|
|
?
?
?
?
?
?
أخواتي الكريمات
بداية
ابي اشكر كل من
الغاليه نونو وأم ضاري وسيدة الذوق وعزّ لوقفتهم وياي
عسى الله يحفظهم ويحفظكم من كل مكروه
حبيباتي
بصراحة مدري شلون ابدأ موضوعي
لكن اللي قاعد يصير وياي مدري شلون اوصفه لكم
لكن من ضيقي وحالتي النفسية السيئة ابي اقول كل شي عندي
قبل فترة طويلة تقدم لي شخص عمره مناسب لعمري ومواصفاته حلوه
يعني فارق السن بينه وبيني كان تقريبا 5 سنوات
المهم قعدت انا وياه عدة مرات وتفاهمنا على كل شي لدرجة كنا نبي نقرى الفاتحة على نية القبول
وسبب الرفض منه تدرون شنو اهو؟؟
اني كنت عامله عملية بظهري
تدرون شنو اهي العملية؟؟؟
انا كان عندي انحناء بالعمود الفقري لما كان عمري 12 سنة
والطبيب قرر انه يعمل لي عملية تقويم للعمود الفقري
والعملية كانت عبارة عن وضع سيخ بلاتين على العمود الفقري لتقويمه
هذي اهي كل القصة
وبقى أثر بسيط جدا لمكان العملية
دكتوري قال لي : اني اقدر امارس حياتي مثل اي شخص طبيعي
واتزوج …..
المهم يا خواتي ابوي قال لي انه لازم نقول لهم عن عمليتج وانا ادري انه
عمليتج مو هالشي الخطير
قلت لابوي انزين انا موافقه نقول لهم
وبعد ما قلنا لهم….. قالولنا انه كل شي نصيب
هذا فشلي الأول
فشلي الثاني:
ومعظم البنات هني يعرفون عنه
انه تقدملي شخص ثاني
اهو صحيح أكبر مني والفارق بينا 24 سنة
وكان متزوج وعنده بنات ثنتين وحده عمرها 7 سنوات والثانيه 12 سنة
لكن انا قلت هذا الشخص رح يكون انسان فهمان وعاقل ورح يتفهم وضعي
وصليت الاستخارة أكثر من مرة
وتمت الموافقه والقبول بينا
ولا شنو بعد …. تمت الملجة وشرينا الذهب
وكان المفروض ماكو حفلة لانه امي الله يرحمها ماصارلها 5 شهور متوفيه
انا يا خواتي قعدت وياه وانا بنفسي قلت له اني كنت عامله عملية بظهري وعطيته اسم دكتوري
حتى يتأكد منه ويتطمن أكثر..
قال لي وقتها مايخالف وخلي هذا الشي بينا وانسي الموضوع
وهذا الكلام صارله تقريبا اسبوع وصار قبل الملجة
المهم
بالأمس تقريبا الساعه 10 اتصل عمه مع ابوي وصار يقول له:
((والله يا أبو……… احنا ما شفنا منكم الا كل خير وانتو ناس ماشاءالله عليكم ومن هالكلام..
وبصراحة: ولد اخوي يعتذر وايد ويقول لكم انه كل شي قسمة ونصيب لانه خايف انه ييب
مرت ابو لبناته ونعتبر كل شي انتهى بينا))
لعلمكم يا خواتي : بالنسبة لبناته احنا كنا متفقين على كل شي بالنسبة لهم ولتربيتهم واهو
كان راضي وموافق
لكن انا اليوم الصبح اتصلت مع سكرتيرة دكتوري واهي تعرفني من زمان
وقالت لي انه أخت المعرس يوم الخميس اللي طاف زارت دكتوري
وسمعت كل اللي صار بينهم لانه الباب كان مفتوح
والطبيب طمنها انه كل شي طبيعي عندي وما علي الا العافيه
لكن للأسف شنو اقول
عقول الناس اللي مدري شلون تفكر وتقرر
يعني بعد ما دخلت الفرحة لقلبي طلعت منه بسرعة مليون
انا صار عندي عقدة نفسية من الزواج… خلاص
تدرون انا كل ليلة شنو يصير وياي لما أكون بداري
اقعد اتخيل نفسي اني عروس ولابسه البدلة البيضه اللي كنت بنت تتنمى انها تلبسها
وعريسي يمي وكل الناس فرحانه فيني ويرقصون
هذا اللي قاعد يصير وياي كل ليلة
اكيد قاعدين تقولين عني اني مينونه
انا ما عاد يهمني شي بهالدنيا من بعد عين امي الله يرحمها
لكن الحين انا مالي غير هالتخيلات في كل ليلة
ورح اعلق ورقة على باب بيتنا اني عامله عملية بظهري
اللي عاجبه يدق الباب ويسمع الجواب
واللي مو عاجبه يروح يدق باب ثاني
لانه كافيني جرح كافيني
وحسبي الله ونعم الوكيل على اللي يجرحون مشاعر الناس
حسبي الله ونعم الوكيل
الله يصبرج حبيبتي ويقوي عزيمتج ياقلبي
شوفي دام العيب مو فيج لا يهمج ولا تسمينه فشل من جهتج لا ياقلبي
هم خسروج وصلن الله مش كاتبلج نصيب معاهم ونصيبج انشاء الله بيجيج
وحبيبتي كلنا حلمنا بالعرس مش بس انتي انا لين الحين افكر في عرسي واقول ليش ما سويت جذية
هذا طبيعت البنت ياقلبي
حبيبتي لاتتشاءمين خليك متفائله وركزي بشغلك اذا تشتغلين او بدراستك لو كنت طالبه وخلي يكون عندك طموح اكبر من الفستان الابيض تفوقي بحياتك وذوقي طعم النجاح وخلي الناس تشوف نجاحك وراح تحصلين واحد يبيك انتي لذاتك بس صبري واحتسبي والله بيكرمك بالنهايه
لاتحاتين وانشااءالله الخير بقدوم
ماعليه ياعمري والله خيره لج والاارزاق بيد رب العالمين وانتي لااتخلين تفكيرج بالزواج مو كل شي بالدنيا زواج ياما ناس متزوجين وعايشين اخيس عيشه ويتمنون الحريه والطلااق او حتى العنوسه الزواج مو مثل مانتي مفكره حب ورومنسيه اللحين نادرا الحب والرومنسيه والتوافق بين الزوجين وشوفة عينج كل قسم الحياه الزوجيه مشاكل وخيانات والااثنين هذول افتكيتي منهم لاان ربج يحبج بين معدنهم واصلهم وماينفعونج ابد ومب سند لج بالدنيا وصدقيني رزقج بيوصل لحد بابج بس لااتستعجلين وكملي الدراسه او الهي نفسج باي شي مفيد وتقربي من ربج وانتي لااتنعدم ثقتج بنفسج خلج قويه ولااتنظرين لورى وطالعي جدام ولااتحسرين على شي مايسوا مثل هلااشخاص
والله يوفقج لما يحب ويرضى
المهم انتي لا تزعلين نفسج كل شي قسمه ونصيب وخيرة لج …
الله يرزقج بالزوج الصالح ان شاء الله
الله يوفقج و سمعينا الاخباره الحلوة
.gif "Eh S(2)")
وانتي اساسا ليش تقولين انج مسويه عمليه!!!!!!!!! طبيعي الناس تفكر وتخاف!!
مادام الوضع مطمن خلص شكو تعلمين
ترا مو حرام ولا عيب لو خشيتي الموضوع
صراحه استغرب … لو انا مكانج ومكان اهلج ما يبت طاري العمليه
مو غش لا حشا … الحمدلله مافيج شي والناس بطبعها توسوس
المره اليايه لا تعلمين
وعسى ربي يوقج
اسفه عصبت والله بس من خوفي عليج ……….. مره ثانيه لا تقولون عمليه وتحبطين نفسج وتحسسين انها شي صعب وخطير
مو عيب انج سويتي عمليه ولاهي مشكله
وخيره لج ياااقلبي
وعسى الله يوفقج بريااال يصووونج ويعزج ياقلبي
رددي " اللهم أؤجرني في مصيبتي و اخلفني خيرا منها "
و تأكدي ان الله مع الصابريين
و عسى الله يعوضج خييير يااا رب
يمكن مو خيره لج وهالرياييل مو زين ..
والله انتي تستاهلين اللي احسن منهم
ان شاءالله اييلج الانسان اللي يقدرج ويصونج
مع العلم ان مافيج الا العافيه , انسان مثل هذا شلون تكملين معاه حياتج !!!
باجر اذا طحتى مريضه من صج ماراح يقوم فيج يمكن يطلقج ولا يتزوج عليج والدليل ان الاول اول ما قلتوله عن العمليه تعذر والثاني على انه اكبر منج
ب 25 سنه رفضج لان كان بياخذ مربيه حق عياله يعني مو زوجه , ولما درى عن العمليه قال هذي باجر شلون بتشيلني وبتشيل عيالي
حبيبتي باجر الله يرزقج باللي احسن منهم , وانشالله اييج اللي يقدر ويحطج على راسه