شنو اتسووين لو صارلج هالموقف؟؟

مرحبا

لو طحتي على زوجج يحاجي المهم بالاول ماقلتي له شي بس كنتي لانج مو متاكده المهم بطريقتج الخاصه جبتي اسمها الكامل ورقم تليفونها ورقم اخوانها افلان وافلان وافلان ورقم ابوهاا وامها المهم جبتي ارقام العايله وقلتي حق زوجج لو ماوخرت عنها وهتمييت في بيتك والله العظيم لادق على اخوها افلان عاد الزوج ااهني ينصدم شلون اعرفت ارقام اخوها واهي قالت له وزيدك من الشعر بيت اعرف هم اخوها فلان وفلان اي وعرف عنوانهم بعد
عاد الزوج يرد عليج ويقوولج لو دقييتي على خوانهاا راح يكون اخر يوم بيني وبينج

لو طحتي في مثل هالموقف (طبعا الله لايقوله) شنو بتسووين بدقيين او لا

انطررر ردوودكم

لا مادق يعني احس هذا خبال ان الزوجه تدق على هالبنات ترا زوجج ماحد طقة على ايده وقاله كلم البنت لايكون مهددته انه يكلمها؟ هو الي يبي يعني زبدة الحجي تمسك الدمار الشامل زوجها وتفهمه هالشئ انه غلط

اللة يعينج هذاااااا بعربي شاريها وبايعج انا مصدومة من الريايل ويطلع منهم كل شئ

كلمي احد من طرف زوجج يعني احد من اخوانه او اي احد تحسين انه منصف ووصيه لايقووله انج انتي اللي قايلتله ..

قوليله يقووله انه اهو سامعه يكلم البنت وخل ينصحه ويفهمه ..

المهم تييب واحد فاهم وعادل يحكم بينكم ويصلح الموقف بس هالشخص تثقين فيه وبنفس الوقت زوجج يحترمه ويثق فيه ويكون امين على سركم ..

انا ما اييد هالشي لانه اذا فضحتي البنيه ؟ منو بينفضح معاه اكيييد ريلج
يمكن اهدد البنت امها بالكثير بس اوصل السالفه لاخوانها لااا اذا كنت بايعه ريلي اسويها
واذا قالي اخر يوم بيني وبينج اكيد بيكون اخر يو عقب الفضايح اللي بتير اهيه صج حره وتذبح بعد د تهدديج له ماتوصل لي هالدرجه
صدقيني مجرد التهديد انج عرفتي كل شي كافي لانه راح يخاف وهم اهي بتخاف مسج صغيروون لها باسامي اخوانها يخض بطنها واهيه من نفسها توخر هذا اذا مو بايعتها

امممم انا مو متزوجه بس لو الله لا يقوله لو بنصح وحده طاحت بهالموقف … اقول لها طلعى كل المعلومات اللى عنها اوكى ولا تكلمين زوجج بالموضوع … لانه ممكن يسمعج كلام مو حلو والرياييل بطبيعتهم مايحبون اللى يهددهم ويعاندون فشلون وانتى جاكته وتهددينه بيعاند وبيركب راسه وممكن انه يبيعج ولا انه يطلع غلطان ….

الحل …
لاتبينين لزوجج اى شى وخلى هالسوالف احتياط اذا الشى زاد عن حده استخيرى واتصلي عليها من رقم مو رقمج ويستحسن من مكان زوجج مايعرفه ولا يشك انه لج علاقه فيه ولاتقولين لها انج زوجته وهدديها انج بتفضحينها بس ها لازم تتوقعين انه اللى بترد عليج وحده مو متربيه … او وحده صج ماتدري انه زوجج متزوج … واهم شى الدعاء.

عدل عشان جذي يقول اذا دقيتي عليها بيكون اخر يووم انا بصراحه مافكرت ليش يقول جذ عبالي خاايف عليها
واللي يغث بسالفه انه البنت مو صغيره يعني فووق 35 وحده فاهمه مو طاايشه عشان جذي ودي ادق على واحد من اخوانهااا احسن عشاان اتحرم اتكلم مره ثانيه مواحسن

ونسيت اقول اهو اصغر منها بواااااجد

انا لو منج هذا رده علي اقوله تدري شلون فكه منك ها اخر يوم بيني وبينك وانا الي ابي مو انت زين

ونفس الوقت ادق على اخوانها وافضهم فضيحههه لا صارت ولا ستوت عشان مو لي رحت انا يخلالهم الجو لا اعفسهم عفيسه

وبعدين حبيبتي شدراج ريلج ما قالها انج طلعتي ولي دزيتلها مسج ماترد عليج لانها تدري انج ماتقدرين تكلمين اهلهااا وماراح تخاف

انا اسفه بس صج قهرني الحين بدال لا يعتذر صج قوته عين الصراحه وما يستاهل تعيشين معاه

واستخيري حبيبتي وادعي وانا اسفه مره ثانيه بس صج حرني

الله يهون عليج همج واصبري واحتسبي الاجر حبيبتي

لا ما ادق ليش اعور قلبي

مايهمني اتصل وجنه العيد حتى لو يهدد انه اخر يوم اصلا افضحه عند اهله

مو اذا دروا اهل البنت الريل بطييح فيها وانتي تعريفيين الرياييل و سوالفهم بدال ما ترضين فيها صديقه يمكن راح ترضين فيها زوجه ,, الريال ماكو شي جابره على البنت و اذا يبي اهو يوخر عنها ,, انا ما احب الفضايح والله امر بالستر لو كان هالشي على بيتي

غلطانه تقوليله مفروظ مسج صغير تخرعينها يزر عقلها عشان تتكن وانتي خلج البريئه المسكينه

صح ترى اهم شي الزوج محد طقه على ايده وقال كلم فلانه وعلانه انت ماتضمنين البنات بس تقدرين تكلمين زوجج وتقنعينه والله يهدينا جمعيعا

اولا عفيه عليج انج طلعتي بياناتها واذا على كلمة الريال ترى كلهم يدوسون راس المره بس ما يرضون شي يمس رفيجته…دزيلها مسج خرعيها مع انها كبيره ما راح تخاف بس جربي….استغرب من اللي يقول لاتسوين شي وعوار راس وما تبي مشاكل يعني الوحده ما تحافظ على بيتها وتضيع اعيالها احسن!!!!!!