شلون اعطي هالريال درس ما ينساه؟؟؟؟

بنات رفيجتي صايرة معاها مشكلة وطلبت مني الحل انا ودي اخذ رايكم السالفة باختصار : من فترة زوجها متغير عليها وايد وايد اهي ما شكت فية لانه انسان زين اخلاقة كانت زينة المهم ذاك اليوم والا ادق عليها وحدة وهات يا تسفيل شرشحت رفيجتي خلتها بيزه ما تسوى تقول لها ريلج خطيبي وانت مو كفو تكونين زوجتة من هالحجي الي ماله اخر المهم البلوى لمى زوجها درى طبعا من الصاحبة وفهمتة ان رفيجتي اهي اللي داقة عليها الزوج انصدم راح قلب عالمسيجسنة رفيجتي وهذا طبعة يقط الذنب عليها المهم الحين الموضوع صاير له شهر ورفيجتي ما تحاجية اللي ابي الحين
الزوج اعتذر بس رفيجتي مو قادرة تتحملة بنفس الوقت تبي تحافظ على بيتها وتضمن زوجها شتسوي ؟؟؟ شالحل الحرة مموتتها على فكرة صاحبتة مو كويتية الظاهر سورية او لبنانية

اهم شى تدعى ربى انه يحفظه ويرده لبيته
هالشاميات ماخلو شى والرياييل ركضه وراهم … عفيه شنهم مايشوفون

والله قلبى معاها … الله يفرج لها يارب

تدرين انا من قريت سالفتها وانا ميته من الحرة كل من الشاميات مالت عليهم غاثينا وين ماراحوا المطلوب منها الحين الدعاء اولا واخيرا ةوتعطي ريلها فرصه ثانيه وتسوي روحها امسامحته شنسويي دايما احنا الي نسامح لوهي امسويتها جان قلب عاليها واطيها بس ربج كريم وبشر الصابرين المهم ترجهع وتحطه تحت المجهر خو الوحدة مو كل يوم لها ريل
والله يعينها على هالبلوه ويصبرها

انا رايي ماتتنازل عن ريلها
وعاد تحاول بشطارتها وبالعيارة والجمبزة ترده لها وتشده
والله قهر
ترى شغل الزعل والتعزز ما ينفع بعصر البرتقاله هذا اللي احنا عايشين فيه
لان اللي ماشي هالوقت شغل الهلاقة والسالفة صارت مخامط عالرياييل
شنو بتخسر لي حاولت
عالاقل يمكن تحصل على نتيجة ويرد لها
وهي اولى بريلها
وخل تخليها سالفة تحدي
لا تتنازل عن زوجها حق هالهيلق
وخل تحسسه انها راقية باخلاقها وعقلها كبير
وخل تستغل نقاط ضعف رفيجته
يعني اهي كلمتها واكيد لاحظت اسلوبها شلونوواضح ان رفيجته انفعاليه
ترى الرياييل ما يبون النكد
يبون المرة بس تضحك لو شنو يصير
خل تحسسه انها تقدر تريحه وتفهمه
وانها معاه مو عليه
والله يوفقها انشالله

انا مع راي نفووووووش

راي من راي نفيشه هالشامية قدرت تضحك على عقله بكلمتين ( بحبك وتقبر ألبي ) خليه تعطيه فرصه ثانيه ماله إلا بنت ديرته ولا تخلي الفرص لغيرها يلعب بالمية العكره وكان الله في عونها

الله يكون في عونها

وانصحها بالصبر والدعاء

الله يعييييييييينه انا احتريت والله ..

قوليلها قذبي ريلج ولاتخلين هالصخله تمسكه وتفوز فيه .. مصيبه صابتهم ميتين يبون خليجي عشان ماتخلي احد من اهلها الا تييبه وتشغله هني ويصير لها راس وكرياس وما تتحاجا هقبها يمالهم الويعه حاريني والله ..

قوليلها هذا ريلج ابوعيالج نزوه وغلط انسي سالفة كرامه ماكرامه ماكو بين المره وريلها كرامه ..

حاولي تردينه لج وتلحلي شوي تشخلعي وتدلعي وقولي مثلهم تابر البي ويابعد عمري ومدري شنو حلي لسانج وجذبيه لج ..

والله ان فازت فيه بتتحسفين طووووووووول عمرج انج خليتيه لها ..

اهو زوجج وانتي احق فيه وهي مجرد رفيجه خليله طايحة حظ ..

والله يهدي لها ريلها ويسخرها له ويرجعه لها ويشين المره الثانيه بعينه امين ..

والله هالشغله كاثره لاحول ولا قوة الا بالله والله يعين الحريم ..

السلام عليكم

نصيحتي لك ولها ان تدعي بهذا الدعاء بعد كل صلاة والله يهديه لها

(( اللهم ملكني قلب من احوجتني اليه ))

وخل تحافظ على بيتها وعيالها .

شكرا المشكلة نفسيتها زفت بالعربي دمروها

انا مع راي نفووووووش والغشيمة وباقي البنات … اصلا لا تخلين لها فرصة خييييييييييييير شررررررر وربنا وياك صج شي يحر القلب انا احتريت امصيبة عليهم ما خلوا لنا شيء

الله يكون بعونها يارب

كسرت خاطري

الله ياجرها ياعمري والله قهر
الحمدلله الدي عافانا
الله يكون بعونها ويرده لها ردا جميلا
ويعمي عينه عن هالوصخة الهبلة

ا مين

نفس راي البنات ماشالله كفو و وفو ودعاء اللهم ملكني قلب من احوجتني اليه عجيب انا مجربته وعليها بقيام الليل والدعاء بآخر ساعه من عصر الجمعه