فرفشه شويه وقوانين العرووس ولي نشوفه بالعرووس

عشَان تتجنبون التعليقَات بـ آخر العرس

– أكل العلج [اللبان] في الأعراس والمناسبات الراقية
يشوه المنظر.. يخرب البرستيج.. يدمر أبو الجمال والأناقة!

خصوصًا خصوصًا إذا صارت بنت بالعشرين وأمورة وقاعدة ترقص وهي تاكل علج
وربي ماله داعي..
عمرج شفتي بالتلفزيون وحدة تاكل علج غير الرقاصات [مع احترامي للقارئات]!!

2- نزع الحذاء آخر السهرة والمشي حافية
وطبعًا هذه الملحوظة لأهل العروس والمعرس
إذا حيل تعبتي خلي معاج صندل واطي البسيه إذا تعبتي
أما بعد كل الحلا والأناقة.. تمشين حافية.. no way

3- الرقص المصري!!

وهذا ينقسم لشقين:
أ: الرقص المصري يحتاج فن.. إذا أنتِ مو متقنة جدًا جدًا.. بليز لا تقومين لأن شكلج بيصير مصخرة
والأفضل أنج ما ترقصين من أساسه خصوصًا لو كنتي عصله حيـل
لأن الرقص المصري حتى لو كان حيل مرتب بس اللي ترقص ضعييييييييفه بيطلع شكلها مثل الهيكل العظمي اللي بينكسر ومتماسك بلزاق

ب: قبل تطلعين الكوشة.. روحي طالعي في المرايا..
ولو [أباطج أبيّض] تشجعي وارقصي
لكن لو فيها سمار لو خفيف قعدي مكانج
لأن في مجتمعنا عقدة اسمها آباط سودا يعني أي وحدة ترفع ايدها الناس تنسى رقصها وتفكر في لون آباطها

4- الجلوس على الأرض وقت البوفيه
يعني.. إذا انتهت الكراسي ومافي مكان تقعدين عليه.. لا تفكرين تحطين صحنج ع الأرض وتاكلين لأن منظرج بيصير ماله داعي جنج حجيه باسطة حب شمسي ولوز بس الفرق أنها عليها مكياج!

5- وضع جنطة السهرة على كتفج!
مهما كانت جميلة.. أو لها سلسلة طويلة..

جنطة السهرة لا توضع على الكتف أبدًا..
بل تحمل في كف اليد وليس تحت الابط!!

6- لبس القبعات في الأعراس
وهذا الكلام مخصوص للبنات اللي أعمارهم بين ال14 إلى 19
انسي تلبسين قبعة جلد بالعرس

7- حمل التلفون !
ليش اخترعوا شنطة السهرة عيل ..؟

وآه يا ضغطي يرتفع لما تيي وحدة ترقص وتلفونها في ايدها أو معلق في حافظة خاصة فيه في كتفها!

وخصوصًا أخت العريس

إذا فيها رقصة.. المفروض تخلي تلفونها مع أحد.. مو تطلع وهي ماسكته!!