|
|
اختي متزوجة وصار لها فترة اليوم فتحت لي قلبها تقول احس حمولتي وخصوصا حمواتي وخالتي يفرقون يعاملون حريم حمواني غير عنها !! دايما يدقون عليهم ويالله نطلع وعزايم حتى المناسبات يقولون لهم ويروحون وايون
مع انه مو مدحا لاختي بس اهي الاحسن ومالها حس ومؤدبة معاهم وتحبهم ولالالا مره ذكرتهم عندنا بالشينة
ياترى شنهو السبب؟؟ ترى غلط جذي
ابي اعرف رايكم بنات وتجربتكم بين حمولتكم وحريم حموانكم
واذا تزوج حماي بشوف الفرق وادش موضوعج واقولج
انا بالنسبة لي مادري اذا يفرقون بيني وبين حريم حمواني
بس الحمد لله انا غالية عندهم واحبهم ويحبوني ومادري شنو شعورهم بالنسبة لباقي حريم حمواني
مهم يفضلونها اهم شي الاحترام يكون بينهم
للحين ماجربت ومادري اذا بيفرقون بالتعامل بينا .. عندي حريم حموان ثنتين الله يسهل ان شالله ونكون كلنا حبايب وخلاااان ..
والملسونة المعفنة حظها قااااايم ومحبوبة
والمسكينة اللي مالها حس و طيوبة … على أقل غلطة …. اندااااست على راااااسها
اقوووووول … خليها تصير مثلي طنش تعش ….. طاااااااف لهم كلهم مااااااااااااالت عليهم كلهم
والوحدة المفروض تحمد ربها …. غيرنا عاااااايش بنار …. الله يعين
اللي أعرفه أني غاليه ولله الحمد ماعندي حريم حموان عشان احس بالتفرقه من جت ها النااس
وانا مرتاحه معاهم وهم مرتاحين منى عسى الله يتمم عليننا
انتي عاد شوفي اختج يمكن مو مافي ميانه حيل معاهم وحريمهم الثانيه ماينين على بعض
يمكن معاملتهم غير لخالتهم في اشيااء تحبب الخاله بالجنه شوفي انتي شلون هم يتصرفون
وخل تشوف الفرق بينهم واذا على ها المشكله هذي عادي حبيبتي مو ضروري يدقون ويقولون تخاوينا
اهم شي انها مرتاحه معاهم وماجاها شي منهم