|
|
مرحبا
انا سعوديه
تخصص تاريخ بكالريوس ودبلوم حاسب تخصص سكرتاريه تنفيذيه
بنات انا خايفه يطوفني التقديم على وزارة التربيه ناويه ادرس بالكويت بس مو عارفه متى تاريخ التقديم
وطريقته
ولا حتى ارقام الوزاره ماعندي شي
ساعدوني وش اسوي
وهل التقديم مفتوح حاليا
رفيجتي قبل يومين راحت الوزارة
تخصص التاريخ مو مطلوب حاليا
يبون جغرافيا – فيزيا- رياضيات- انجليزي- فرنسي – العاب
اذا تبين تقدمين وتجربين حظج
تروحين مبنى ٢ بوزارة التربية
بمنطقة الشويخ صالة المراجعين
الاوراق المطلوبه
بطاقه مدنية
بطاقه احوال او كرت العايله
جواز سفر
شهادة التخرج
شهادة حسن سير وسلوك من الجامعه اللي تدرسين فيها
السجل الاكاديمي
طبعا كلهم صور والاصل للمطابقه
ولازم تكونين مصدقتهم من الملحق الثقافي بكويت ووزارة الخارجيه
عزيزتي الله يوفقج يارب بالوظيفة الصالحة والي تريحلج بالج
بالنسبة للتقديم ما زال في تقديم حاليا وحتى استكمال العدد
يفضل تشوفين التخصصات المطلوبة…
https://watanpdf.alwatan.com.kw/alwat…1-12-19/19.pdf
والاعلان هذا نزل في الجرايد الرسمية الكويتية بتاريخ 19-12-2011م
وعن طريقة التقديم تاخذين كل اوراقج ومستنداتج وتروحين مبنى 2 صالة المراجعين بوزارة التربية -الشويخ
والله يوفقج يارب ويسهلج امورج يالغالية …