عاااااااااااااااجل .مشكلة الموبايل () عند الخدامة ؟؟؟ شسوي :(

قوة بنات … امس فتشت اغراض خدامتي وصدفة لقيت تلفون وخطها إيزي حاطه بن كود وديته محل وفتحوه حقي … والا التلفون خالي ماسحه فيه كلشي ما طحت على شي … لاه وبوكاميرا ….الظاهر كانت ناوية تصور نفسها حق البوي الفريند !!! ما احط بذمتي أخاف مو جذي السالفة….المهم خشيته عندي اليوم الصبح قامت تصيح وتأسفت مني وقالت انها حاطته بس علشان اتكلم امها وأبوها في بلدها ….(( خدامتي مو متزوجة ))

قلت لها هالخط وهالتلفون مراح تشوفينه …

زوجي عرف بسالفة وكاش منهاااااااا ….

بصراحة شغلها زين … وتحب اعيالي … بس أخاف عندها سوالف وخرابيط ؟؟؟

طبعا ألحين مع القوانين الزفت اليديدة غلت أسعار الخدم … واذا يبت وحدة يديدة يمكن تطلع مو زينة وبقانون الداخلية اليديد حسبي الله ونعم الوكيل عللي حطه يا تحولين أقامتها بعد (( سنة كاملة )) وتتحملين الضيم والخياس … والا تسفرينها على حسابج وشفتوا أسعار التذاكر نااااااااار … خاصة أذا فلبينية !!!!

شنو راح تسوون لو كنتوا مكاني ؟؟؟؟؟؟؟؟؟؟؟؟؟

سحبي منها التليفون وقوليها اذا بتكلمين امك او ابوك انا ادق لج وانتبهي منها وحرصي عدل ولا تخلينها تطلع لا جمعية ولا غيره انتبهي منهم والاهم عرفي من وين لها التليفون ؟؟؟؟؟؟؟؟؟؟؟ والله الله يعينج انا حاسة فيج وربي قهر بس شوفي عيالج الاهم اخاف تأذيهم او تسوي لهم شي انتبهي لهم اهم شي

حبوووبه انا الصراااحه اتووقع اي خدامه بتجيب نقال بدوون لايدررون المعزبين وداااااااااايم انطيح على خداامات اهلي فعشاان جذي اول ما جبت خدااامه عطيتهاا نقال

حسبي الله عليها

انا صارلي نفسك بس ما دريت الا اخر الشي

حبيبتي حرصي منها خصوصا الفلبينية والاندونسية تراها ما تقدر بدون رجال او ((البوي فرند)) على قولتك

والله ان خدامت حماتي لا شفتيها قلتي ما شاء الله مصلية ومسمية وشحلاتها

واخر الشي بعد ما قعدت عندها 3 سنين قامت الصبح واتدورها والا تجيها الخدامة الثانية نفسها اندونسية

وتقولها انحاشت مع راعي تاكسي

كله من التلفون حسبي الله عليهم

انا بعد اشترته من راتبها بس بدون كان كاميرا

احنا الي شرينالهم خطوط وفوق هذا تلفوناتهم من القدم ملوت عيالي الي ما يبونهم

اشوف من حقها تحاجي عيالها يدزون لها رسايل وهي نفس الشي تكلم زوجها تتطمن على بيتها اهي روح مثل ما احنا ارواح والله الواحد يحط نفسه مكانهم وينحرم من شوفة عياله الصغار وزوجها واهلها وفوق هذا مالها الفرصه انها تكلمهم باي وقت

يصادف اني اكون معاها بالمطبخ تمسك التلون وتضحك تقول هذي مسج من بنتي رقم 3 مستانسه اذا راحت الجمعية اتصل عليها وازيد الي ابيه من اغراض – اهم شي ان الانسان يحسن النية في كل شي يرتاح وهم مقدرين هالشي يعني اذا رفضتي بتسوي المستحيل وتقدر تخدعج ويمكن تزود لكن اذا عاملتيهم باحترام وثقة وانهم يكونون واضحين معاج بترتاحين معاهم .

ما راح ازيد ترا هذول بشر دم ولحم ومشاعر وعندهم عيال تركوهم وتغربو عشان يصرفون عليهم .

ترى الفلبينيات اهم ساس المشاكل وعوار الراس خوفج تسحبين منها التليلون ماتعامل عيالج عدل وتبدي سحور ودحور
سالفتها سالفه هذي انتي تعاليلها باسلوب قوليلها تبين تكلمين امج وابوج دقي من تليفون الشقه او انتي دقي لها
المهم نسييييييها التليفون لان التليفون عند الخدم اهوا ساس البلا

المشكله ان سوت هالشي بدون لاتدرين لو كانت صريحه وياج جان عادي

خدامتي مو متزوجة .. بنت وعمرها 21 سنة !!! حق شنو التلفون ؟؟؟؟ أي أعيال ؟ أي زوج أللي بتطمن عليه ؟؟؟؟

الله يعمي عيونها عن اعيالي يارب العالمين … لا تخرعيني من سوالف السحر …

شفتي شلوووون ؟ هذا اللي انا خايفة منه … مالتكم انحاشت مع راعي التاكسي ….
أنا هذي صغيرة عمرها 21 سنة باجر أي واحد يقص عليها ويفر راسها !!!!!

أنا مو معاج إن اعطيها النقال !!!!! جني أقولها روحي خربطي ولعبي ؟؟؟؟؟؟؟؟
لا تثقين بأي خدامة حتى لو تقولج حق أعيالي والا حق اهلي … موجودين في غربة تبي أي روح أو إنسان يحن عليها !!! باجر تلقينه ولد جيراننا بو 16 سنه مغازلها وتروح عنده في غرفة نومه !!! وايد سمعت سوالف عن الشباب المراهقين بو 16 و17 سنة !!!!!!!!

الحمدلله انا أشرط على خدمي من أول يوم موبايل ماكو مااامااا وبصراحه كل شهر تقريبا أعطيهم كروت تلفونات دوليه يكلمون أهلهم … انا خدمي من الهند والحمدلله ماعندهم تكنولوجيا كلش كلش مثل الفلبن والاندونيسيات

خذيت التلفون عندي وخشيته عنها .. وتقولين تروح جمعية ومادري وين !!! لاه ما تروح إلا معاي إذا وديت اعيالي مكدونالدز وإلا كاونتر تكون معانا … تقول خدامة جيراننا فتحت لها التلفون ؟؟؟؟؟؟؟؟؟

وبالنسبة لعيالي … إدعي الله يحفظهم اخاف تنتقم بسالفة التلفون فيهم ..ز حسبي الله ونعم الوكيل على هالخدم

ميخالف اذا زينه سامحيها هالمره

هذذذذذا المكان حق الحيات الزوجيه مو مشاكل الخدم كل موضوع وله مكانه الخاااص بليز