|
|
طبعا
ادري بيصير دف وطاخ وطيخ بالموضوع 
بس
لو مو متأكده من وجودها جان ماكتبت عنها اصلا
المره بغفله عند اهلها
واهو يقولها ترى بسافر مع ربعي
فلان بسافر معاك
لا يابنت الحلال اصلا انا ربعي مسفريني على حسابهم ( يكون ربعه من طقة الوليد بن طلال )
والمره مسكينه تصدق وتعابل بهالعيال على مايرجع عريس الغفله اقصد المسافر العاشق
دافله قرض وماخذ العشيقه وموديها اوربا وشيل وحط من هالماركات واهو الابتسامه شاكه وجهه
وهذيج تعد الايام ولما تدق عليه مغلق
وبعدها بجم يوم ترن ترن
الو فلان زين اتصلت احاتيك وينك ؟؟
واهو
لا بس كنت سهران مع الربع ومسكر جهازي او كنت رايح الديره المجاوره حبي لاتحاتين والاخ نايم بالعسل
طبعا شلون عرفت
ذاك اليوم وحده تقول شافت واحد مرته بالاربعين والاخ مع رفيجته بباريس وقايلها مسافر مع ربعي
ويوم سألتها فلانه ريلج وينه
قالتلها مسافر مع ربعه
قالتلها جان نطرج تروحين معاه بعد الاربعين
قالتلها من وين ياحظي اذا اهو مسافر على حساب ربعه ( مسكينه مغفله )
وانا سمعت هم جم قصه من جم وحده نفس هالشاكله يسافرون مع رفيجاتهم
( اذا مرتك ماتشوفك ترى ربك يشوفك اتق الله بنفسك وبمرتك )
يعني مو حرام عليك الي تسويه بمرتك وشنو ذنبها ؟؟ اذا فيها عيب علمها
خلونا نتناقش عن اسباب هذي الظاهره
ونحاول ندور اسباب هالظاهره
وانا تعليقي ع الموضوع الاهمال من الزوجه بالدرجه الاولى
والمسئوليه الملقاه على عاتقها كامله من الزوج من بيت ومصرف وشغل وتدريس وتسوق وجمعيه الخ الخ
وياليت بنات تكون الردود راقيه حتى لايتعرض الموضوع للحذف.gif "Eh S(4)")
تفضلو
بعطيكم السماعه 
طليقي كااااااان جذي ينطر الصيف ويستلم رااتبه ويسااااااافر مع رفيجته وانا ليه قتله قالي من وين ما عندي واذا تبين يمعي وسفرينا
على حسابج , ما خلا مكان ماراح معاها فيه لبنان مصر دبي تايلند وانا يا غافلين لكم الله لين انكشف المستور , وطلعت المستخبي كله
وآخر شي تطلقت و للعلم رفيجته كانت متزوجه 
|
المشاركة الأصلية كتبت بواسطة el-3ashqaa
 آآآآآآآآآآآآآآآآآآآآآآآآآخ يا قلبي ذكرتيني باللذي مضى
طليقي كااااااان جذي ينطر الصيف ويستلم رااتبه ويسااااااافر مع رفيجته وانا ليه قتله قالي من وين ما عندي واذا تبين يمعي وسفرينا على حسابج , ما خلا مكان ماراح معاها فيه لبنان مصر دبي تايلند وانا يا غافلين لكم الله لين انكشف المستور , وطلعت المستخبي كله وآخر شي تطلقت و للعلم رفيجته كانت متزوجه |
حرام عليه
والله عورتي قلبي حبيبتي والله يعوضج بالي احسن منه
ومتزوجه !! هذي وين رجلها عنها والله قهر حسبي الله ونعم الوكيل فيها
ماعليه ياقلبي الدنيا دواره وحقج لازم تاخذينه من ربج حبيبتي
والله زمن ماله امان ينخاف حتى من اقرب الناس لج والله ساعات تكونين مو مقصرة بس متعود على الخيانة والحرام الله لا يبلينا ويحفظ ازواجنا من الحرام واهل الحرام يارب !!
عاشقه
صج شي يعور القلب
|
المشاركة الأصلية كتبت بواسطة raaary
واي استغفرالله عورتي قلبي العاشقة والله يعوضج ان شالله باللي احسن منه وياخذ حقج ان شالله يارب
والله زمن ماله امان ينخاف حتى من اقرب الناس لج والله ساعات تكونين مو مقصرة بس متعود على الخيانة والحرام الله لا يبلينا ويحفظ ازواجنا من الحرام واهل الحرام يارب !! |
اللهم امين
بس
حبيتج تشاركيني شنو ممكن يكون سبب هالظاهره ؟؟
هل حب الحرام مثلا
ام التقصير
ام اسباب اخرى
وحياج الله
|
المشاركة الأصلية كتبت بواسطة الاسطورة
الله يعينج
عاشقه صج شي يعور القلب |
لوووووووووول
مو انا
الظاهره حبيبتي
ولا تستغربين منتشره مع تكتم تام بين الرجال
الله يبعد عنا وعنكم هالنوعيه من الرياجيل
الريال اللي ما يخاف ربة ولا يستحي اهو اللي يسوي جذي
بعدين ابي افهم العشيقة هااذي ما وراهااا اهل ؟؟؟ معقولة جذي من ديرة لي ديرة محد يسال عنها
يعني الحين اللي بالحلال صار ويع واللي بالحرام صار حددده حلو>>>>>شي يقهر والله
يعني المره شتسوي بعد المشكله المره تحاول ما تقصر بولاشي ومسكينه حتى بنفاسها مارحمها يعني شتسوي بعد
ريااااااااااايييييييييييييييييييل مالهم اماااااااااااااااااااااااان:@
عسى الله يعووضج بالاحسن منه ….
تدروون انا توني من جم يوم عرفت انه في رياجيل يسافرون مع رفيجاتهم من موضوع وحده حاطته تكلم عن رفيجتهاا اللي خاينه زوجها وتسافر مع حبيبهاا "متزوج"
وبالاخير حملت منه ونسبته لزوجها ابو عيالها اللي ماتخااااف من ربهاا….,
كنت اقرى موضوعهاا وانا مصدووووووومه بس الحين من موضوعج اكتشفت انه في حالات واجد …
وانا اتوقع اللي يسون هالشي يحبوون الحراااام ويسعوون له…
عسى الله يحفظنا ويبعدنا عن الحرااام آمييين…
وتسلمين يالغلا عالطرح…
اللحين هالمره تجابلك وتجابل عيالك وتخدمكم طوول اليوم ,,لاوفوق كل هذا تشتغل وتساعدك بالمصروف ياعلك الضربه
وانت تروح تاخذ بنت بليس وتقط فلوسك عليها الي ماخذتك جنك ــــــ وراها عشان بس تصرف عليها وتونسها ولمن ترد الديره تضربك بالطوفه وتدور غيرك,,
ماقول الا حسبينا الله ونعمه الوكيل فيهم
والله حريتيني
حياكم الله بنات
بس ياليت نعالج الاسباب
وعادي الرجل اناني بطبعه
والظاهره هذي موجوده بس شنو ذنب المره المسكينه ؟؟
وليش الرجل يسعى للذهاب للحرام والحلال امامه ؟؟
يالله بنات عطونا اسباب ؟؟
والي عندها قصص تتفضل تسدحها هني
|
المشاركة الأصلية كتبت بواسطة كعبية
انا بعد رفيجتي مسكينه زوجها مطيح بلغاريا ويا رفيجته ويقولها اروح منتجعات اغير جو خوش منتجعات
|
عمى بعينه المشكله هالرفيجات من وين يجمعونهم !!
وتوقيعج يبيله قطيه من بنات المنتدى نحجزه كامل وكل وحده تجيب طبق ونبسط لووووووووول