عندي استفسار بشي يتقدم باستقبال الولادة

سلام
بنات شنو ينحط مع استكانه الجاي لما نقدمه
بي تي فور والا قطعه معجنات والا شنو لانه احترت ومحد من اهلي ايعرف قلت اسال خواتي بالمنتدى لانهم اخبر
ومن وين اشتري
وانا الحين بشهري وابي مساعده
وهمن قالولي عن وحده كويتية تسوي عصاير فريش وحلوة منها عصير ليمون لونه ازرق نفس الي يتقدم بفرايدز
ناطره الرد منكم مو تطنشون
وراح ندعي لكم وقت ولادتي والله يسهل علي وعلى غيري

هلا حبيبتي

انا اشوف حطي مع الاستكانة الشكر المغلف شكلة واااااااااااايد حلووو

او علب الزعغران وماي النعناع

برايي هذا احلة من البيتي فور

والمعجنات سويلج صحن وفري فيه عقب العصير

ومن ناحية العصاير طلبي من اي مكان حتى من عالم المانجو يوصل

بس عاد لا تنسيني بالدعوه الحلوه وقت الولادة

حق مستشفى ولا بالبيت ؟؟؟؟؟

حبيبتي الله يسهل ولادتج … والجاي ينحط معاه بنفس الصحن شكر مغلف وحاولي يكون تغليف بسيط مو تقعد المره تفجج بهالاوراق لين يتبطل وماله داعي سوالف غرشه للزعفران وغرشه للقاح تصير وايد حوس …. ومع الشكر ينحط على نفس صحن استكانه الجاي ميني فطاير (فطاير صغيييييره ) أو بسكوت صغير تلقينه عند امير الامراء يكون شكله وايد راقي وبس خلي الموضوع ببساطه ترا الحوسه وايد تفقد الشي ترتيبه …..

الله يوفقج

فطومة الله يسهل عليج انشالله وعلينا يارب

امس رحت محل رهش اللي بمجمع الزاوية وورتني عندهم قرص عقيلي ملفوف بورق تغليف ومربوط بشريطة سلفر وايد حلو ال 100 حبة ب 15 دينار واي ترف وطعمه حلو وحلاوته معتدلة يعني لذيذ مع الجاي وعندهم اكثر من طعم ونوع شكله حلو ومناسب اذا كانت استكانتج شوية كبيرة تقدرين تحطينها على جنب

وفي الحين هابين بشغلة مثل الصحن تحطين داخله الاستكانة ويمه يا ميني معجنات او حلويات صغيرة
ويم مجمع الزاوية في مجمع مادري شسمه في اعلان عن محل يسوي عصاير شكله وايد حلو وذرب اذا بتمرين هناك مري وشوفيه وموفقة انشالله تقبلي مروري

عندج محل امير الامراء بحولي مقابل حولي بارك طبي وتخيري من الفناتك الصغيرة للشاي وعندة الوان بعد وحدة رخيييييييييييص وعندج بختي حطينا معجنات من اوبرا ميني موطبيعية درزن ب3 بس كل من سأل من وين حطيناة بصينية وافترينا في وزينة لنا بطريقة عجيبة بس مكلف خذينا ب50 دينار 250 حبة

بعد همن للرفع
الحين احط معجنات ميني والا بي تي فور
انا سويت كاكاو القهوه 4 انواع مع قهوه وجاي وسكر معلق بالاستكانه وتوزيع كاكاوي وعصير وماي
بس مادري له داعي فطاير او لا

بنات لما طلبتوا المعجنات اهما كانوا يوصلونهم ولا انتوا تاخذونهم

اذا كان استقبالج يومين

انا برايي حبيبتي انه القند الي يتعلق على الاستكانه كافي لا تحطيين شي معاه علشان لا يصير خبة ووزعي معجنات الميني من وااااو حدة لذييذ وراقي وبالنسبة حق العصير في حركة سهلة اذا تبين لون العصير ازرق انج تسويين عصير ليمون عادي وقطري نقطة من صبغ الاكل والكييك الازرق فيصير لونة ازرق وانتي تتحكمين بالدرجة

انا حطيت مثل البف باستري صغيره كبر 50 فلس وشريتها من وااااااااااااو حلوه ولذيذه وخفيفه

مجمع الزاوية وينه بالضبط ……….

انا عن نفسي بما ان ولادتي قربت

فبحط على الاستكانه شكر الي يتعلق ويمها خذيت من هيل وزعفران درابيل مني وشابوره مغلفين شكلهم وايد حلو

طلعوو على الامية حبه ب 17 دينار بس لان ما حبذت فكرة الفطاير جذي عملي اكثر

جربي روحي هيل وزعفران عندهم اشياء مني وايد مغلفه طبي وتخيري

ولا تنسين تدعيلي الله يسهل ولادتي ويسهل عليج بعد

حبيبتي لا تحطين اشياء مثل البسكوت الصغار ويه الجاي ما سمعتي في الشكر العلى اشكال وكون ملون على ورد وقلوب انا حطيت منها في استقبالي كل من يه شافه استغرب قال شنو هل شكر الغريب هذا الحجي من سنتين بس الحين انتشر وايد من عقب ما ولدت كل وحدده تبي تسوي استقبالولاده في المستشفى دقو علي وقالولي من وين يبتي الشكر الفي استقبالج ترا حده شكله عجييييييييييييييب

انا عندي تحطين صينية صغيرة تكفي لاستكانة الشاي ولصحن صغير حيل يكفي لحبتين او 3 فطاير صغاااراو البسكوت الصغار اللي من الامراء ويكون معاهم الشكر الفنتق اللي انتي تبينه والشكر ما يغنيج عن الفطاير او الحلو لان الوحده بتحطه بالشاي

وبالنسبة للبيتي فوور ما يصلح مع الشاي لانه حلو والحلو ينحط مع القهوه مو مع الشاي

وقرص العقيلي حلوة فكرته قبل ولادتي ان شاء الله برووح اشوف الشغلات اللي عند محل رهش واللي عند الامراء واللي عند هيل وزعفران

وبالنسبة لمجمع الزاوية موجود بحولي شارع بن خلدووون

والعصير انا فكرت اخذ من عصير مال اللي بالجمعية وخلاااااص كاافي يعني