لا حوله ولاقوه الا بالله العلي العظيم :(

[b] السلام عليكم ورحمه الله وبركاته

بنات بدش بمشكلتي سيده .. انا ماصارلي فتره بالمنتدي معاكم ودايما اقره عن مشاكل البنات وكل مره جدددد اتمنى اكتب مشكلتي واحصل احد ينصحني ويساعدني بس ماكانت عندي الجراه اني اتحجي .. بس انا تعبتتت بنات خلااااص احس اني بديت انهاااااااااااااااااااااااااااااااااااااااااار وربي ماعاد فيني اي احساس حلوو بهالدنياا << << مشكلتي باختصار
(( زوجي )) انا تزوجت صغيره وووهم صرت ام ومسؤله عن يهال وانا بعدي ماعرف شئ بهالدنيا بس الحمدلله حالي حال اي بنت تعلمت انا مشكلتي اني تعبت من هالعيشه بنات احس اني صررت مستهلكه بس ماعاد اتحمللللل هالعيشه استغفر الله راح عمري كله وانا اربي عيالي وادير بالي علي زوجيييي <<< ادري الكل بيهاجمني اللحين بتقولون هذول عيالج وهذا ريلج بنااات اناا انساااااااااااااانه ماعشت شئ من عمري غيري طفولتي بيت اهلي ومراهقتي استلمني ريلي اللي مايعرف من الزواج غيرررر الفراش كل وقته لربعه البيت فندق له ياكل ويشرب وينام ويطلع عباله لما يجيل البيت وويشتري لعياله خلااص اهوه توووب مو مقصر بشئ حاولت من اول عرسي افهمه اني محتاجه انسسسان يعيش معاي يساعدني بكل شئ بس عمك اصمخ مايفهمممممممم

هذي كانت عيشتي جم سنه ياهل ورا ياهل لين اعصابي انهااارت وربي يابنات خلاااص عظامي تكسررت كل شئ فيني يعورني توني ماخلصت ال26 واحس عمري بالخمسييين وبعد هالسنين كلهاااا مومتقبله عيشتي هذي وهذا كله من زوجي اهوه ماساعدنييييي بهالعيشه معنه بنات كبيررر واكبر مني .. من فتره بنات طحت علي ريلي يحاجي بنات ع النت وهالشئ وربي بالصدفه وكان بالمحادثه اللي مسجلته له يقولهااا ليش مادقيتي .. انطرج ؟؟؟؟؟؟؟؟؟؟؟؟؟ اخ ياقلبيييييييييييييييييي اللحين انا راضيه فيك ومنطمه على هالعيشه تطلع خااين وماتخاف الله رحت بعدهاا فتشت كل اغراضه وبيما فيهم سيارته @@ تخيلووو تلفونييين بسيارته القائمه كلهااا بنات وبين الارقام الشقه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني رقم الشقه ..قدت ابجي وابجي بالسياره صعدت له واهوه نايم حذفت التلفون عليه وانا ابجي واهوه مخترررع يحاول يهديني ويحلف ويتكفرررر هالتلفون من قبل عرسنااا (( عذر اقبح من ذنبه )) كل هالسنين واهوه مع بنات الحرام وتاركني اناااا لا احساس ولادم ..بنات هذي اول مره اطيح عليه وطاح الحطب بينااا بس طحت عليه بعدهااا 3 مرات وكل مره يترجاني اسامحه ويحلف والله علي القران انه ماراح يعديهاا وكنت اسامحه واحس اني غلطت وارخصت بنفسي انه مافضحته من اول مره وعلمته انه لله حق.. ساعتهاا يمكن الخوف يخليه يتوب .. اللحين اناا وصلت لمرحله اني عايفته وعاايفه العيشه معاااه بس هالوضع انا مابيه مااااااابيه ومره كنت حيل تعبانه من عيالي قعدت اصارخ اقوله طلقنييي مابيك ولا ابي عيالي اخذهممم انت والله اقولهاا وانا ميته بس بحسسسه بالخوف اني راح استغني عن عيالي بسبته واهوه يدري شكثر عيالي متعلقين فيني .

ما اعرف اشرح مشكلتي وكتبت اللي اقدر عليه لاني جد محتاجه لكم وكل بنت بهالمنتدي وربي مثل اختي محتاجه لنصيحتهاااا شسوي عشان اتقبل حياتي هذي واتقبل زوجي وعيوبه اهوه طيب وحبوووب بنات والكل يحبه والله بس مهملنييي بدون لايحس عباله الدنياا اكل وشرب وفراش هذا حق الزوجه بس انا احس اني مراهقه ابي احب واعيش قصه حب معاه ابي حياتي رومانسيه مث الافلاااام <<< حلم ابليس بالجنه .. نزين ع الاقل حالي حال اي بنت زوجهااا مايطلع غيرهااا نسييت اقولكم كل مره اطيح عليه احلفه اذاا اناا مقصره معاه ويحلف اني مومقصرره معاه بشئ بس ليش قاعد يسوي جذي فيني انا مو مثل باجي الحريم اقول دامه يخربط بره كيفه اهم شئ مايتزوج ولا نفس الحريم اللي تقول دام مومقصر بيته وبعياله كيفه لاااااااااااااااااااا[ انااا ابيه بس لييي اناااا ما احب احد يدش بيناااا ابيه بقلبه وعقله ورووحه واهم شئ جسمه لاني حييل صايره مستأرفه منه لما نكون مع بعض ويتراوالي انه كان مع وحده غيري هالفكره كله فبالي وتخليني منفسه عليه ومعصب طولي وقتي معاه /b]

هذي نهايه قصتي وياريت احصل نصايح منكم تفيدني وتساعدني لاني جد وصلت لمرحله احس اني بموت بهمي وربي الموت يطرى علي كل حززه …

الله يصبر قلبج ويهديه لج ويبعد عنه بنات ابليس
الله يعميه عن بنات الحرام ويرده لج

بس حبيبتي مهما تهاوشتي وتضايقتي من زوجج
معاج كل الحق وما تنلامين اكيد بالذات انج تحسين ان عمرج راح معاه بدون تقدير منه
اهم شي انج لاتقولين جدام عيالج طلقني واخذ عيالك ماابيهم

انتي يمكن تنسين عقب مده انج قلتيها بس صدقيني اليهال تركز الكلمة بمخهم وبتضل في بالهم انج ماتبينهم

قولي كل اللي تبينه بينج وبينه بس عيالج لا يسمعون

الله يهيديكم حق بعض ان شاء الله وحبيبتي مافي ريال مايمر بنزوات عاد انتي وشطارتج
في تجربه حق وحده من العضوات اتوقع اسمها راجية رحمة ربي اذا ما غلطت اقريها وشوفي شلون لما فرت حق ربها وشالت ريلها من راسها وراحت حق ربها واستغنت عن اشيا وايد عشان ترضي الله شلون ريلها احسن مليون مره من اول

كاهو رابط الموضوع https://www.q8yat.net/showthread.php?…9+%D1%CD%E3%C9

الله يساعدج و يسهل عليج و يوفق بينكم و يبعد عن زوجج بنات الحرام

مرات الوحدة تحتاج تاخذ اجازة بينها وبين نفسها
اذا عيالج يروحون المدارس … وانتي تشتغلين … اخذي اجازة
وقعدي بالبيت …
خلي وحدة تيي البيت تسوي لج مساج … وبدي كير ومني كير ..
وابتدي سوي رياضة بالبيت …

هالشغلات وايد تأثر بالنفسية … و تخليج ترجعين بقمة النشاط

وبالنسبة لزوجج ….
ما اعرف شخصيته …
بس ممكن تحجزين لكم بالسينما … كـ نوع من التغيير
تخلينه ياخذ اجازة من دوامه اسبوع ….
وكل يوم الصبح تطلعون … خاصة ان الجو حلو

تروحون سينما …
المركز العلمي

شوفي شنو اهتماماته … و حاولي تشاركينه

بس من ناحية الخيانة … والله ماعندي اي حل
كثري من الدعاء … و ان شاء الله البنات يفيدونج بالموضوع

لا تموتين و لاشيء يا حبيبتي ، شوفي أعطيج مثال عن زوجة أخوي:
اهي اكتشفت إنه يكلم وحدة و كانت تتهاوش معاه و يتأسف و ترد تطيح عليه مرة ثانية و وصلوا ليمرحلة إنهم ينفصلون ، بس شنو صار ، قالت لي سمعي هالآية ( إن الله لا يغير ما بقومٍ حتى يغيروا ما بأنفسهم).
اهي تغيرت و قامت ما تراقبه وايد و لا تتهاوش معاه و خلته يطلع على راحته و راحت العمرة مرتين تدعي الله يرجعه لها و أكيد كانت تدعي بعد الصلاة و تتصدق وايد و تقرا قرآن لأنها راحت حق الحداد و قالها فيج نفس ، و قامت تشغل سورة البقرة في بيتها.
سبحان الله أخوي تغير حيل ، و حتى وافق انها تحمل مع إنه كان معارض هالشيء و صار مثل الخاتم بإيدها.
اشرايج بهالقصة ..
حاولي إنك تطبقينها و شوفي.

لااااافديتج عمري ماقلت هالحجي جبال عيالي وحتى لما اتضايق وووربي ماحاول ابين لهمممم اكل بعمري بعيد عنهم وماقصرتي يالغاليه ع النصيحه … الله يوفقج

باختصار انا نفس ظروفج

بس حطيت يومين بالاسبوع ادلع نفسي

يوم اطلع مع الصديقات من الغرب الى الليل عشا

ويوم اتجمع ببيت احدى الصديقات وناسة وضحك

وباقي الايام لعيالي

اما الافلام الرومانسية اللي تنطرينها هاذي بس بالافلام ترى

وكل البيوت تحولت فنادق 5 نجوم للزوج

انا قبل قررريت مشكلتهااا ووخزنتهاا بهالجهاز مال زوجي قلت يمكن يقراهاا ويحس علي دمه بس صججج الله هداهم ورد زوجهاا لهاا << الله يوفقهاا يااارب والله كنت انتظر اخبار عنهاا

ياربي محدد فاهمني هذي صعيدي مقفللللل تدرين اتمني مره يقولي تعالي نطلع بروحناا تعالي اؤؤنس تعالي غيري جوو بس شقول كله داقرني لدرجه اني عفت الطلعه معاه انا اطلبه يطلعني اليوم بعد شهر يفضيلي عمره والله يالطلعه نحوش بالشوارع ماندري وين نروح من غثاااه

[Cحج السنه OLOR="Red"] اخ انا حتى عمري ماعتمرت استغفر الله ان شاءلله اذا الله قدر اروح السنه الجايه قتله بس مابي عيال بحج وانا مااحاتي عيالي .. والله يوفق مره اخووج ويهدي ريلها لهاا ان شاءلله وان شاءلله بسوي نفسها وماقصرتي حبيبتي[/COLOR]

يابعد عمري هونيها وتهوووووووون ميخالف ترا كل البيوت مشاكل وبلاوي مايعلمها الا ربج
وانتي توج صغيره ليش شاقيه روحج شفي انا مابي الومج واقولج انتي الغلطانه من الاول تدرين ليش؟
لانه تحملتي المسؤولية كااااااملة ترا الريال اذا المره سوت كل شي فوق راسها على بو تريحه ترا الريال شدراه بيستانس وبيصير حاله حال العزبابي ديوانيه طلعات ويا ربعه وايي البيت يناااااااام
المفروض تشغلينه بأغراض البيت بالهيال بتدريسهم يوديهم ايبهم تطرشينه على اشياء وو..الخ يعني تشغلينه وتربطينه بالبيت وتخلين عيالج يبوسون راسه لايه وطلع يعني تعودينهم عليه ويحبونه ويحبهم
الحين انتي مالج الا الدعاااااااااااااااااااااااااء
وليش تفتشين ورا الريااااااال ترا جذي تتعبين نفسياً انتي اللي عليج لاتخلين عليه قاصر وشغليه بالبيت وفيج وربطيه بالبيت
بس مو تقثينه يعني تعال مشتاقين لك ولا اليهال ودهم يطلعون وياك
وغيري البيت وشكل الغرفه
وانتي اهتمي بنفسج وشغلي وقتج بهوايات يعني اقري مجلات روحي صالون روحي الممشا اخذي اليهال تمشوا
شغلي وقتج وعيشي حياتج ووياج ريلج وعيالج يعني لاتخلين الحياة واقفه على الريل والعيال بس شوفي نفسج
والحين ريلج قوليلة ابيك بكلمة وجذي وهيئي الجو والمكان وقوليله اللي بقلبج كله قوليله انا تعبت وانته ماتساعدني وانته مانستغني عنك ومن هالكلام الحلو على شووووووويه دموووع لانه البجي يحنن الريال هههههههههههههه
والله يهدي ريلج وانتي لاتحطين ببالج ومارده لبيته ومرته وعياله ولاتنسين روحج والحياة حلوه جم مره بنعيشها وانتي توج بعمر الزهووووووور

الله يهنيييج يالغاليه اكثر واكثرر بس مشكلتي ماعندي رفيجات بمعنه الكلمه كلهم من ايام الدراسه ورارحووووو مادري ليش محد يدري عن الثاني وانا توني موظفه وموذاك الزود مع البنات ولا اتمنىىى هالعيشه

حبيبتى مالج الا حل وااحد وانا مجربتة والله دشت بينا بنت ابليس الله لايعطيها العافية وتخيلى قالى مابيج ولا فكر بعيالة بس انا مع الكلام اللى قالة اهو والخايسة قالت كلام ماينقال مع ذلك والله شاهد على انى ماقلت لة مابيك والحمد لله رد الامور لمجاريها واحسن بس لازم يعرف انة لى عادها انا مو طوفة هبيطة

المهم حبيت اقولج مشكلتى وانصح بمشكلتج
صبرى على ريلج وكلى امرج لربج والله اذا اهو ماقتنع انج اتحبينة وخااايفة على بيتج ومهما سوا انج ماراح اتهدينة والله راح يعرف غلاتج وانتى شنو بالنسبة له وراح ايخلى بنات ابليس لانة مامنهم فااايدة
وانشا الله ربى يهديكم حق بعض ويهدى سركم معاكم
وانشا الله اكون فدتج يا قلبى

حبيبتي ..

عليج بالاستغفار والله والله والله ***

ولاتناقشينه ولاتعاتبينه

اطلعي مع اعيالج ونسيهم .. روحي لاهلج روحي لصالون غيري استايلج

بس اهم شي الاستغفاااااااااااااااااار استغفري مجرررب ..