|
|
اشلونكم ياحلوات
هذه سوالف صارت لناس اعرفهم شخصيا واستأذنت منهم قبل لا احط قصصهم
هذه سالفه من قبل جم سنه صارت وحده اعرفها تصير حق رفيجتي واهي الي قالت لي سالفتها بنفسها لان تعرفت عليها ببيت رفيجتي اهي جامعيه تزوجت واحد جامعي وداها مطعم راقي وطبعا دفع الحساب ثاني مره عقب ماكلوا قال انه نسى البوك وخلاها تدفع ومره قال بطاقتي مافيها فلوس وكذا مرا يورطها واهي الي تدفع وقالت حق اخوها وقرروا ان يأدبونه وقامت قالت له انا بخاطري بمطعم الدانه مال الماكولات البحريه طبعا قبل لا ينهدم وقال لها اي يلا ليش لا وطبعا طلبت طلبات وايد واهو بعد طلب علبوا حاط بباله انه بوهقها وبخليها تدفع وطلع حسابهم تقريبا 80 دينار
وقالت له بروح الحمام وقال لها اوكي طبعا اهي متفقه مع اخوها انه ينطرها قريب من المطعم واتصلت عليه وراحت معاه وزوجها اتصل عليها عقب ما نطرته نص ساعه جان تقول له انا رحت مع اخوي ويا انك تتستع وتبطل البخل يا كل واحد بطريج طبعا عصب ويسب بس عقب تطلقت واهي الي طلبت لان اذا هذا اولها ينعاف تاليها
************
وهم سالفه بنت اختها بعد ذكيه وشاطره خذاها زوجها تدرس بالجامعه ويوم تخرجت زوجها قال لها سيارتج الي بتشترينها راح تنحط باسمي وتدفعين لي اقساطها كل شهر طبعا مارضت وصارت هوشه اخر شي قالت له اوكي وشرت مرسيدس على بيت التمويل باسمه واهو يدفع اقساطها على اساس تعطيه قيمه القسط بس البنت طلعت ذكيه ابوها عطاها مبلغ 5000 الاف دفعه اولى وشرت لها سياره مرسيدس باسمها هم على بيت التمويل وصار قسطها شويه وخلته يتدبس بالاقساط وطبعا عصب انها شرت سياره من وراه وعفس الدنيا بس ابوها ادبه قاله تتسنع وتصير ريال ولا بنبهدلك بالقضايا والمحاكم وطبعا تسنع وكل ساع يعايرها بموضوع السياره بس ترد عليه تقوله قلعتك انت الي تبي هالشي
****************************
ووحده هم تعرفت عليها مؤخرا من سنه تقريبا عن طريق رفيجتي مشكلتها مشكله زوجها يشرب ويطقها ومبهدلها وبخيل والفلس عليها بالحسره اهي وعيالها وكله كوم واهله كوم ملعوزينها وكله بصف ولدهم واهي صابره عشان العيال فمره واهو سكران اغرته ووسوت له ليله حمرا ويابت شيك خلته يوقع عليه وحطت مبلغ 30 الف دينار طبعا سكران مايدري عن الدنيا ويوم صحى عطته نسخه وقالت له هذه نسخه وان ما تسنعت ورديت سكران ولا مديت ايدك وماصرفت علينا بحرر الشيك واسجنك وخذا زوجها الشيك لكذا محامي وقالوا له القانون لا يحمي المغفلين وحاول تكسبها لان الشيك عليه توقيعك وممكن ايبون خبير خطوط وطبعا امه وخواته قاموا يترجونها بس ماكو فايده وخلته ياجر لها شقه وتسنع بالصرف
عاد انا قلت لها جان حطيتي اكثر جان حطيتي 500 الف احسن لووووووول جان تقول لا خليها 30 الف معقوله على الاقل انا مو طماعه لووووووووول
وناسه بردوا جبدي
مشكورة عمري .. ومن هالسوالف بعد نستفيد ..
والله شطااار هالحريم
بس السالفه الثانيه مافهمتها عدل 
انا لواقولكم السوالف اللي صارت معاي ايام ماكنت متزوجه سوالف تنفع تصير كتاب .. بس خلني ساكتة احسن ..
الله يعين كل مظلومة
الله يفرجها علي من عنده ان شاء الله
يعني تدبس باقساط السياره باسمه صاروا ثنتين مرسيدس وحده باسمه ووحده باسمها بس اهو قسطه بحدود 300 واهي لانها دفعت دفعه حق سيارتها صار قسطها بسيط لان دفعتها 5000 دينار
الرياييل يبيلهم جذيه وعساهم يتسنعون قطيعه تقطعهم
حياكم يا قلبي
وكل واحد فيهم يكون طمعان او يستغل الثاني
بس اخر سالفه اهي اللي صج اعجبتني لأن من وراها استقرت حياتهم وقصدها كان مو مادي كان الشيك مجرد وسيلة تهديد
صج قدعه
بهدوء يتم كل شي حتى بالانفصال
عقاريه تنفصل واهي ماعندها سند امها وابوها ماعندهم استعداد يشيلونها وخوانها ثيران ورا حريمهم وخواتها كل وحده انا ومن بعدي الطوفان
وماعندها امكانيات حق محامي
من لا حيله له فليحتال
والغايه تبرر الوسيله
مشكووووووووووره ياقلبي