|
|
شلونكم بنات
الحمدلله انا ولدت
المفروض اولد 104
بس ولدت 84 ويبت علاوي
قولو ليش ولدت 84 ؟
خل أقولكم قصتي عشان تتعضون
يوم الاربعا الفير الساعه 5
شفت افرازات بس وايد خفت وريلي وداني مستشفى السلام وانا من اول التاسع في عوار خفييييف ببطني وظهري
دخلت على الدكتوره فحصتني فحص داخلي <<<< مووووووووووت
وقالتلي 1 سانتي ماكو ولاده
بقيت اطلع جان تقولي خل انسويلج تخطيط سويتلي تخطيط جان تقول في طلق <<< طبعا خفيف
وردت فحصتني وقالتلي 2سانتي انا استغربت !!!
وقالتلي خطر على الياهل راح نكتبلج دخول 2 سانتي وطلق
اول شي ما رضيت قتلها بطلع امشي بعدين ارد
ما رضت وقالتلي خطر وخلتني اوقع دخول
ودوني غرفة الولاده وقالولي راح ننطر لمن تنفتحين اكثر
امي يات وقالت طلعوها ما فيها ولاده
ما رضو قالو نوديها غرفتها وبعدين نرجعها
رحت غرفتي ونمت من الساعه 9 لي 2 الظهر يات دكتوره ثانيه وقالتي الحين بنزلج الولاده واشقلج جيس الرحم انا ما رضيت قتلها لا خلي كل شي بروحه
وردوني غرفة الولاده وقالتلي انزين بس افحصج
عقب هواش خليتها وعورتني اكثر من الدكتوره الاوليه جان تقولي 3 سانتي !!!!
وشقيت الجيس
انا عصبت حدي وقتلها حرام عليج ليش سويتي جذي ليش ما خليتي كل شي على الله لعبتو فيني
جان تقولي وبكل برود ما تبي تفتكين ميخالف
حروني
وكل ساعه ايون يفحصوني لي وصلت 10 سانتي
وهني اكتشفت انه مو بس يفحصوني الا قاعدين يوسعوني 
وولدت الساعه 9 بليل
اتخيلو بيوم واح من 1سانتي لي 10
الولاده نفسها الحمدلله سهههههههههههله لاتحاتون
ونصيحه اذا بتولدون بخاص روحو موصلين ولا لا توقعون دخلون لانه راح يقضبونكم عشان تولدون عنهم ما تروحون مكان ثاني
ولا تخلون احد يسوي فحص داخلي
وصج هذي سالفتهم الخاص حتى لو 1 سم يكتبون لج دخول عشان لاتنحاشين
ومبروك ماياج
وبالعكس حمدي ربج ان سهل ولادتج
والا اشيسوى عليج اييج الطلق وتولدين بالبيت
والله يا بنات لا خاص ولا حكومه السهالات من رب العالمين والله ساعات بعد مماطل الحكومه يضر واستعجال الخاص يضر
اهم شي الواحد يدعي ربه بالتساهيل