لقيت الحل لسواد اقدام الايدين والريول

السلام عليكم ورحمة الله وبركاته ,,,

طبعا حطيت الموضوع هني لان اغلب العرايس يحتاجون هالشي ,
انا مو عروس بس مخطوبه والملجه والعرس مطولين فقاعده احاول اهتم من الحين واعدل بعمري ,,, اليوم الله يسلمكم وانا قاعده فاضيه ومن كثر الملل لاشغل ولامشغله قلت بما ان الجامعه بعد يومين فلازم استعد لها واشوف ملابسي الي يبيلهم غسيل والي يبيلهم كواي وارتبهم بالكبت من الحين عشان ما اتأخر وانا رايحه الدوام مثل كل كورس لوول , المهم يبت طشت اكبر حجم وحطيته يم البانيو وترسته كومفورت وتايد وشامبو دوف وشاور جل بعد ريحة ورد لوول خذيت كل قمصاني وملافعي وغسلتهم فيه قعد على طرف البانيو ويم الحنفيه وحطيت ريولي داخل الطشت وطايحتلي فرك بالملابس ابعضهم وريحت الحمام عزكم الله ولا اروع كومفورت منعش المهم قعد افرك بهالهدوم واغسل لمدة 3 ساعات وريولي داخل الطشت وايديني افرك فيهم الملابس وبس اخلص اغسلهم بالحنفيه واعصرهم واقطهم بالبانيو نظيف المهم بس خلصت ناديت الخدم قلت يالله حطوهم عالمنشر طبعا مستغربين شلون انا اغسل لوول خدمنا 3 ومتعودين اهمه كل شي يسوونه انا ماسوي شي بس طقت ابالي اليوم والله يابنااات من هالثلاث ساعات اي غسلت ملابسي فيهم بنفسي واستفدت من وقتي وفوق هذا الشي الي ابهرني ان الطبقه السمرا الي تحوط اصابع الريول واصابع ايدي والله راحت صار لونهم وااحد وعلى وردي يهبلوون وبعد ماخلصت دشيت اتسبحت طبعا وسويت صنفره ركزت عالايدين والريول وفركتهم بليفه مغربيه مع صابون مغربي ماطولت بالصابون 3 دقايق وفركته بس والله تغيييييير باللووووون فظظيييع حيل حييل تغيروا صار لون ايدي كله واحد , فأنصحكم تغسلوون ملابسكم منها تستفيدون ومنها تنقعين ايدينج مع ريولج وتشيلين الطبقات المتراكمه عليها … سوري طولت بس والله حبيت افيدكم خصوصا الي يداومون او يشتغلون بالشمس دايم تكون لون الايد والريل يختلف يكون اغمج من لون باجي الجسم ويعطيكم الف عافيه اتمنى تدعولي بظهر الغيب ان الله يوفقني ويكون زوجي صالح … ومشكورين

مووفقه ؛*

لووووووول وااو

بس انا مااحب الغسيل وفراك يعني حدي دقيقتين خخخخخخ

بس كأأنه يرجع اللون عاادي

حياتي اجمعين ان شاءالله والله يرزقج باللي تتمنينه يارب

لا والله بالعكس طريقه حيل مفيده لادهن ولاهم يحزنون ماي شحلاته لوووول مشكوره عالمرور ياعسسل

من صجج والله !!!!

انا من الشمس صارت ايديني وريولي كان فيهم صبغه من الشمس تتوقعين بيروح ويرد لوني الطبيعي

وراح راح ولا بس موقت <<< ترا حدي مستغربه اول مره اسمع جذي

ويعطيج العافيه حبيبتي

يعطيج العاااااااااافيه

ونااااااااااااسه ماشاءالله

عسى ربي يوفقج ويكون زوجج الزوج الصالح’~>

اي والله راحت الطبقة بالمرا اقولج 3 ساعات بالماي وفرك وعقبها صنفره تغيير موطبيعي جربيها وادعيلي ومشكوره عالمرور

ههههههههههه خووش شي والله منها تغسلين ومنها بيااض

ربي يووفقج ياقلبي

بنجرب عاد انا اغسسل ملابسي هع
ما احب الخدامه تغسلهم

حلو بس طولتي 3 ساعات ملل ههههههههههه

يبيله اجرب
يعطيج العافيه والله يوفقج

مشكورة قلبي