|
|
شلونكم بنات للامانه الموضوع هذا من تجميعي ومن تعب غيري دخلت لااكثر من موقع وبنزل لكم كلام معسوووول وشلون نرد ونتكلم مع ازورجنا بطريقه تدوخهم علشان يقولون صج عرفنا نختاااااااااار لوووووووول
انا بكتب وكل وحده لاتبخل علينا بالكللام المعسووول
نبي نسوي اكبر قاموووووس كلام حب
شدوا حيلكم ولاتكسرون فيني 
ببدي وبذكر اسامي الاعضاء اللي كاتبين علشان مايروح تعبهم
العضوه شوووق المشاعر من منتدى اخر
حياتي اشتقت لدفا جسمك
حبيبي تولهت عليك ولحضنك الكبير الي يلمني ويحتويني
عمري خليني دايم جنبك دفيني واحميني وخليني احس بلامان بضمك لي
موضوع منقول
______________________________ _______
اذا طلب شئ..
فلانه: تجين انتي طايررررررررررررررررره
وتوقفين وتتغنجين بجسمك وبنظراتك و تقولين
( شبيك لبيك , خادمتك .. امتك, بين ايديك)
( آمر .. تدلل ..انت بس اشر )
______________________________ ______
اذا قال لك .. تحبيني قولي:
( احبك بس .. احبك واموت فيك واموت بالساعه واللحظه اللي عرفتك فيها)
( احبك موووووووووت… والله اني احسد نفسي عليك)
:______________________________ _______
اذا جاب لك حاجه تقولين:
( تسلم هالايادي .. ربي مايحرمني منك..)
( يابعد عمري والله محد مثلك بالدنيا.. ياعمري.. تعيش وتجيبلي)
( ياعمري .. والله محد بالرجال كلهم مثلك . والله فرحانه قووووووووووه , والله مو عالهديه .. تدري ليش فرحانه :.:. ان الهديه منك …, واديلو بووووووووووسه)
( والله اني احس اني اسعد وحده بالدنيا مو لان معي هديه .. لانك انت اللي اهديتني الهديه مديتها لي بيدينك .. وناظرتني بعيونك .. ونطقت لي شفايفك …… تلومني ؟؟؟؟؟)
______________________________ ________________
كلمات بين الفينة والاخرى:.
( تصدق… احس اني ملكت الدنيا من عرفتك)
( والله رجال كلهم بكفه وانت لوحدك بكفه ..)
( ياعمري والله الدنيا واللي بها صغير وكبير متسوى ظفرك)
( حبيبي .. احبك .. والله ملي دنيا بدون .. احسك انت الكل بالكل .. انت الزوج والام والاب والاخ والاخت وكل شئ بدنياي يكفي انك الصدر الحنون والعضد الايمن لي بالحياه.. والله ملي غناة
عنك .. احبك
______________________________ ______________
اذا اهديتيه هديه
مثلا اعطيه ورده وقولي( احتار لامن شفت بيدينك الورد.. مدري تشم الورد والا يشمك)
..
..
______________________________ ___________
لما يتصل عليكي قوليله حتى الجوال نور
وممكن تتصلي عليه تقوليله ممكن اكلم حبيبي لو سمحت؟؟
نادي امه قدامه بأم الغالي وشوفي وجهه
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــ
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــ
لو مثلا وصل للبيت ودخل وكنت راضيه عليه
اقول هلا والله بالحلوين
او يامرحبا يامرحبا
يا اهلين وسهلين يخزي العين شوطالعين حلوين اليوم ( طبعا لو مزاجه حلو )
لو متضايق .. او انا متضايقه
اهلا .. اهلين بطريقه عاديه
لو كنت حاسته وحابته واهو يحبني
وبكل الحالات اعطي الريال مجال يتنفس وما اسولف على طول
لو رجع وبايده اغراض سواء للبيت او له او لي او للعيال باي حاله كانت
اقوله يعطيك العافيه
لا خلا ولاعدم
مانحرم منك يارب
يسلم عمرك وايدك
او
هلا بالطيب الغالي …عزيز وشوفته منوه
..اذا يابلج شي هديه مثلا وتأثرتي فيها قولي له الله لايحرمني منك بكلل احسااس خلي عيونج شوي وبتدمع من التأثر بالهديه..وضمييه بكللل حناان وحووب…واااااااااء شوهيدا حلووو
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــــــــــــ1
هذا الموقف حصل لوحده من البنات كانت حتتزوج وسكنها بعيده عن اهلها
قام قلها لا بعدنا لاتقول لي كل شوي اهلي وتبكي علي
مره وحده نزورهم في السنه يا في رمضان او الصيف ……..
ردت عليه: انت اهلي وانا بعدك مالي احد غير الله
الرجال داخ ………
وكبرت في عينه وسارت كل طلبتها اوامر
وبدل ماسار ينزلها عند اهلها في السنه مره سار في كل اجازه
وحده زوجها كان يقضي في الشهر كل مقاضي وطلبات البيت
ويدخلها المطبخ ويروح طبعا يسمع الله يعطيك العافيه و………
ومره كانت عندهم مشكله ماديه وكان بيزورهم اهلها وماعندهم اللي يكفي
قام راح استلف واشترى المقاضي
وكالعاده ابو الشباب والشياب داخل معاه المقاضي ……..
وحطاها في المطبخ…………
مايدري الا بهذيك البوسه على راسه ويده …….
من غير هالراس الطيب واليد الكريمه …….مااعتقد اني اقدر اعيش باقي العمر من غير راعيها …….
وبعدها نزلت كم دمعه……………………
والرجال راسه كبر وسار كل يوم يشتري مقاضي يبغاها تسلم عليه ……..
وهي ماتقصر كل يوم تسلم عليه ……..
وبعدين مادري اش صار ……….
برجع لكم
بنات امانه اللي يعجبها الموضوع تدعيلي وتدعي للمحرومات بالذريه الصالحة ترانا بحاجه لهذه الدعوووه
لمن ابوك او رجلك يديك فلوس.. او يجيبلك غرض تقولين له معوض خير
وممكن بعزومه بعد العشاء تقولين اخلف الله على من تكلف
نعومه 2024 من منتدى اخر
1 اذا طلب منى شى اقواله من عيونى 2 اذاكان تعبان اقوالة بسم **** عليك فينى ولافيك وابوس مكان الالم و اقوالة الحين بيطيب وهو ههههههههههههه 3 واذا جاب مقاضى اقوالة **** يغنيك ويكثر خيرك وابوس راسة
4 اذا عطاني فلوس اقوالة طالعة بلخلف ابوس يدة 5 يا ملحك مشاء**** عليك اخلاق ريحتك حلوة شكللك حلومناسب ها الوان ومن ها الامور امى تمدحك ابوى يمدحك
القلـــ قوت ـــلوب من منتدى اخر
الله يسلمكِ ويعافيكِ من كل شر إن شاء الله طبعاً هذي دعوتي لكِ أولاً وللي تكلمينه ثانياَ عشان ينشرح صدره وأنا عن نفسي أقولها لزوجي لما أبي أبدء معاه موضوع معين و مرات أزيد وأقول ويخليك لي ولا يحرمني منك وطبعاً يريد علي ويقول ولا أنحرم منكِ
وإذا طلبت منه شئ أقوله :عمري عندي لك طلب إذا ممكن وطبعاً كالعاده يرد علي طلبي مني عيوني إذا تبين وأنا بدوري أرد وأقول: فديتك عيونك عساني ما أنحرم من شوفتهم أو الله يخليهم لك وتشوف بهم عزيزينك وغالينك
وإذا قال لي مصدع أو مريض أرد وأقول ما تشوف شر ويقول هوالشر ما يجيكِ وأزيد أنا ولا يقرب صوبك إن شاء الله
ومممممممممممممممممم< الأخت قاعدة تتذكر > وبالتليفون إذا أتصال فيني أرد هلا بالغالي هلا ويرد علي هلا وغلا وإذا بغي يأكل شئ أقول عليك بالعافية أو صحتين وعافية وطبعاً الرد يعافيكِ ويسلمكِ وإذا قالي سلمت إيدكِ أرد عليه سلمت رأسك
وإذا سألني تبين شئ من …… (يعني خارج البيت) أرد أقول إيه أبي سلامتك والله يضحك ويروح وهو مستأنس لكن مرات يضيعها علي ويرددها قبلي
والنوم يكون نوم العوافي (يعني إذا قال ابي أنام أو نمت وايد أو…………ألخ)
وبالأضافة إلى البهارات مثل :حبيبي وروحي وعمري والغالي وفديتك وفديت روحك وعساني ما أنحرم منك ومن طيبة قلبك والله يخليك لي وربي يحفظك من كل شر ومن هالقبيل تمشين نفسكِ
ومع الناس ترددي نفس الكلام مع شوية تغير على حسب الشخص الي تكلمينه مثلاً الله يعطيك العافية يا فلان،الله يخليك،وتسلم،وجزاك الله كل خير………….ألخ
صدقيني ترا الكلام كثير بس الأهم إنك تنوعين فيهاوتعودي لسانكِ عليها موترددي نفسي الكلمه كل مره وكأنك حافظة هالكلمه وماعندك غيرها
ولاتنسين تشكرين وتمدحي وتدعي بالخير ومن رأي الشخصي هذا أهم من أي كلمة تقوليها
وربـــــي يرزقج الذريه الصالحــه عاجلاً غير آجل
يـااااااااااااااااااااااااارب
موضوع حلو وايــــد ..
كلمات جديدة توني متعلمتها يا غلاي ويا سعدي ويا هناي تغيير صارت قديمة حبيبي وعمري …الخ
<< ممكن يوم تستهبلين تؤبرني ابن عمي >> يقالك سوريه خخخخخخخخخخخخخ
يعلني فداه
فديت هالخشم – فديتك أنا – لا فديتك – يعلني فداك و فدا روحك (هدا النك نيم مالي)
غناتي انت – الغالي
و يوم تردون السلام : مرحبا مليون و ملايين – مرحبا الساع – يا هلا وغلا – هلا بالطش و الرش و ماي الورد بالغرش –
وادا حد سألج شي في خاطرج؟ (يعني تبين شي) ردي يسلم خاطرك
*عبير النرجس*
اذا طلبتي منه شي..امدحيه قبل ثم اطلبيه
مثلا: الله يسعدك ويجزاك عني كل خير…ابغى منك…….
او قولي ابن عمي بدي منك ……واختميها بـ تؤبرني
واذا سوى لك شي….وعجبك قولي:
عسى ربي يسعدك مثل مااسعدتني
عسى ربي يفرحك بما تحب – بكل خير – بشوفة النبي عليه الصلاة والسلام في الفردوس الاعلى من الجنه مثل مافرحتني
اذا راح الدوام…ارسلي له عساك ع القوة……..يعطيك العافيه………….عسى ربي مايضيع لك اجر
اذا دخل البيت استقبليه وقولي…الحمدلله ع سلامتك …. عسى ماتعبت!!….فديتك يوم تتعب بسبب راحتنا
اذا نام….تصبح على خير..تصبح على كل خير…احلام سعيده فيني…بون وي بالفرنسي او قود نايت بالانجليزي…او نوم العوافي وفراش دافي.او تصبح على دنيا حلوة او بشارةحلوة
اذا اكل….بالعافيه ع قلبك….صحتين وعافيه….بالهناء والعافيه (اقلبيها فصحى)
اذا راح للحلاق قولي له نعيما
ولو قالك بيروح للحلاق…قولي باستغراب: ليش تروح وانت مزيون وخالص؟؟
او اتحدى يستقبلك!!
بيشوفك حلو وبيرفض يستقبلك!!
اذا انصدمت من شي حتى لو تافه….اقول:
ولي!!
ياخرااشي!!
يانهار مش فايت!!
وي!!
أنا راح اتكلم اولاً عن كلامك مع خطيبك/زوجك…:
انا عني احب اناديه حبيبي فلان اسمه احس لها معنى اكبر عندي وعنده مدري ليه… حياتي-قلبي-روحي-حبي-يابعدهم-غلاتي….
واذا دق ورديت عليه… هلا والله اهلين ومرحبتين… لك وحشششه… يسعد الصوت.. عاش من سمع صوتك… او اي كلمه حلوووه…
اشكره دايما…الف شكر حبيبي من جد ماقصرت.. ماتتصور شكثر انا مبسوطه منك… اتمنى دوم تكون كذا… الله لايحرمني منك… ويسعد خاطرك ويرضيك ويسعد قلبك ومن هالدعاء الحلوووو.. جعلني ما افقدك…!!
لما يكون تعبان سلامة قلبك فيني ولافيك….!! ومن هالكلام حسب الموقف.. انا عني ابدع كلمات جديده ما احب الروتين….!!
اذا قال لي من عيوني اقووول له تسلم لي احلى عيون بالدنيا…. اذا جاب لي شيء اقووووله مره عجبني فديت ذوووقك… حلو دامه منك… يحلى بين يدينك…!!
اذا قال لي احبك اقووول له يؤ انا ماحبك من جد… بس احبك موووت… او بس اموت فيك!!
اذا قال وحشتيني اقول انا بصراحه ماوحشتني بس ولهانه عليك….!!
مثلا اصبح عليه بعبارات مختلفه… صباح الورد يا احلى واغلى ورده بحياتي… صباح الفل والياسمين صباح الخير صباح الحب قلبي وركبي كم كلمه وتعودي عليها يصير شيء عااادي… وتتعودي عالكلام الحلو….
مع اقاربك:
الشكر دايما يكون بكلمات حلوه.. دام عزك مشكور ماتقصر وخيرك سابق انت دايم سباق الله يجزاك بالخير… لو قال اعذرينا عالتقصير.. الا انت اعذرني مقصره بحقك وزياده وانت دايم تسبقنا قلت هالمره اسبقك… والله لايحرمنا فضلك.. ومن هالكلام…
الدعاء… دايم حلووو… الله يسعد قلبك… ويسعد خاطرك ويرضيك… ويوفقك…
لما ياكل… بالعافيه… مطرح مايسري يمري… عساه صحه وعافيه يااارب…
لما يجوكم الناس… زارتنا البركه.. على بيتنا نوووور والله… كان من زمان هالطله الحلوه…. يالله يحييكم ياااارب….
حبحبه حمراء
واذا احد قالك انتي حلوه او لبسك حلو ردي
الله يحلي ايامك ان شاء الله
انت الاحلى
عيونك الحلوه
اذا ناداك زوجك قولي
هلا قلبي
هلا عيوني
هلا بالغالي
عيوووون فلانه== اسمك
ابوفلان ياحلالي== اذا بتنادينه
تاج راسي
توام روحي
اذ ا اهداك هديه
انت عندي اغلى واحلى هديه
تعيش وتجيب لي ياقلبي انت
يازين الهديه ويازين مهديها
واذا دخل البيت
اسفرت وانورت واستهلت وامطرت
يامحلاك ويامحلى دخلتك علي
وجهك والا القمر
اذا خرج من البيت تودعينه وتقولين له لاتطول برى ماقدر اجلس وحدي في الظلام
لان انت نور البيت بغيابك يظلم>>>>اما هذي خطييييييييييره
ملكة الابداع
بصراحه انا دايم اقوله تدري وش احلى ما في هالدنيا .. انت ..
او .. عساي ما افقدك .. الدنيا ما تسوى من دونك ..
احياناً اجننه من كثر ما انشب فيه الين يطفش وبعدها اقول له ياخي وش اسوي احبك
مره قلت له وكان جاي ياخذني بسياره قديمه شوي تصدق انك ماشاءالله عليك كشخه حتى لو تركب سيكل
همسة الطبيعه
اذا صدر موقف حلو عنه>>>عسااااني ماانحرم من قلللبه فديته انا…عساني ماانحرم من توأم روحي مااتخيل الدنيا من دونه بعييييييد الشر عنه
ذاق شي من طبيخج عيبه ومدحه>>>لسانك الذووووق اللي محليه…او شفايفك العسل اللي محلتنها
بالنسبه لي اقول له ودي اعرف وش سويت بحياتي شي زين عشان ربي يكافاني فيك00 ياتاج راسي00اذا طلبته شي اتمسكن احيانا احسني اشحت منه ومعليش وماعليك امر ادري اني كلفت عليك يابعد راسي الله لايحرمني حنانك يابعد الدنيا بلي فيها ابوس رجوله من قلب كني بايسه خده وش هي حياتي بدونك مااقدر اعيش بدونك ياكل الحياه يافرحة سنيني ياحلا دنيتي ودايما فارشه خشتي بوجهه استهبل ومسويه نعومه واتخكرن عليه اجيب مثلا علبة جبن مرطبان وافتحها ساعه احاول فيها ماقدرت واحترمه واخذ رايه ومن هالسوالف اخرتها لازم تحسسينه برجولته بالفراش ولاكل هالسوالف ماتنفع0 ولاكنك مسويه شي0فديييته الله لايحرمني منه
حرم سموه
مااشاءالله عليج استفدت منج والله يحفظلج زوجج ويديم عليكم طول العمر ومشكوره على الافاده ياقلبي
انا نسخت الموضوع عندي كل يوم قبل النوم بقرااه علشاان ما انساا شي و احفظ الكلمات
على فكرة انا مو متزوجة…. بس هالكلام الحلو حتى مع الاهل و صديقاتي ينفع و يفيييد
شكرا و الله يوفقكم و يسعد خاطركم
الله يرزقج بالزوج الصالح اللي يسعدج وتبشرينا ونحتفل فيج ويخلي لج الاهل والاصدقاء واشكر مرورج
اللهم ارزقهااا الطفل المعااافى الصاالح يا رزاق ياكريم
اللهم ارزق اخواتنا المحرومااات بالذريه الصالحه