ضمور باعصاب المخ

السلام عليكم ورحمه الله وبركاته…

عندي بنتي فيها ضمور باعصاب المخ وهى الحين ماتشوف..

حبيت اسأل في منكم عنده حاله نفس بنتي..؟؟
او يعرف احد نفس حالتها؟؟

وهل تشافوا؟؟

وشنواحسن دوله اللي متخصصه باعصاب المخ ..؟؟؟

الحمدلله على كل حال يام فهد وياعسى ربي يحفظها ويشفيها
أحسن دولة ما أقدر أحكم بس جربت حق ولدي لأنه عنده مشكلة بالأعصاب (استسقاء دماغي بالرأس) مستشفى الجامعة بغيسن بألمانيا

مشكوووووره اختي الصابره

العفو ياقلبي

الله يشافي بنيتج يا أم فهد ويآجركم ,,,بصراحه أحسن ناس بهالشغلات أمريكا,,,آنا رحت boston children hospital (_harvard medical school ) بصراحه المستشفي عجيب وفيه جميع التخصصات بما فيهم جراحة المخ والأعصاب,,,

مشكوووووره يانونا

السلام عليكم ام فهد ممكن بس اعرف كم عمر بنتك ووين تعالجينها في الكويت ،انا عندي بنتي نفس الشيء واثر عليها انها فيها شد عضلي بالاطراف ومفكرة اوديها بين الشيك للعلاج الطبيعي وبين امريكا انا وديتها لندن بس ما فادونا والكثير نصحني في امريكا بس كله على الله
والله يكتب اللي فيه خير لها .

وعليكم السلام

بنتي عمرها سنه ونص
اعالجها بالعيادات الخارجيه بالعدان
وعلاج طبيعي بالعدان

ومستشفى البحر وعبدالمطلب بهبهاني للعيون
وديتها لسامي ربيعه للعيون ونصحني اسوي انواع تخطيطات عند منى الصالح وموعدها يوم الاثنين

وهما وديتها للمجلس الاعلى للمعاقين

بنتج شنو حالتها بالضبط وشن قالو الدكاتره,,,,؟؟؟؟

ام فهد انا بنتي كانت ماتشوف ونفس بنتج ضمور بالمخ كانوا يقولون عصب العين ابيض مافيه نقطة دم بس بعدين بروحها صارت اتشوف الحمدلله بس طبعا مع بعض المشاكل وديتها امريكا جون هوبكنز بس بصراحة اذا عرفتي التشخيص وعرفتي انه مافي تدخل جراحي احسن لج اشتغلي على العلاج الطبيعي اكثر لانه اهو اللي بفيدها بس يعني اي شي غير العلج الطبيعي راح يكون اجراءات وتعب والحين يسوون لجان علاج طبيعي حق اوكرانيا وما ادري عنها

الله يشافي بنتج ان شاء الله بس بنتج ام فهد المرض الي فيها توه يجيها ولا من انولدت وجم عمرها وانت تقصدين مرض التصلب المتعدد لان حاش عمتي من ثمان اسنين وللحين تتعالج منه اذا كان التصلب المتعدد اقدر افيدج

مشكورين حبايبي

مرمر زماني بنتي جاها من كان عمرها شهر

هى فيها ضمور باعصاب المخ واذا له اسم ثاني ماعندي فكره
ممكن توضحين مرض عمتج

الله بشافي بنتج يمكن عندهاا شلل دماغي لاسمح الله
لان الاعراض الي قلتيهاا كلهاا ببنتي وشخصوهاا بشلل دماغي او ضمور بالمخ
وهم بنتي ماتشوف ووديتهاا ماخليت مكان وقالو احتمال تشوف بس قليييل لان العصب عندهاا وردي فاااتح مايل للبياض والحمدلله على كل حال

يارب يشافيهم ويعافيهم وتفرحون بسلامتهم يارب

شمس الضحى
اهم ماقالو شلل بس قالو اعاقه

جزاج الله خير ياغلاوي غير

أم فهد تري ضمور بالمخ ,,يعني شلل دماغي ,,,يعني صار نقص أكسجين بالمخ أما أثناء الحمل أو خلال الولاده أو بعد الولاده ,,
لأن بنتي نفس التشخيص بس تختلف نوعية الأصابه من حالة للثانيه ,,حسب المكان اللي صار فيه نقص أكسجين,,, في أطفال تأثر علي
كذا شغله في وقت واحد,,مثلا النظر والنطق ويصيرون بطيئي التعلم ,, وفي أطفال بس تأثر علي الحركه فيصيرالمخ والنطق والنظر سليم ,,,
والله يشافي بنتي وعيالكم يارب ,,,