عمليتي للجفون العلويه عند د.عادل البلوشي بالصور

شلونكم ؟ ان شاءالله بخير

انا قريت موضوع قديم بالمنتدى عن هالعمليه عند الدكتور عادل البلوشي وقلت لازم اروح له استشاره

ورحتله للامانه الدكتور حييييل حبوب ومو مادي مثل باقي الدكاتره وقعدت اسأله

بس كنت خاااااايفه من العمليه ومن الخياط وشلون راح اتصرف وخصوصا انها صوب العين

وبعدها قررت اسوي العمليه قبل العيد يعني بسوي نيو لوك

وسويتها تاريخ 29-9 بمستشفى هادي والحمدلله العمليه ماحسيت فيها كلششش لا بالعمليه ولا بعد العمليه يعني سبحان الله ماحسيت بألم نهائيا حتى لما شال الخياط اييييده خفيفه

وكان بنج موضعي والدكتور شافني متوتره قعد يتغشمر ويسولف عشان يلهيني ،، اللي حسيت فيه بس ابرة البنج شوي عورتني حتى قلت حق الدكتور الابره تعور والمسكين يقولي اسف
قص لي الجفن وحرق الدهن الزايد اللي بالجفن

كلفتني العمليه 450 دينار

400 دينار حق الدكتور و 50 حق المستشفى غرفة العمليات

واللي صدمني انه الدكتور ماقصر حاجز غرفة حق المرضى اللي يعالجهم حتى المستشفى قالولي تكلفتها 365 دينار بس مادفعوني

كانت عمليتي 2 ونص ومدتها ساعه بس طلعوني من غرفة العمليات الساعه 4 ونص وصعدوني الغرفة وحطولي كمادات ليما الساعه 7 يابولي اكل لاني كنت صايمه

ورخصوني الساعه 8 قالولي ماتحتاجين تنامين

والحمدلله الكل قااااااالي شكلج وااااااايد احلى لان قبل جفوني مكبره شكلي .. الحيييين اقدر ارسم عيني اي رسمه ابيها وقمت اعرض الكحله واحط الشدو الابيض بكل ثقه

بس عيوني للحين فيها اثر الخياط يعني يبيلي شهر ويمكن اكثر عشان يروح
وتقريبا صارلي اسبوعين من سويتها وللحين قاعده احط مرهم لمدة شهر عشان يخف الورم

بس وايد قرقت عليكم والحمدلله على سلامتي لوووووول

وهذي صورة عيوني

ماشاءالله

ماشاءالله