شنو علتي بالضبط؟؟

"السلام عليكم ورحمة الله وبركاته"

خواتي عندي استفسار وياليت الي عندها فكره ترد علي واطمني صارلي وقت اقل مجهود يتعبني ما كنت جذي !!

امس رايحه امشي بالممشى ما مداني يمكن خمس دقايق حسيت بعوار بصدري ما ادري قلبي المهم عوار رحت قبل فتره سويت فحوصات طلع مافيني شي هل انا طبيعيه ؟؟

اسال الله ان يشفيج ويشفى كل مريض يارب

الله يسلمج حبيبتي مشكوره ع الدعوه الحلوه..

والله مادري
عليج بالقراءن الكريم اذا مافيج شئ
والله يشافيج يارب

يمكن عضله عادي

الله يسلمج حبيبتي ..
ما قصرتي ..

والله ماادري بس شنو الحل تعبت ؟؟

ما تشوفين شر حبوبه ولا تحاتين يمكن من الجو حر فسببلج التعب , ما أدري اذا عندج ربو هذا ممكن سيبب لج التعب عند أي مجهود وهذا شي أنا أعاني منه من صار فيني ربو بسرعه أتعب من المشي ومن صعود السلالم ومن أي مجهود الأفضل حبيبتي سوي أشعه على الصدر والرئتين وتحليل دم شامل لوظايف الكلى والقلب والكبد زيادة اطمئنان والأنسان لازم كل سنه يسوي جك أب يطمن على نفسه والله يعطيج الصحه والعافيه وطمنينا عليج حبوبه

يمكن فيج فقر دم ولا نقص فيتامين
لاتحاتين وكلي امرج لله سبحانه

ألف سلامه عليكي ممكن يكون إجهاد أو نومك غير كافي وهذه وصفة لتقوية جهاز المناعة بالجسم:
150جرام حبة البركة 50 جرام كركم على نصف كيلو عسل يطحن الكل ويضاف للعسل وملعقة كل يوم لمدة 30 يوم وبالعافية.

ما يجيج الشر حبيبتي ..
انا الحمدلله ما عندي ربو وتحاليلي زينه بس شكله الي فيني ارهاق ..
يعطيج العافيه من جد كلج ذووووووووووووق.

ونعم بالله يا اختي ومشكوره ع النصيحه ..

اتصدقين انا ما انام عدل بسبة عيالي والله انج صاجه الله يعين بس .
ومشكووووووره يا قلبي ع الوصفه ما قصرتي ..