو ؟ويصير للى سوا على حساب الدولة بلكويت مرة وحدة تتكرر السالفة ولا لأ؟ فى دكاترة بلكويت بنفس مستوى برا؟ ابى نصايحكم وتجاربكم لو سمحتوا
وانا انصحج اذا ناويه تسافرين تعاجلين روحي الاردن مستشفى فرح عند زيد الكيلاني ماشاء الله عليه ممتاز والعمليه مع التحاليل مع السونار والادويه ماتكلفج تقريبا من 700 الي 900 دينار كويتي قولي 1000 ماتدرين لاسمح الله يمكن تحتاجين شي زياده ولا شي
وعلاجهم مايطول تقريبا 20 يوم بالكثير الا اذا احتجتي شي زياده
وتقدرين تروحين من 21 يوم من الدورة ويستحسن قبلها بجم يوم علشان اذا في تحاليل شي يسوونلج ويعطونج علاجج وتقدرين تردين الكويت وعقبها باسبوع تقريبا تردين لهم انا اذا بغيتني تقعدين فتره العلاج على راحتج في فنادق حوالين المستشفى تقدرين تسكنين فيها انا اللي جربته دلمون للشقق الفندقيه حلو ونظيف وحيل قريب دقايق مشي لي المستشفى وهالحجي من سنه كان تقريبا الليله على 18 دينار ومصرف الاردن شوي غالي مو وايد يعني حسبي حسابج انا كنت اروح وماتكلفني وايد لان زوجي كان يدرس هناك ماادري جم المصروف تقريبا
وربي يرزقج الذريه الصالحع يارب واي استفسار من عيوني واذا بغيتي شي دزيلي على الخاص اخاف ماارد اشوف الموضوع
طيبة الطيبات :حبيبتى يعنى شرايج ؟بدكتور الكيلانى …زين شاطر يعنى؟ طيب جم تكاليف الباجية حقة اللاقامة والاكل والمواصلات …يعنى كل التكاليف على بعضها ..؟وشلون على المواعيد حقة الدكتور تطولين على ما تاخذين موعد؟
رزقج الله الذرية الصالحة ..ووفقج ويسر خطاج..وفرح قلبج بالضنا..
آآميــــــــــــــــــــــــــــــــــــــــــــــ ــــــــــــــــــــــــــــــن