|
السلام عليكم..
شلونكم كويتيات ؟؟ .. عساكم بخير يا رب..
بنات حبايبي طلبتكم.. آنا الشهر اللي فات أخذت كلوميد ويوم رحت حق السونار قالت لي البويضات وايد صغيرة .. وعطتني موعد بعد 3 أيام على أساس إن احتمال توصل البويضة للحجم المطلوب وقتها..
وآنا ما رحت هالموعد طوفته.. وقلت أنطر الدورة علشان الشهر هذا آخذ كورس إبر..
والمفروض تيي الدورة تاريخ 14-6 والله وكيلكم لليوم 23-6 ما يت!
حللت تاريخ 18 هرموني وماكو حمل!
وعلى فكرة آنا كنت مسوية منظار علشان التكيس والمفروض كل شي تمام..
تهقون شنو سبب تأخرها إذا ما كان حمل؟
ومو المفروض تنزل دام أكو تبويض حتى لو البويضة صغيرة؟
وشكراا .. الله يرزق الجميع يا رب
انشالله تكونين حامل وهالتحليل غلط
الشهر الياي حااامل باذن الله :>
موفقه
حبيبتي تسلمين.. والله يعطيج اللي ببالج يا رب
شنووفة
ما تقصرين يا عمري.. عاد هالشهر كلش ما كنت أحاتي بس اخترعت من تأخرت الدورة..
مادري خايفة يطلع شي مو زين لا سمح الله ..
والصراحة من عقب العملية وآنا أحاتي الدورة اللي مو راضية تنتظم!
الله كريم
واذا مافيه حمل عادي انا الدورة ولله الحمد منتظمة بس مرة تاخرت 14 يوم خفت ورحت وحللت كل شئ طلع سليم بس قالت الدكتورة يمكن شئ شاغلج طلع صح كان عندي هالفترة شغل ضروري وكنت احاتيه حيل والحمدالله ردت انتظمت
حبيبتي تسلمين.. بس ما عرفنالهم .. يقولون لا تفكرون بالحمل علشان تحملون.. ويوم شغلنا بالنا قالولنا لأن بالج مشغول فضيه.. يعني شنو نسوي؟ لوول
الله كريم إن شاء الله وينول كل وحدة اللي ببالها يا رب
لاااازم وضروووري تروحين حق دكتور ما تدرين اذا فيه شي الله لا يقوله لحقي عليه من الحين
واذا مافيه شي ترتاحين من التفكير وهذا اهم شي
والله ان شاءلله يعطيج بإذنه ويرزقج احلى يهال
حبيبتي لاتحاتين هذا شئ عادي لان البويضات حجمها صغير وعندج تكيس اكيد تكون الدورة مو منتظمة
الله يرزق كل محروووم بالذرية الصالحة
لان عندج تكيسات اكيد تتاخر 10 ايام اهم شي اذا ماكو حمل وتاكدتي من التحليل الهرموني شربي زنجبيل
انا شربته وبفضل الله نزلت الدوره عقب تاخير 12 يوم تقريبا بس قبلها حللت هرمون وماكو حمل
اصلن لازم اتاخر عقب الكلوميد
ساليني انا
الله لايرد ذيج الايام
تاخرت20يوم و لا حامل و لاشي
الله يرزقج بالحمل باقرب وقت يااااااااااااااااااااارب