|
اسمحولي .. يمكن خبرتي بالتدريس ( 7 سنوات ) ما تعادل خبرة الكثير منكم بس صدقوني الست السنوات الأخيرة هذي تعلمت منها وايد .. و واجهت فيها ناس وايد و تجارب ناس كثيرة .. و مروا علي مستويات مختلفة من الطالبات .. تعبت وايد و بكيت وايد و ضحكت هم وايد ..و ضاق خلقي وايد .. و تخانقت ( بس بصراحة مو وايد ) ..
خلونا نتخذ قرار .. يحدد مصيرنا بالأول .. و مصير هالطلبة و الطالبات اللي بين ايدينا ..
خلونا نبدأها سنة دراسية جديدة .. سنة جديدة من أعمارنا .. جديدة بقراراتنا ..
خلونا نكسر توقعات الناس فينا و نبدأ نغير في أنفسنا للأفضل …
خلونا نستمتع بحياتنا لحظة بلحظة و نستغلها بالمفيد …..
خلونا نرسمها ابتسامة على وجوهنا أول .. و وجوه كل اللي حوالينا ..
خلونا نعطي و ننجز و نبهر كل اللي حوالينا ..
خلونا نتفاءل .. و خلوا عنكم التشاؤم اللي يرجعنا وراء ..
خلونا نصنع لنا أهداف .. نحققها …
خلونا نصير أجمل و أرقى في التعامل مع غيرنا ..
خلونا نجتمع على خير … و نبعد عن شر يخلي الناس تكرهنا ..
خلونا نسعدهم .. و نربيهم .. و نعلمهم … و نحترم قدراتهم ..
خلونا نخلق جو من التعاون بين الكل .. و نبعد عن الحقد و الحسد
خلونا نعيشها سنة أفضل من السنين اللي سبقتها …
دعواتي لكم بعام دراسي سعيد .. و مثمر …
وعسى الله يكثر من امثالج
وكل عام وانتوا بخير مقدماًً
جان زين الكل يبدا هالسنه بدايه يديده
جان زين الكل يقدر المسئوليه الي بين ايده
والله يعطيج العافيه على هالكلام الحلووو
يعطيج العافيه
وكل عام وانتي بخير
آنا ودي الكل يقرأ و يستفيد .. صدقوني .. أحيانا كلمة وحدة تسمعينها من شخص تؤثر عليج بحياتج كلها ..
الله يوفقنا جميعا في عملنا ..
على الكلام الحلو ………… ان شاءالله سنة سعيدة وحلوووووووووة للجميع
الصراحة موضوعج روووووعة وفعلا انا معاج بالراي
الصراحة انا ناظرتي اللي قبل شوي ظلمتني ونقلت من عندها بس لما يسالوني عنها اقول لهم صعب التعامل معاها لان فيها شوية حسنات تشفع لها وتغطي عيوبها ، وعمري ما كرهت التدريس من الظلم ولا الاجحاف ولا اي معاملة سيئة من الادارة ولا المعلمات ولا الطالبات مع انه مريت بطالبات الله لا يوريج شياطين …………بس عقب تعلمت وعرفت والحمدلله كسبت خبرة بكل النواحي مو بس بالتدريس لا بالتعامل مع الطالبات والقدرة على التحكم بالاعصاب . وانا للعلم اداب يعني لا ميداني ولا تدريب ولاشي يعني فجاة صرت ابلة ههههههههههههههههههههه
الصراحة انا انصح كل وحدة ما تقدر تتحمل ولا عندها طولة بال ولا صبر انها لا تصير مدرسة
يا انها تحب المهنة وتصبر على بلاويها ، يا انها من اول سنة تشوف روحها مو قادرة تتاقلم تطلع من التدريس
والله يوفق الجميع ان شاءالله
وان شاءالله عام دراسي جديد سعيد ومليء بالنشاط للجميع
يسلموا
على الكلام الحلو ………… ان شاءالله سنة سعيدة وحلوووووووووة للجميع |
بس انا اقول اشفيها اذا وحده اسالت عن زياده المعاش؟ .. احنا مكتفين بس اعتقد في غيرنا معتاز زيادة الدينار قبل الخمسين
واشفيها ان سالوا عن الاجازات ؟ .. الكل يحتاج راحه لان حتى المكينه تحتاج بريك وممكن تبي اتسوي انجاز بعطلتها مانعلم الغيب
واذا وحده طول عمرها تكرف ليش ما تتقاعد؟ يبا خل تتقاعد وعسى الله يسرر امورها ان لبدنك عليك حق
وكل واحد ينقل ولا ينتقل من مكانه لي مكان ثاني لان كل واحد يدور راحته وشي انسب لظروفه
اما الي ماتحب التدريس فا انا معاج فعلا تطلع منه احسن لها لانها ماراح تنجز شي واهيا كارهته
واسفه على قرقتي واتمنى تتقبلين كلامي بصدر رحب حبوووووووووووووووووووووبتي
ابلة مس
الصراحة موضوعج روووووعة وفعلا انا معاج بالراي الصراحة انا ناظرتي اللي قبل شوي ظلمتني ونقلت من عندها بس لما يسالوني عنها اقول لهم صعب التعامل معاها لان فيها شوية حسنات تشفع لها وتغطي عيوبها ، وعمري ما كرهت التدريس من الظلم ولا الاجحاف ولا اي معاملة سيئة من الادارة ولا المعلمات ولا الطالبات مع انه مريت بطالبات الله لا يوريج شياطين …………بس عقب تعلمت وعرفت والحمدلله كسبت خبرة بكل النواحي مو بس بالتدريس لا بالتعامل مع الطالبات والقدرة على التحكم بالاعصاب . وانا للعلم اداب يعني لا ميداني ولا تدريب ولاشي يعني فجاة صرت ابلة ههههههههههههههههههههه الصراحة انا انصح كل وحدة ما تقدر تتحمل ولا عندها طولة بال ولا صبر انها لا تصير مدرسة يا انها تحب المهنة وتصبر على بلاويها ، يا انها من اول سنة تشوف روحها مو قادرة تتاقلم تطلع من التدريس والله يوفق الجميع ان شاءالله وان شاءالله عام دراسي جديد سعيد ومليء بالنشاط للجميع
|
و على فكرة .. أنا مثلج خريجة آداب .. و أول سنة لي بالشغل كنت ما أحبه .. و تعبت وايد .. عشان جذي بيني و بين نفسي ما أعدها من ضمن خبرتي .. لأن التدريس عندي ابتدأ صح من السنة الثانية ..
بس بصراحة.. أنا أشوف وايد من يتخرجون .. يسألون عن مدارسهم .. ناظرة زينة مو زينة .. قسم زين مو زين .. و يسألون عن مستوى الطالبات … و كأنهم ماخذين فكرة مسبقة سيئة عن التدريس و الطلبة قبل يبدون يشتغلون .. و لما يبدون الشغل .. يبدون و هم على طول متشاءمين .. عاد شوفي النتيجة شنو على طلبتهم
ياريت المعلمات الجدد ما يتأثرون بالقدامى .. و يحطون ببالهم إن المعلم من أسمى الوظائف على كوكبنا .. و إن أجرنا عند الله أعظم من أجرنا في هالدنيا ..
يزاج الله خير وبارك الله فيج
والله يكثر من أمثالج