|
|
حياكم….
بصراحه حبيت أنقل لكم صفه في الرجل المتكبر…ألا وهو زوجي….صار لي ألحين 8 سنين على زواجي…وهذي الصفه شفتها من أول يوم من ملكتي….هو يكبرني بالعمر 8 سنوات كان عمره 30 وأنا 22 سنه …لاحظت في البدايه تكبرفي شخصيته وقليل من الدكتاتوريه..مع إن مافي فروق بين وضعه الاقتصادي ووضع أهلي ولا في فرق في التعليم ولا بوجاهة المجتمع ..لكن أتعجب هذا الكبر إلي فيه أعاذنا وإياكم من شر هذه الصفه….ما أبي أطول عليكم لكن بنقل لكم هذا الموضوع للاستفاده…ولوضع تجارب وحلول من حبيباتي العضوات…
أين تكمن المشكله: في الخلافات إذا صار خلاف (وهذا شي طبيعي بين الأزواج) تخيلوا يقطع عني حته لو إهو إلي غلطان يدخل البيت ما يسأل عني ولا يحاجيني حته بالأمور الضروريه….أنا بهالموقف إذا شفت الموقف ما يستاهل زعل مجرد إختلاف رأي أكلمه طبيعي لكن أستغرب إن قالبها زعل…وطبعا الكل عارف إن المرأه تحتاج الزوج بكثير من اللأمور والاستشاره …لكنه ألاحظه يستغل الوقف بأنه يكلمني من طرف خشمه والمشكله إذا فعلا أنا زعلته أروح أراضيه ويرضى بسرعه ما يطول هذا الحلو فيه لكن ليش إذا زعلني ما يراضيني ..مو المقصود كلمت آسف ولا اعتراف بالغلط ..لكن أحتاج إنه يقرب مني وأنا رح أفهم إنه إحساس بالذنب….ما أنكر لكن والله يا بنات من 8 سنين ما اعتذرلي إلا مرتين وحب راسي فيها ولو أقولكم الغلط إلي سواه جان تقولون لازم رضاوه مو بس اعتذار لكن والله أنا أحتسب الأجر وأحبه …ومع كل هالسنين حاولت أغيره حته إني مره زعلنا من بعض ومن باجر كلمته طبيعي وشفته مشين النفس قلته بكل رزانه خلاص يا فلان ترى كبرنا على هالشي ولا نطول الزعل لأن عيالنا محتاجين نكون مع بعض… تصدقون…مره قلت بصير مثله وأرفع الخشم عنه صار إذا قام من النوم ما أطالعه وإذا حاجاني أكلمه بطريقه كبر وضليت على هالشي لين ما لقيت إن صارت فجوه بيننا وعرفت إن التعامل بالمثل ما ينفع وخاصة بالصفات السيئه….هذي ما تعد مشكله كبيره لكن تضايق لأنها دائمه … مع العلم إن في قمة التواضع مع أهله وأصدقاءه حته مع أهلي …لكن التكبر هذا بس علي…ولاتقولون عودتيه على المراضاة أنا واعيه ما أراضيه إذا صار اختلاف في وجهات النظر….لأن ما يزعل….عاد الشي إلي يظحك صج إنه حته بالعلاقه الحميمه تكبر(ياربي بقطع هدومي) حته بهالشي تكبر…مثلا إذا كانت الرغبه من طرفه يطلب بتكبر ولا يطالعني بعينه وإنت سوي كل شي أنا بس أتفرج….طبعا مو دائما لأني محاسبه على كلامي عند رب العالمين..بس شي يضحك..
يلا عطوني خبراتكم إلي تعاني بنفس الوضع…وطولت عليكم
و ترا ياايييلج رمضان رب العالمين كريم و يستجيب بس قوليله مشكلتج ورب العالمين يتكفل فيها صدقيني
انا انصحج لوووجه الله انج تستشيرين احد متخصص بامور العلاقات الزوجيه لأن بيفيدج
اكثر و بطريقه صج انشالله متخصصه بس لا تعتمدين على كلام البنات طبعا و النعم فيهم للكن في بعض النصايح
تدمر البيوت ما تعمر .. رووحي حق استشاري او دوووري بالنت عادل الزايد او ناعمه الهاشمي واايد مفيدين و دارسين هالسوالف
و حتى مصطفى بو السعد يعطي استشارات زواجيه و حمود القشعان رووووعه بالاستشارات 
الله يووووووفقج يااااااااارب و بدعييلج
ولقيت هالموضوع
يرفع للفايده