|
|
السلام عليكم
الاسبوع الي طاف رحت ويا الوالده نجيب اختي من ثانويتها الخاصه الي هي مشتركه مع الروضه ومتوسطه وابتدائيه
شفت جم جاهل ويا السايق …. اطالع السياره يمكن امهم داخل فيها وعجزانه تنزل تجيبه من الروضه
بس السياره فاضيه …. وكل سايق يحرك السياره
طبعا السايق مسلم ولا مسيحي ولا بوذي ولا ان شاالله يهودي
ومهما كان ثقه او عند الاهل من زمان
مايصير مايصير يؤتمن على عيالنا مايصير نخليهم يردون بروحهم وياهم
واذا ظروف الام والابو صعبه
عالاقل الجده تكون وياهم ….. او باصعب الظروف تكون الخدامه وياهم
مع ان حتى الخدامه بروحها مصيبه …….
اشرايكم يابنات وياامهات
على الاقل الخدامة وياهم
الله يستر علينا و عليهم
الحين الدنيا صارت تخوف ماتثقين باللى حواليج فما بالج اذا كان سايق
عفيه اقلوب على هالاهالي يعني السايق احسم منكم على ولدكم؟؟؟؟؟؟؟؟؟؟؟
لا حول ولا قوة إلا بالله … الأطفال زينة الحياة ونعمة من رب العالمين تبي العناية والرعاية اللازمة …
الأهل الي من هالنوع من كفو عيال ومالهم اي عذر اي عذر لا مشغولين ولا ماكو وقت ولا مسافرين … ما لهم عذر
تخيلو بنت بالروضه تهبل اذا شافت السايق جاي ياخذها تركض وتطيح بحضنه ويشيلها اه ياقلبي ودي ازنط امها
المفروض الحين الواحد يخاف ومايأمن على السواق والخدم
لان هذا الزمن يخرع كله جرايم من الخدم والاهالي مايتعظون