في دار المسنين
السلام عليكم يامنتداي الغالي حبيت انزل هالقصه واخليكم انتم تحكمون على ها لتصرف اللي صار إلى هذه الدرجه وصلت العقوق
تقولي بنت جيرانا تشتغل بدار المسنين تقول كان عندنا حرمه كبيره بالسن وكانت شوي تعبانه وكانواعيالها كل يوم عندها وتقول كنت اقول بنفسي الحمدلله مانسو امهم المهم اخذت اجازه من شغلي لمده اسبوعين ولما رجعت جتنتي وحده من الممرضات قالتلي إن عيال المره ماصارو يجون يزورونها وانقطعت اخبارهم حتى تلفوناتهم غيروها تقول انا استغربت المهم بعد فتره جت مره تقريبا عمره 41تسأل عن المره اللي قطعوها عيالها تقول كلنا فرحنا واستانسناا واخيرا جا احد يسال عنها تقول رحت لها بسرعه قلتلها هاه اختي امري قالت ابي امي وقعدت تبكي تقول حاولنا نهدي فيها لين هدت قلتلها تعالي امك هنا بالغرفه ادخلي عندها تقول دخلت فترة وبعدين طلعت وجت عندي سألتها قالت وين اخوانك ليش ماجو تنهتد وقالت حسبي الله ونعم الوكيل فيهم قلت ليش هم بارين بمك دايم يجون بس فجائه انقطعوا قالت ليش توقعين جايين لامي باريين فيها قلت اجل على شان شنو قالت أنهم كل ماجو يزورون امي شنو توقعيين كانو يسووون
قالت أنهم كانو يبصمون امي على اوراق بيع بيتها والمزرعه وكل شي سجلووه بسمهم وتقول امي وارثه من ابوي عدد محلات تجاريه كانت تدخل بالسنه اكثر من 300الف ريال تقول كلها باعوها وعطوني نصيبي وكنت مثلهم همي الدنيا والفلوس بس سالتها طيب شنو جابك قالت اللي جابني ولدي وبنتي قلت وش فيهم بعد تقول إن بنتي بعد زواجها تغيرت علي حيل صارت ما تهتم فيني ولا تراعي حقوقي كأم وكل ما قولها شي تقول مالك خص وبعدين انتقلت لمنطقه غير اللي انا ساكنه فيها وانقطعت عني وولدي نفس الشي يروح ويسافر ويرد بدون مايقولي وعاق فيني حيل ولما ها وشته قلت انت ما تخاف الله فيني قال وبصريح العباره اذا خفتي الله بجدتي اللي سرقتي فلوسها خفت الله فيك وراح وتركني تقول عشان كذا جيت ادور امي عسى ترضى عني قبل لاتموت وتقول من هذا الوقت اللي سولفت معاي إلى يومكم هذا ماتركت امها ولا دقيقه وجت مره وقالتلي إن واحد من اخوانها خسر كل فلوسه بالأسهم والثاني فتحله مصنع سجاد ونحرق المصنع سبحان الله يحسبون الله مايشوف تصرفاتهم لاكن جازاهم باللي يستاهلون
وانا من هذا المنتدى يابنات اذا تعرفون أي احد عاق بوالديه انصحوه يمكن كلمه منكم تغير حياتهم
القصه الثانيه هذا رجال طول عمره ماقصر بحق ولده الوحيد اللي توفت امه وهي تولده واخذ عهد على نفسه إن مايجيبله مره ابو تعذبه رباه وسهر عليه لين كبر وجا الوقت اللي يفرح فيه خطبله بنت واحد من قرايبه وشراله مو بيت عادي إلا قصر وحطله خدم وسواق وشراله سياره لاكن سبحان الله لان الله وحده اللي يعلم الغيب امر هالرجال إن مايكتب القصر اللي شراه باسم ولده فكتبه بسمه هو المهم فرح بالولد وتزوج والولد مبسوط مع زوجته وسعيد وكان الابو مستانس حيل من حال ولده الابو فضل انه يسكن بملحق داخل البيت وجابله سايق لاكن اكله وشربه مع ولده لكن مرت الولد ماعجبها هالوضع وقالت لزوجها ياانا او ابوك بالهبيت الولد احتار لكن كأي ولد عاق اختار زوجته جا الولد عند سواق ابوه وقاله ابيك تودي بابا لهلعنوان ولاترجع والعنوان كان دار المسنين جا الولد وقال لبوه يبه بودك مكان حيل راح تستانس فيه قال الابو ماعندي مانع اخذ السواق الشايب ووداه لنفس العنوان الشايب ماكان يدري شنو هالمكان واستانس ويا الشيبان وقعد يسولف معاهم المهم لما اذن العشا قال الشايب لسواقه يالله وديني البيت تاخرنا قال السايق باب خلاص انتا في اجلس هنا فيه انتا في موت هنا بابا فلان مايبغا انتا الابو انهار اسال الشايب اللي جنبه قا شنو معنى كلام هالهندي قال ياخوي حنا بدار المسنين انا عيالي جابوني من 6 سنين ولا شفتهم حالك من حالنا اقعد بس الابو ماسوا شي كان بباله شي يبي يسوييه بس خل يطلع الصبح لما صلى الفجر قعد شوي واستاذن من الادار وطلع لانهم عرفو وش راح يسوي شنو توقعون يابنات سوا
راح لاقرب جمعيه خيريه وقال تعالو معاي وراح للبيت طق الباب وفتح لهم الولد واستغرب من ابوه والناس اللي معها وماتكلم ولاقال شي ابوه راح داخل البيت وجاب اوراق البيت وقال للجمعيه يالله هذا البيت قدامكم وتراه بسمي خذوه وقف خيري بأسمي وسيارتي بيعوها بيعوها وجميع الأموال اللي بالبنك والارباح ابنو فيها مساجد وانشرو حلقه تحفيظ وعطو المستحقين وكتبلهم تنازل عن كل شي استغرب صاحب الجمعيه من هالتصرف فساله ليش كل هالاموال عندك وراح ترجع لدار المسنين قال اسلو ولدي هذاه قدامكم انا تعبت فيهم وشقيت عشان ولدي كنت انام جوعان عشان يشبع وكنت ابرد عشان ادفيه وكنت اتعب عشان يرتاح اخر شي يااخذ كل تعبي وانا ايحطني بدار المسنين هذا جزاي جو الجمعيه وقالو للولد يالله افرغ البيت و شيل قشك واطلع برا انت طردت ابوك وجا الوقت اللي انت لازم فيه تنطرد وفعلا شال قشه وطلع والابو رجع لدار المسنين وطلب منهم أي احد يجي يسال عنه قولو ممنوع الزياره وبعد فتره جا ولده يبي يزوره ورفضو قال وصلو لابوي اني زوجتي ما ستحملت فقري وطلبت الطلاق وطلقتها وانا الحين اشتغل بباص اوصل بنات للمدارس وقولوله الامراض لعبت فيني لعب بس خلوه يسامحني ويرضى عني نقلو هالكلام لبوه والابو ماعلق ولا قال شي وعلى فكره هالقصه صايره عندنا بالسعوديه وبنمطقتي بعد وصحيحه مليون بالميه والاب مازال عايش والولد على حاله حاولو اهل الخير يصلحون بينهم لكن إلاب رفض وقال لا انا تبريت منه ومزاال الوضع كماهو
بنات انشرو هالقصص يمكن لعل وعسى انه تفيد أي واحد واي وحده عاقه بمها او ابوها
الله لا يعمي قلوبنا يارب
جزاج الله خير
يعطييج العافية