|
|
السلام عليكم ورحمة الله وبركاته
بقولكم قصة ولادتي اللي الله نجاني فيها من الموت ولله الحمد
انا كان اخر موعد ولاده عندي بيوم 11/15 وبيوم 11/3بديت احس بطلق منتظم وحسيت ان قربت ولادتي وكنت امشي داخل شقتي واكل تمر عشان يزيد الطلق قلت بروح لطوارى العرف اشوف اذا فاتح الرحم والا لأ طبعا انا مو بجر وعارفه طلق الولاده جيت عندهم وفحصتني الدكتوره والا 4سانتي وسويت تخطيط وكان في طلق قوي مبين بالتخطيط قالت دخول قلت لاماابي ادخل بروح اجهز نفسي واودي عيالي بيت اهلي وامشي شوي وارجع لهم طبعا الدكتوره عصبت وقالت جم تبين يفتح الرحم 4سانتي ولاده ادخلي احسن بس رفضت وقلت اروح اجهز نفسي وارجع يكون الرحم فتح اكثر وعشان مااطول بالولاده ورحت البيت وتسبحت وتبخرت وجهزت عيالي وانا الطلوق مستمره معاي وديت عيالي بيت اهلي استودعتهم الله ومشيت وقلبي مومرتاح كلش افكر بالولاده وخايفه وانا ولاداتي كلها طبيعي بس كنت خايفه من العمليه المهم جيت لطوارئ العرف فحصت والا 5سانتي قالي الدكتور ولاده وسوالي سونار قال امورج طيبه والطفل متجه للحوض وان شاء الله ماراح اطولين دخلت الوضع وعطوني الحقنه وحطولي جهاز التخطيط وعطوني الكمام وطبعا معروف كمام العرف ماتحسين بالدنيا قعدت حزة طلعة الراس واسمعهم يقولون شدي وانا اشد بس ماكو فايده الجاهل مو راضي يطلع بعدها خدروني واستخدموا جهاز الشفط وولدت طبيعي وهني صار اللامتوقع انفجر الرحم وصار معاي نزيف يبون يوقفونه ماقدروا نزل الضغط عندي وضعف القلب والدم صار 2 وطيران ع العمليات فتحوا بطني وخيطوا الرحم وهذا كله كلام الدكاتره لاني ماكانت واعيه باللي صار اللي اذكره اني ولدت طبيعي وقعدت لقيت نفسي بغرفة العمليات ليش وشحقه اسأل الدكاتره مايردون علي واصيح من عوار بطني وماكانو يجابوني بعد ماوعيت من البنج جاني دكتور مدحت يقولي انتي ولدتي طبيعي بس بعد الولاده انفجر الرحم وصار نزيف واضطرينا نسويلج عمليه عشان نوقف النزيف ونخيط الرحم وان انتي الحمدلله زينه بس ولاداتج الجايه كلها قيصريه والطفل اللي جبته صار معاه نقص اكسجين شديد وللحين بغيبوبه بمستشفى الجهراء
والله يابنات للحين مصدومه من اللي صارلي رحت ماكان فيني ولاشي رحم فاتح وطلق والمفروض اني اولد طبيعي بدون مشاكل شنو سووا فيني الله اعلم الحمدلله على كل حال وقدر الله وماشاء فعل
دكتورتي مارينا البلغاريه اللي ولدتني بس اللي كانو بالعمليات دكاتره واجد اللي اعرفه منهم دكتور مدحت
هذي قصتي ولادتي والحمدلله على كل حال ادعولي بنات الله يشفي ولدي ويعوضني خير والله يهون على كل الحوامل ويولدون بالسلامه ومايشوفون اللي شفته
والله يقوم ولدج بالسلامه بس تاكدي اكثر من الي صار مو ضروري يكون منهم يمكن صار شي غير متوقع حزتها
قدر الله وماشاء فعل
اختي لاتسكتين روحي وتأكدي من اللي صار
شنو صار لج بظبط
الله يقوم ولدج بسلامه ياااارب
ويسهل عليج ويشافيج
حمدلله على سلامتج والله يشفي ولدج يارب
الله يطمن قلبج على وليدج
الله يطمن قلبج على وليدج
وانا بعد اقولج جيكي عدل باللي صار عشان تعرفين اذا فعلا في خطاء منهم
او صار شي غير متوقع فعلا وراجعي قلبج وضغطج جيكي علي نفسج
والله يقومج بالسلامه حبيبتي ويشافي ولدج يارب
والحمدالله علي كل حال
والله يقووم مولودج بالسلامه يارب
والله يعيينج علئ ماصارلج هذي
المستشفيات جذي وقت الولاده مادري
شيصير فيييهم حسبي الله عليهم
والله يشافي ولدج ويقومه لج بالسلامه
سبحان الله الانسان مايتوقع شنو يصير فيه
بس بسألج اختي هذي اول مره تولدين بالعرف
لان انا قاعده اراجع فيه وخفت من كلامج