عندي درس ريادي بعنوان( ماذا يجذب المغناطيس؟) ابي افكاركم

مرحبا ابلاتنا العزيزيات

عندي درس بعنوان ماذا يجذب المغناطيس للصف الثالث الابتدائي وبغيت افكار واغاني وحركات بليز ساععدونييييييييييييييييييييييييييييييييييييي

.
.

ليش ما تسوين مشهد تمثيلي حق مثلاً 4 بنات
أولى هي مغناطيس طبعاً مع اللبس والحركات ولزقيه عليها مغناطيس طبعاً صورة ..
و2 مثلاً تكون خشب وحطي عليها صورة خشب ..
و3 مثلاً تكون بلاستيك ونفس الشي لزقي عليها صورة البلاستيك
و4 مثلاً تكون حديد حطي أي شي له علاقة بالحديد ولزقي الصورة عليها ..
وإذا بضفين بنات لمواد ثانية ع كيفج ..
وأنتِ عاد بحكم تخصصج سوي الحوار لأني مالي بالعلوم ..
صدقيني بتطلع روعة وراح يفهمون وبتعجبهم ..
ووزعي مطويات على شكل مغناطيس واكتبي مثلاً نبذة أو شي عندكم بالعلوم عنه ..
ولا تدرين سويه بطاقة الدعوة على شكل مغناطيس .. راح تصير كشخة ..
وإذا لقيت أفكار حطيت لج ..
دعواتج لي بالشفا ..
.
.

سوي تجربة عن المعناطيس

.
.
ياليت تكون فكرتي عن المشهد التمثيلي واضحة مثلاً المغناطيس يكون يبي صديق له
فراح يدور ولقى مثلاً الخشب يمشي قدامه وفرح أن لقى صديق يروح له يقول هل تكون صديقي ؟
فالخشب يقول : أنت غريب عنا .. لكن ما رأيك أن نجرب ويبتسم فيروح الخشب له والمغناطيس
ما يقدر يجي له .. بعدين يقول المغناطيس بحزن .. كما هو الحال في كل مرة لا استطيع أن أصل إليكِ
ويتركه ويمشي ويشوف قطعة البلاستيك تمشي قدامه أو تسوي أي شي ..
فيفرح ويقول : بإذن الله هذا سيكون صديقي نعمممم وهو فرحان ..
ولما يجيه .. يقول : مرحباً أيها البلاستك شكلك جميل ولطيف هل تكون صديقي من فضلك : ) ؟
فيرد عليه البلاستك نعممممم وأنا سأفرح بذلك ولي أصدقاء كثيرون
ولما يجيه البلاستك المغناطيس أو البلاستك يبعدون عن بعض
فيرد المغناطيس بحزن : آآآه كل مرة هكذا !! حسناً لا أريد أصدقاء ..
فيشوف مثلاً نوع من الحديد يمشي قدامه ويلصق فيه ويرجع ويلصق ويرجع فيستغرب فيقول المغناطيس : من أنت ؟؟
فيرد : أنا الحديد : ) وأنا ألتصق في المغناطيس فنحن أصدقاء منذ زمن : ) فهل تقترب مني يا صديقي ونصبح أصدقاء للأبد ؟؟
فيتانس المغناطيس ويلصقون مع بعض طبعاً يعني البنات عاد إنت وشطارتج ..

ههه اندمجت مع القصة إن شا الله يعجبج المشهد.. طبعا بالتمثيل بيكون قصير .. إذا حسيتي أن طويل حييل
.
.

جزاج الله خيررررررررر واسأل الله العظيم لك بالشفاء

واو اماني فضيع المشهد عجبني ياقلبي ماقصرتي عطيني بعد افكارج الجميلة

هذا تمهيد لقيت وأنا أبحث :

بس أنتِ لا تحطين دبابيس حطي أي شي مو خطر خوفج يقولون ليش تحطين أشيا خطرة

وإياج يالغالية الحمد لله إنه أعجبج ..
ولا تنسين فكرة بطاقات الدعوة على شكل المغناطيس
وسووي بعد هالتمهيد اللي فوق ..
وإذا لقيت شي قلت لج ..

.
.
.

حبيبتي دزيتلج رسالتين على الخاص

شوفيهم

لقيت ورقة عمل :
https://www.rsscrs.info/vb/attachment…4&d=1203605009
اضغطي عالرابط واحفظيها .. وإذا حابة تعدلين فيها براحتج ..

اماني واو فديتج مشكوره عسى الله يوفقج وين ماتروحين

افكار حلوة

السلام عليكم إختي أنا معلمة دراسات عملية تخصص كهرباء سويت سي دي لعروض تقديمية (باور بوينت) لجميع مناهج المرحلة المتوسطة من الصف السادس إلى التاسع وكل درس فيه صور ومن ضمن هذه الدروس في درس للمغناطيسيات مسويتة على الباور بوينت جدا حلو وممكن يخدمج ويخدم غيرك من المعلمات مستقبلا واللي حابة تحصل عليه ممكن تطرش مسج على هالرقم :66925513 وأتمنى يعجبكم