|
|
–
–
السلام عليكم شلونكم حبيباتي
مادري شقولكم بس والله راسي مفتر علي وخايفه ومتردده وموقادره افكر بشي ..
انا بالاساس مطلقه وماعندي عيال وعمري 22 ..
امس امي كلمتني عن ناس داقين عليها يصيرووون حق اهل ابوووي بس من بعييييييد حده حده
المهم ..
ولدهم مطلق مرتين مره بالملجه والمره الثانيهمرته ظلت عنده جم شهر ..
اسباب طلاقه على كلامهم يقولون ان المره مو قد المسؤوليه وتعاند بكل شي من ناحيه لبس ومكياج وغيره .. فتم الطلاق
اخته كلمت امي بالتلفون وقالت لها اهم الاشياء :
يبي وحده تلبس عبايه وماتحط مكياج او مكياج خفيف حده
الشي الثاني ان اهو الحين ساكن بشقه اللي اهي شقته مع مرته اللي قبل .. والاثاث يديد ماصارله جم شهر ف قايل ان بس غرفة النوم تتغير اما الصاله بيظل كل اثاثها لانه يديد وللحين يدفع اقساطه ..
والريال حاليا حالته الماديه مو اوكي لان عنده اقساط واهو شهادته دبلوم بس معاشه تقريبا زين
الحين انا محتاره حدي صليت اسخاره وموحاسه بشي بس مخترعه ..
وايد اشياء افكر فيها ابيكم تركزون عليها وتعطوني رايكم :
1 – انه مطلق مرتين ف حسيت ان الطلاق عنده عادي وخايفه لو تزوجنا وعلى اي مشكله يطلق
2- ان من البدايه ماغير الصاله فهالشي نوع من البخل حسيت وخفت انمالي غلاة عنده بعدين ومااقدر اطلب اي شي لان من البدايه رظيت بهالشي
3- انه يكون حجر وايد وكل يوم يطلعلي بقانون يديدالحين مادري شسوي
بنت عمتي نمله حوره كلمتها قبل شوي تقولي صلي استخاره والريال زين والصاله مو شي اساسي مثل غرفه النوم .. ومدام اهو بغير غرفه النوم خلاص هذا المهم اما الصاله ممكن مع الوقت تغيرينها وتقنعينه ..
وقالتلي سالفه العبايه وماتحطين مكياج عاديه وبالعكس هالشي زين ..
……………
انا موقادره افكر بشي اخاف ارفظه واتحسف وهم اخاف اوافق ويأذيني بعدين يوكون بخيل وكله قوانين ماتخلص ..
ناطره ردكم والله يخليكم ادعولي وكل وحده تعطيني رايها بكل صراحه بس قبلها خل تفكر عدل ..
ومشكورين
اختي مو مهم اثاث مو مهم حكرة
اهم شيء انة يكون صالح مو فاسد
الحيين القلة تلقينهم صالحيين
اختي اسألي عدل عن اخلاقة واذا طع راعي صلاة اخذية
اما اباقي شوي شوي وتحصلين علية
ماتسمعين المقولة
تمسكن ليمن تمكن
امشي عليها الزوج اول شيء يحاول يكسر خشم المراه فاذكية ترضخ بعدين بعدها نال
مدام صالح وافقي وعى فكرة لاتاخذين سبب طلاقة من الاهل لانة الاهل يدارون
اذا عندج احد بوزارة العدل يطلع تاريخ خطيبج الجنائي (شرب-مخدرات-مخافر-اي شيء)
علشان تطمنيين على اختيارج
اختي اول سنة لاتحملين شوفي المايا ايه
وكلامج عقلاني وايد
بس انا حدي خايفه
اللي يطلق مره احس يصير الطلاق سهل عنده وانا لما اطلقت كان كل شي بسرعه ف مثلماتقولين تعقدت من الزواج بسبة الطلاق
وانا بصلي استخاره واهله يمكن ايوون السبت وبشوفهم وبشوفه
بس مادري حدي خايفه لدره ان قلبي للحين يرقع وجسمي يتنافظ واعرق مادري شفيني حتى يالله اكتب
واكيد بنسأل عنه بره
وبالنسبه للحمال
وبعدين عندج فتره الملجه عرفيه عدل درسي أخلاقه واذا يناسبج وطلع معدنه اصيل وذهب تمسكي فيه لا تخلينه ههههههه
واذا الله لا يقول ان شاء الله طلع موزين كلن يروح بحال سبيله بالتراضي
لاتعتمديين كلش كلش على كلام اهلـــــــــــــــــــــــه نصييييييييييييييييييحه والله ساعات استغفرالله ياربي ماتدرين شنو صاير ..
بس هاذا اهم شي الحين وربي يوفقج ان شاء الله
سالفه اثاث الصاله هذي مو مهمه
وسالفه انه مطلق مرتين هذا قسمه ونصيب
وانه يبيج تلبسين عبايه هذا شي وايد زين
حلاته الريال فيه غيره على اهله مو ديوث كل من يمر ويشوف جسم زوجته
طبعا انا اتكلم عن العبايه الواسعه المستوره مو المرصرصه نفس بعض البنات الله يهداهم
اهم شي تصلين استخاره مره ومرتين وتدعين ربج وتشوفين
اذا تيسر كل شي وارتحتي خير ان شاء الله
لا تفكرين ولا تحاتين اللي الله كاتبه بيصير
والله يوفقج ويستر عليج ويطلع خووووووش ريل ويعوضج ياااااااااااااااااارب
بس انتي حسبة اختي واكيد اختي بمسكها وبقول لها هالجم
كلمة اللي بخاطري، أول شي لاتتخيلين انج عشان تطلقتي خلاص
فرصتج في الزواج صارت أقل، بالعكس المفروض نظرتج حق الأمور تتغير
من خلال تجربتج تعرفين ان الزواج مو طقطقة ووناسة وبس، أدري حجي
مسلسلات بس بالنهاية صج، راح تكون مسؤولية كبيرة وممكن يكون هالريال
اتكالي ويمكن لا مبالي وهم بنفس الوقت يكون انسان زين بس ماله حظ، فانتي
شلون تعرفين، لازم تقعدين معاه وتعرفين كل شي وحتى لو نعطيج نصايح من اليوم
لي باجر نظل مو عارفين الريال ولا عارفين شنو اخلاقه وكل الكلام اللي بنقوله لج
كلام عام بس أهم شي حاولي انتي بعد تفرضين شروطج لايقول هذي سهلة ولا
تحطين شروط صعبة اللي ما ينقدر عليها، هذا في حالة اذا شفتيه انسان زين انشالله
وبس الله يكتبلج اللي فيه الخير تستاهلين كل زين وحلو يا نمول الله يوفقج حبيبتي
و موفقه يا بعد عمري
استخيري مره ومرتين وعشر وكثر ما تقدرين ليما تشوفين ان الله كاتبلج اياه وفيه الصلاح بترتاحين واذا لا فبتعدي عنه وانتي توج صغيره لاتوافقين على اي احد لمجرد انج مطلقه اوكي
اذا تعرفين الي طلقهم قبل سالي عنهم وسالي اكثر شي جيرانهم اكيد بيعرفون او اذا عندهم حريم خوان بالبيت او الخدم لاتقولون مايجوز وشلون فضول هذا زواج وقولي لجيرانهم مسالة زواج وخلي امج تحلفهم
وليش ما تسالون جيران الريال وسايقهم الجيران يعرفون بنفس الشارع واسرار البيت عند الخدم
بنات انا اقول سالوهم مو فضول بس سؤال عن سلوك الريال موشي ثاني فمااعتقد عيب اتمنى تصفون النيه
وسألوا عنه وعرفوا اسباب الطلاق
هذا اههم شي
والله يوفقج
اذا انتي تبين تاخذينه بس علشانج انج مطلقة فهذا غلط وانتي بعدج صغيرة
موفقة و الله يسهل
بي مو من اهله لانه شي طبيعي بيوقفون معاه
والله يوفقج
وانتي حره فيها بس مو كل وحده اتقبل تقعد على اثاث مره ثانيه ولا كل وحده تقبل ريال امقطته الاقساط ومتزوج اكثر من مره
المسأله نسبيه
بس زين سويتي يوم انج استخرتي